Deuteronomio 26:3 - Q'eqchi Bible

³ Toxaak'ut aawib' chiru laj tij wanq aran ut taaye re: «Sa' li kutan a'in tinch'olob' chiru li Qaawa' linYos naq ak xin'ok sa' li ch'och' kixyeechi'i li Qaawa' reheb' li qana' qayuwa' naq tixk'e qe».

Li Santil hu

³ Ut texxic riqꞌuineb laj tij li cua̱nkeb saꞌ li cutan aꞌan ut te̱ye reheb, “La̱in ninye anakcuan chiru li Ka̱cuaꞌ lin Dios nak xo-oc saꞌ li naꞌajej li quixye reheb li kaxeꞌto̱nil yucuaꞌ riqꞌuin juramento nak tixqꞌue ke.”

Deuteronomio 26:3 ပူးပေါင်းရင်းမြစ်များ

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Hebreos 10:21

Wank ajwi' jun xnimal ru aj tij qik'in sa' xb'een li rochoch li Yos.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Deuteronomio 19:17

chi xkab'ichaleb' li winq li wankeb' xch'a'ajkilal chirib'ileb' rib' tento toxe'xq'axtesi rib' chiru li Qaawa', chiruheb' laj tij ut chiruheb' laj raqol aatin wankeb' sa' xk'anjel sa'eb' li kutan a'an.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Deuteronomio 26:2

taaxok li xb'een ru chixjunil li awimq na'elk chiru li ch'och', taak'e sa' junaq chakach ut taak'am sa' li na'ajej sik'b'il ru xb'aan li Qaawa' laaYos cho'q xmuheb'aal li xk'ab'a'.

Deuteronomio 26:4

Toja' naq laj tij tixk'ul laachakach ut tixk'e chaq chiru li x'artal li Qaawa' laaYos.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.