Deuteronomio 20:3 - Q'eqchi Bible

³ ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

Li Santil hu

³ Ut tixye reheb, “Abihomak la̱ex aj Israel. Anakcuan texxic chi pletic riqꞌuineb li xicꞌ nequeꞌiloc e̱re. Incꞌaꞌ ta̱chꞌina̱k e̱chꞌo̱l chi moco texxucuak. Incꞌaꞌ texcꞌoxlak chi moco ta̱sachk e̱chꞌo̱l xbaneb li xicꞌ nequeꞌiloc e̱re.

Deuteronomio 20:3 ပူးပေါင်းရင်းမြစ်များ

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

Salmos 3:6

Ninyoklaak, ninwark ut na'ajk wu, xb'aan naq li Qaawa' natenq'ank we.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Josué 23:10

Jun ajwi' eere laa'ex naru chi raanilasinkil lajeek'aal rox o'q'ob' (1,000), xb'aan naq li Qaawa' leeYos nayalok sa' eek'ab'a' jo' xyeechi'om chaq eere sa' jurament.

1 Timoteo 6:12

K'e aach'ool chi kaw sa' laapaab'aal, chaweechani li junelik yu'am li katb'oqe'k wi' ut li kach'olob' chi chaab'il xyaalal chiruheb' li k'iila testiiw.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

San Mateo 10:31

Mexxiwak b'i': q'axal terto eetz'aq chiru naab'aleb' li kok' xul.

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.

San Marcos 16:18

te'chapoq k'anti' rik'in ruq'eb' ut, wi te'ruk' k'a'aq re ru nakamsink, maak'a' te'xk'ul; te'xk'e li ruq' sa' xb'eeneb' li yaj ut te'k'iraaq”.

San Marcos 16:6

Ut a'an kixye reheb': —Mexxiwak. Li Jesus aj Nazaret nekesik', a' li kik'ehe'k chiru krus. Xwakliik chi yo'yo, maa'ani chik arin. Wahi' li na'ajej b'arwi' xjilib'aak.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Deuteronomio 20:1

“Naq tatxik chi yalok rik'ineb' li xik' neke'ilok aawe ut taawileb' li xkawaay, eb' li b'eleb'aal ch'iich' ut eb' li k'iila tenamit jwal naab'aleb' chawu laa'at, matxiwak chiruheb', xb'aan naq aawochb'een li Qaawa' laaYos, a' li ki'isink chaq aawe sa' li tenamit Ejiipt.

Deuteronomio 20:2

Ut naq ak okaq eere chi yalok, laj tij taaxik chi uub'ej ut traatinaheb' li tenamit

Li xHu LAJ JOB 23:16

Ninsiksotk ut nach'inank li waanm chiru li Nimajwal Yos.

Isaías 7:4

ut toxaaye re: «K'e reetal ut kawaq aach'ool. Matxiwak ut mich'inank laawaanm xb'aaneb' li wiib' kok' ru'uj si' a'an, a' laj Rasín rochb'eeneb' laj Siria ut li ralal laj Romelías.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Números 14:9

Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Deuteronomio 1:21

Chek'e reetal, li Qaawa' li qaYos xk'ehom sa' leeruq' li tenamit a'in. Ayuqex chi reechaninkil, kama' xyehom eere li Qaawa', xYoseb' leexe'toonal. Mexxiwak ut mich'inank eech'ool», chankin.

1 Samuel 17:32

Toja' naq laj David kixye re laj Saúl: “Maa'ani chich'inanq xch'ool xb'aan laj Filistea a'an. Laa'in, aj k'anjel chawu, tinxik chi yalok rik'in a'an”.

2 Crónicas 32:8

Yal winqeb' li rochb'een chaq, a'ut li qochb'een laa'o a'an li Qaawa' li qaYos, re qatenq'ankil chi yalok”, chan laj Esekías. Q'axal ke'ajk xch'ooleb' li tenamit naq ke'rab'i li aatin kixye laj Esekías, awab'ej re Judá.