Deuteronomio 3:4 - Q'eqchi Bible

⁴ Toja' naq kiqeechani chixjunileb' li xtenamit: maajun tenamit ink'a' ta kiqachap. Oxk'aaleb' chi tenamit kiqeechani, chixjunil li xteepal Argob, sa' li x'awab'ejihom laj Og aran Basán.

Li Santil hu

⁴ Ut quike̱chani chixjunileb li tenamit. Ma̱ jun incꞌaꞌ ta quike̱chani. Oxcꞌa̱l li tenamit kachap. Aꞌan chixjunil li naꞌajej Argob li quitaklan cuiꞌ li rey Og aran Basán.

Deuteronomio 3:4 ပူးပေါင်းရင်းမြစ်များ

1 Reyes 4:13

laj Ben-Jéber kiwank Ramot sa' xteepal Galahad (kiwank ajwi' sa' xk'aleb'aaleb' laj Yaír, ralal laj Manasés, sa' xteepal Galahad, jo'wi' sa' xteepal Argob re Basán: oxk'aaleb' xninqal tenamit wankeb' xsuttz'ak ut q'anch'iich' sa'eb' li okeb'aal);

Josué 12:4

Laj Og, awab'ej re Basán, a'an jun xkomoneb' laj Refait. A'an kiwank aran Astarot ut Edreí,

Números 21:35

Jo'kan naq eb' laj Israel ke'xq'ax ru laj Og, eb' li ralal xk'ajol ut chixjunileb' li poyanam; ke'xkamsi chixjunileb' toj reetal maajun kikanaak chi yo'yo. Ut ke'reechani li xch'och'eb'.

Deuteronomio 3:3

“Jo'ka'in naq li Qaawa' li qaYos kixq'axtesi sa' quq' laj Og, awab'ej re Basán, rochb'een chixjunil li xtenamit. Kiqaq'ax ruheb' toj reetal maajun kikanaak chi yo'yo.

Deuteronomio 3:5

Chixjunileb' a'an junes xninqal tenamit, najt xteram li xsuttz'akeb', kaw tz'apinkeb' rik'in ch'iich' li rokeb'aaleb', chi ink'a' k'eeb'ileb' sa' ajl li xtenamiteb' laj Perés li k'ajo' xk'ihaleb'.

Deuteronomio 3:13

Li rela'eb' laj Galahad, chixjunil Basán li kiwank rub'el x'awab'ejihom laj Og, ut chixjunil li na'ajej re Argob kinq'axtesi re li xyiijachil xteepal laj Manasés. (Chixjunil li tenamit a'in re Basán, xtenamiteb' laj Refait nayeemank re.

Deuteronomio 3:14

Laj Yaír, ralal laj Manasés, a'an li kikanaak wi' chixjunil li na'ajej re Argob, toj sa' xnub'ajleb' laj Jesur ut eb' laj Mahaká; a'an li kik'ehok re Basán li k'ab'a'ej li nayeemank toj sa' li kutan a'in: Xk'aleb'aaleb' laj Yaír.)

Deuteronomio 4:47

Li xch'och' a'an ki'eechaniik xb'aaneb' laj Israel. Jo'kan ajwi' kixk'ul laj Og, awab'ej re Basán, a'an ajwi' awab'ej re Amor kama' laj Sijón, junpak'al li nima' Jordán: