Deuteronomio 3:2 - Q'eqchi Bible

² “Toja' naq li Qaawa' kixye we: «Maaxiwa ru, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. Taab'aanu rik'in jo' xab'aanu chaq re laj Sijón, awab'ej re Amor, li xwank aran Jesbón», chan.

Li Santil hu

² Ut li Ka̱cuaꞌ quixye cue: “Matxucuac xban laj Og xban nak la̱in tinkꞌaxtesi saꞌ e̱rukꞌ rochbeneb chixjunileb lix soldado ut lix naꞌajeb. Ta̱ba̱nu re joꞌ xaba̱nu re laj Sehón, lix reyeb laj amorreo li quicuan Hesbón,” chan.

Deuteronomio 3:2 ပူးပေါင်းရင်းမြစ်များ

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.

Hechos 18:9

Sa' jun li q'oqyink kixye li Qaawa' re laj Pablo sa' moy u: “Matxiwak! Toj aatinan wan ut matkanaak chi ch'anch'o,

Isaías 43:5

Matxiwak b'i', xb'aan naq wankin aawik'in. Sa' xjayal chaq releb'l saq'e toj sa' rokeb'l tink'ameb' chaq ut tinch'utub'eb' laawalal aak'ajol.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Deuteronomio 20:3

ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

Números 21:34

Toja' naq li Qaawa' kixye re laj Moisés: “Maaxiwa ru laj Og, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. B'aanu re laj Og jo' xab'aanu chaq re laj Sijón, awab'ej re Amor, li xwank aran Jesbón”, chan li Qaawa'.

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Deuteronomio 3:1

“Chirix chik a'an koosutq'iik chaq ut kootaqe'k sa' xb'ehil Basán. Laj Og, awab'ej re Basán, ki'elk chaq chi qak'ulb'al rochb'een chixjunileb' li xpoyanam, ut aran Edreí kooyalok rik'ineb'.

Deuteronomio 3:3

“Jo'ka'in naq li Qaawa' li qaYos kixq'axtesi sa' quq' laj Og, awab'ej re Basán, rochb'een chixjunil li xtenamit. Kiqaq'ax ruheb' toj reetal maajun kikanaak chi yo'yo.

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.