Deuteronomio 26:2 - Q'eqchi Bible

² taaxok li xb'een ru chixjunil li awimq na'elk chiru li ch'och', taak'e sa' junaq chakach ut taak'am sa' li na'ajej sik'b'il ru xb'aan li Qaawa' laaYos cho'q xmuheb'aal li xk'ab'a'.

Li Santil hu

² te̱sicꞌ li xbe̱n ru le̱ racui̱mk li x-el saꞌ li chꞌochꞌ li xqꞌue e̱re li Ka̱cuaꞌ le̱ Dios. Te̱qꞌue li ru le̱ racui̱mk saꞌ jun li chacach ut te̱cꞌam saꞌ li naꞌajej li tixsicꞌ ru li Ka̱cuaꞌ re te̱lokꞌoni cuiꞌ.

Deuteronomio 26:2 ပူးပေါင်းရင်းမြစ်များ

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Éxodo 23:16

“Taanima ajwi' ru li xninq'e li q'olok, li xninq'e li xb'een ru laak'anjel ut li k'aru xawaw sa' laach'och'; jo'kan ajwi' taaninq'ehi li xokok sa' xraqik li chihab', naq taaxok sa' laach'och' chixjunil li ru laak'anjel.

Ezequiel 44:30

Li k'aru jwal chaab'il re li xb'een ru li awimq ut re chixjunil li namayejaak, rehaqeb' laj tij. Ut naq laa'ex teeyiib' li q'em, tento teek'e reheb' li xb'een taa'elq. Chi jo'kan li wosob'tesihom wanq junelik sa' eeb'een sa' leerochoch.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

1 Corintios 16:2

Rajlal domiing li junjunq sa' eeyanq chixk'uulahaq sa' rochoch jo'ch'inal jo'nimal xruhank xxokb'al, re naq ink'a' yooqex chi kub'sink naq toxin'elq laa'in.

1 Corintios 15:20

Ab'anan ink'a'! Li Kriist kiwakliik chi yo'yo sa' xyanqeb' li kamenaq jo' xb'een mayej sa' xyanqeb' li xe'xk'uula rib'.

Romanos 11:16

Ut wi sant li xb'een ru li awimq, sant ajwi' chixjunil. Jo'wi' anchal wi sant li xxe' li che', santeb' ajwi' li ruq'.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

Ezequiel 48:14

Li ch'och' a'in ink'a' naru xk'ayinkil, xsiib'al re anihaq chi moko xjalb'al ru, xb'aan naq q'axtesinb'il cho'q re li Qaawa'.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Deuteronomio 16:10

Ut taanima ru li xNinq'eheb' li Xamaan sa' xk'ab'a' li Qaawa' laaYos: aran taayeechi'i li xk'ihal laamayej li taa'alaaq sa' laach'ool, a' yaal chanru naq xatrosob'tesi li Qaawa' laaYos.

Éxodo 34:26

“Taak'am sa' rochoch li Qaawa' laaYos li xchaab'ilal li xb'een ru laawawimq li na'elk sa' laach'och'. “Maachiq li ch'ina chib'aat sa' xya'al xtu' li xna'”.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Romanos 16:5

Chek'e ajwi' xsahil xch'ool li Iklees li naxch'utub' rib' sa' rochoch lix Priska ut laj Akila. Chek'e xsahil xch'ool laj Epéneto raaro inb'aan, a'an li xb'een reheb' laj Asia chi xq'axtesinkil rib' re li Kriist.

Jeremías 2:3

Xsantil tenamit li Qaawa' naq kexwank chiwu, ex aj Israel, chanchanex li xb'een ru li awimq cho'q we. Jo'kan naq chixjunileb' li ke'rahob'tesink eere, laa'in kintaqla li rahilal sa' xb'eeneb'”, chan li Qaawa'.

Nehemías 13:31

Jo'kan ajwi' kinb'aanu re naq ch'olch'ooq aniheb' te'k'amoq chaq si' cho'q re li artal sa' xq'ehil, ut kinye reheb' li tenamit naq tento xk'eeb'al li xb'een ru li awimq. At inYos, chinjultiko'q taxaq aawe sa' xk'ab'a' chixjunil li us xinb'aanu!

Nehemías 12:44

Sa'eb' li kutan a'an ke'xaqab'aak winq re te'ril li na'ajej li taaxokmanq wi' chixjunil li mayej, li yeechi'om, li xb'een ru li awimq ut li xlajeetqil chixjunil. Tento sa' xb'eeneb' li winq a'an xxokb'al ut xk'uulankil jo'ch'inal jo'nimal taachalq sa'atqeb' li xk'aleb'aalil eb' li tenamit jo' mayej cho'q reheb' laj tij ut eb' laj Leví, jo' tz'iib'anb'il sa' li Chaq'rab'. Xb'aan naq saheb' sa' xch'ool laj Judá rik'ineb' laj tij ut eb' laj Leví li wankeb' sa' xk'anjel.

2 Crónicas 31:5

Ut naq eb' laj Israel ke'rab'i resil a'in, ke'xk'am chaq chi yo'oon li xb'een ru li triiw, li b'iin, li aseeyt, li xya'al kab' ut chixjunil li ru li awimq, rochb'eenatq li xlajeetqil li k'aru wank reheb'.

2 Crónicas 6:6

Ab'an xinsik' ru Jerusalén re naq aran taawanq link'ab'a' ut xinxaqab' laj David chi xjolominkil lintenamit Israel».

2 Reyes 4:42

Moqon chik kiwulak jun li winq aj Bahal-Salisá rik'in li xtaql li Yos. Kixk'am chaq junmay chi ak'waj toja' yiib'anb'il chaq, jo'wi' ak' triiw, sa' li xjelool. “K'ehomaq reheb' li poyanam re te'xwa'”, chan laj Eliseo re laj tenq' re.

Josué 18:1

Chixjunil li komonil reheb' li ralal xk'ajol laj Israel ke'ch'utlaak Siló ut aran ke'xxaqab' li Loq' laj Muheb'aal. Ak wank chixjunil li na'ajej rub'el xwankileb'.

Deuteronomio 18:4

Taak'e reheb' li xb'een ru laatriiw, laa'uub', laa'aseeyt; jo'kan ajwi' li xb'een xb'esb'al rismal laakarneer.

Levítico 2:14

“Wi taak'am chiru li Qaawa' junaq laamayej k'aj ut a'an xb'een ru laawawimq, tento naq cheekaq chi us, joranb'ilaq sa' xam malaj a' li toj rax taamayeja chi poch'b'il.

Levítico 2:12

Naru teeq'axtesi chiru li Qaawa' li xyu xq'emal li kaxlan wa jo'wi' xya'al li kab' cho'q eemayej, jo' xb'een ru leerawimq; ab'anan ink'a' naru xyeechi'inkil jo' k'atb'il mayej sununk xb'ook chiru li Qaawa'.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

1 Corintios 15:23

Ab'anan moko jun waklijikeb' ta, naq te'wakliiq chaq: xb'enwa li Kriist, a'an li xb'een mayej; moqon chik eb' li re li Kriist, sa' li xnimal xk'ulunik.

Éxodo 20:24

Chayiib' jun lin'artal rik'in ch'och', re naq sa' xb'een taayeechi'i laak'atb'il xul ut laamayej, eb' laakarneer ut eb' laab'ooyx. Sa' chixjunil li na'ajej b'arwi' twaj naq taajultikamanq link'ab'a', tinchalq aawik'in ut tatwosob'tesi.

Deuteronomio 26:1

“Naq toxat-okaq sa' li ch'och' tixk'e aawe li Qaawa' laaYos, ut toxaaweechani ut wanqat chisa',

Deuteronomio 26:3

Toxaak'ut aawib' chiru laj tij wanq aran ut taaye re: «Sa' li kutan a'in tinch'olob' chiru li Qaawa' linYos naq ak xin'ok sa' li ch'och' kixyeechi'i li Qaawa' reheb' li qana' qayuwa' naq tixk'e qe».