Deuteronomio 3:5 - Q'eqchi Bible

⁵ Chixjunileb' a'an junes xninqal tenamit, najt xteram li xsuttz'akeb', kaw tz'apinkeb' rik'in ch'iich' li rokeb'aaleb', chi ink'a' k'eeb'ileb' sa' ajl li xtenamiteb' laj Perés li k'ajo' xk'ihaleb'.

Li Santil hu

⁵ Chixjunileb li tenamit aꞌin cauresinbileb chi us. Najt xteram eb li tzꞌac li sutsu̱queb cuiꞌ ut tzꞌaptzꞌo̱queb li oqueba̱l riqꞌuin chꞌi̱chꞌ. Ut cuanqueb ajcuiꞌ nabal li tenamit li kachap li moco sutsu̱queb ta riqꞌuin tzꞌac.

Deuteronomio 3:5 ပူးပေါင်းရင်းမြစ်များ

Hebreos 11:30

Sa' xk'ab'a' li paab'aal ke'uq'je'k li tz'ak sutsu wi' li tenamit Jerikó, naq ak xsutimank rix chiru wuqub' kutan.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

Números 13:28

Ab'anan li poyanam wankeb' sa' li na'ajej a'an, jwal kaweb' rib'; sutsuukeb' chi tz'ak ut jwal ninqeb' li xtenamiteb'. Xqilatq chaq aran li ralal xk'ajol laj Anak.

Deuteronomio 3:4

Toja' naq kiqeechani chixjunileb' li xtenamit: maajun tenamit ink'a' ta kiqachap. Oxk'aaleb' chi tenamit kiqeechani, chixjunil li xteepal Argob, sa' li x'awab'ejihom laj Og aran Basán.

Deuteronomio 3:6

Kiqateneb' kamk sa' xb'eeneb' jo' kiqab'aanu rik'in laj Sijón, awab'ej re Jesbón; kiqaq'axtesi chi oso'k chixjunileb' li tenamit: jo' winq, ixq ut kok'al.

1 Samuel 6:18

Ut li xk'ihaleb' li ch'o yiib'anb'ileb' rik'in oor, a'an juntaq'eet rik'in li xk'ihaleb' li xtenamiteb' li oob' chi ninqeb' xwankil aj Filistea: k'eeb'ileb' sa' ajl li tenamit suttz'akanb'ileb' jo' ajwi' eb' li k'aleb'aal maak'a' xsutb'aleb'. Li nimla pek li kihilank wi' li xLoq'laj Kaax li Qaawa', toj wank ajwi' anaqwan sa' xk'aleb'aal laj Josué aj Bet-Semes.

Nehemías 9:25

Koxe'xchap eb' li tenamit kawub'resinb'ileb' chi us ut li chaab'il ch'och'; naab'aleb' li ochoch nujenaqeb' chi chaab'il eechej, xiikileb' li kumb', li awimq uub' ut oliiw, ut eb' li che' na'uuchink. Ke'wa'ak, ke'k'ojlaak xch'ool, ke'ninqank xtib'eleb' ut ke'xyal xsahil li xnimal aawusilal.

Ester 9:19

Jo'kan naq eb' laj Judiiy li xcha'cha'ihomeb' rib' sa' chixjunil li awab'ejihom neke'ninq'ehik sa' li kaalaju xb'e li po Adar, chi q'axal sa sa' xch'ooleb', ut nalaje'xk'e xmaataneb' chirib'ileb' rib'.