Deuteronomio 32:3 - Q'eqchi Bible

³ Ok we chi xyaab'ankil xk'ab'a' li Qaawa': chenimaaq xloq'al li qaNimajwal Yos!

Li Santil hu

³ La̱in tinnima xcꞌabaꞌ li Ka̱cuaꞌ. Ut lix tenamit teꞌxye nak nim xcuanquil.

Deuteronomio 32:3 ပူးပေါင်းရင်းမြစ်များ

Jeremías 10:6

Maajun junaq juntaq'eetat wi', at Qaawa': jwal nim laaloq'al ut k'ajo' xnimal laawankil!

Salmos 150:2

Chenima ru sa' xk'ab'a' li xninqal xb'aanuhom, chenima li xk'ab'a' xb'aan naq numtajenaq li xwankil.

Efesios 1:19

Chenaw ajwi' naq k'ajo' xnumtajenaqil li xwankil qik'in laa'o li nokoopaab'ank, jo' chanru nak'utunk xb'aaneb' li xninqal ru xb'aanuhom li xwankilal.

Deuteronomio 5:24

ut keye we: «K'e reetal, li Qaawa' li qaYos xk'ut chiqu li xloq'al ut li xnimal xwankil ut xqab'i xyaab' li xkux sa' li xam. Sa' li kutan a'in xqil naq li Yos truuq traatina li winq ut a'in toj tyo'yooq.

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

San Juan 17:6

“Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

1 Crónicas 29:11

Aawe, at Qaawa', li wankilal, li q'axok u, li loq'oniik, li loq'al ut li nimaak u, xb'aan naq aawe jo'nimal wank sa' choxach'och'. Aawe ajwi' li awab'ejink, xb'aan naq laa'at li jwal nim laawankil sa' xb'een chixjunil, at Qaawa'.

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

Éxodo 33:19

Kichaq'ok li Qaawa': “Laa'in tinnumsi chixjunil li wusilal chaka'yab'aal ut tinye aawe link'ab'a'. Xb'aan naq nawusilaheb' li nawaj rusilankileb', ut nawuxtaanaheb' li nawaj ruxtaanankileb'.

Éxodo 6:3

Xink'ut wib' jo' Nimajwal Yos chiru laj Abrahán, laj Isahak ut laj Jakob, ab'anan ink'a' xink'eheb' chixnaw lintz'aqal k'ab'a': a' li Qaawa'.

1 Crónicas 17:19

“At Qaawa', xab'aanu chixjunileb' li sachb'ach'oolej a'in re inraab'al ut rajom laach'ool, re naq taanawe'q laanimal laawankilal.

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

1 Crónicas 29:10

Chirix chik a'an laj David kixloq'oni li Qaawa' chiruheb' chixjunil li wankeb' sa' li nimla ch'utam ut kixye: “Osob'tesinb'ilat taxaq chi junelik, at Qaawa', xYos li qayuwa' Israel!

1 Crónicas 29:13

Jo'kan naq, at qaYos, anaqwan nokooyoxink chawu ut naqaterq'usi laaloq'laj k'ab'a'.