Deuteronomio 27:3 - Q'eqchi Bible

³ ut teetz'iib'a chiruheb', chixjunil li raatinul li chaq'rab' a'in. Teeb'aanu a'in naq toxex'okaq sa' li xq'emal ch'och' tixk'e eere li Qaawa' leeYos, kama' kixye eere li Qaawa', li xYos eb' leexe'toonil yuwa'.

Li Santil hu

³ Ut te̱tzꞌi̱ba chiru chixjunil li chakꞌrab ut li tijleb aꞌin nak ac xex-oc saꞌ li cha̱bil naꞌajej li na-el cuiꞌ chi us li acui̱mk, li tixqꞌue e̱re li Ka̱cuaꞌ lix Dioseb le̱ xeꞌto̱nil yucuaꞌ, joꞌ quixye e̱re.

Deuteronomio 27:3 ပူးပေါင်းရင်းမြစ်များ

Josué 8:32

Aran chiruheb' li tenamit laj Josué kixtz'iib'a wi' chik, chiruheb' li pek a'an, li Chaq'rab' li ak xtz'iib'ahom chaq laj Moisés junxil.

Deuteronomio 26:9

kooxk'am chaq sa' li na'ajej a'in ut kixk'e qe li ch'och' a'in k'ajo' xq'emal.

Hebreos 10:16

“A'an a'in li Sumwank tink'ojob' rik'ineb', chirixeb' li kutan a'an, chan li Qaawa': Tink'eheb' linchaq'rab' sa' li xch'ooleb', ut tintz'iib'a sa' xk'a'uxeb'”.

Josué 5:6

Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Números 14:8

Wi li Qaawa' narusila qu, tooxk'am sa' li na'ajej a'an ut tixq'axtesi qe. Xq'emal tz'aqal li ch'och' a'an.

Números 13:27

A'an a'in li ke'xseeraq'i: “Xoowulak sa' li tenamit xoohaataqla wi', ut relik chi yaal naq xq'emal li ch'och'. A'aneb' a'in ru li awimq.

Jeremías 32:22

Kak'e li ch'och' a'in li k'ajo' xq'emal reheb' laj Israel, jo' chanru kayeechi'i chaq reheb' li xna' xyuwa'eb'.

Jeremías 11:5

Wi tex'ab'inq chiwu, laa'in tinb'aanu li kinye sa' jurament reheb' leena' leeyuwa' ut texink'e chi wank sa' xq'emal li ch'och', jo' wankex wi' anaqwan”. Ut laa'in kinsume: “Jo'kan taxaq, at Qaawa'”, chankin.

Deuteronomio 6:8

Taab'ak'eb' chawuq' jo' junaq eetalil ut letz chapeekem re naq jultikaq aawe.

Levítico 20:24

Laa'in xinye li waatin naq laa'exaq aj eechal re li xtenamiteb'; laa'in ajwi' tink'ehoq chereechani li ch'och' a'an, li k'ajo' xq'emal. “Laa'in li Qaawa' leeYos, li kinsik'ok eeru sa' xyanqeb' li jar teep chi tenamit.

Deuteronomio 6:3

Ab'i, Israel, ut yal aaq'e chi xyu'aminkil, re naq sa tatwanq ut tatk'ihanq sa' li xq'emal na'ajej, jo' kixyeechi'i aawe li Qaawa', li xYos eb' laana' laayuwa'.