Deuteronomio 2:9 - Q'eqchi Bible

⁹ Toja' naq li Qaawa' kixye we: «Maachiq' xjosq'il eb' laj Mohab, maayoob'eb' chi yalok, xb'aan naq maak'a' re li xtenamiteb' a'an tink'e aawe: eb' a'an ralal xk'ajoleb' laj Lot ut ak kink'e li na'ajej Ar reheb'».

Li Santil hu

⁹ Ut li Ka̱cuaꞌ quixye cue, “Me̱chꞌiꞌchꞌiꞌiheb laj Moab li ralal xcꞌajol laj Lot. Me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue lix naꞌajeb chokꞌ e̱re la̱ex. La̱in ac quinqꞌue li naꞌajej Ar reheb”.

Deuteronomio 2:9 ပူးပေါင်းရင်းမြစ်များ

Números 21:15

chi junqre li nima' naxik sa' xjayal Ar ut nawulak toj sa' xnub'ajlil Mohab”.

Números 21:28

Xb'aan naq xlochk xxamlel Jesbón, yo chi k'atk li xtenamit laj Sijón: x'oso'k li tenamit Ar sa' xteepal Mohab, xchoqlenk li tzuul chire li nima' Arnón.

Salmos 83:8

eb' laj Kebal, eb' laj Amón ut eb' laj Amalek, eb' laj Filistea rochb'eeneb' laj Tiro.

Jueces 11:17

Toja' naq ke'xtaqla aj esil rik'in li awab'ej re Edom re xyeeb'al re: «B'aanu usilal, kanab'o chi nume'k sa' laana'aj», chankeb'. Ab'an li awab'ej re Edom ink'a' kiraj. Ke'taqlaak ajwi' aj esil rik'in li awab'ej re Mohab, a'ut chi moko a'an kixkanab'eb' laj Israel chi nume'k aran. Jo'kan naq ke'kanaak Kadés.

Deuteronomio 2:29

jo' kanab'anb'il we xb'aaneb' li ralal xk'ajol laj Esaú li wankeb' Seír, jo'wi' xb'aaneb' laj Mohab li wankeb' Ar, toj reetal tinwulaq sa' li nima' Jordán ut tin'ok sa' li ch'och' tixk'e qe li Qaawa' li qaYos».

Deuteronomio 2:5

mexyalok rik'ineb', xb'aan naq laa'in maak'a' re li xch'och'eb' a'an tink'e eere, chi moko jun miinaq ta xna'aj leeroq, xb'aan naq li tzuul Seír kink'e chireechani laj Esaú.

Números 22:4

ut ke'xye reheb' li xcheekelaleb' laj Madián: “Anaqwan teeril chanru naq eb' li k'iila tenamit a'an te'xsach chixjunil li k'a'aq re ru wank chi qasutam; te'xsach chi junajwa jo' naq li wakax naxsach li pim”, chankeb'. Sa'eb' li kutan a'an laj Balak, ralal laj Sipor, wank cho'q awab'ej re Mohab,

2 Crónicas 20:10

Ab'an anaqwan wankeb' arin eb' laj Amón, eb' laj Mohab ut eb' li chalenaqeb' sa' li tzuul Seír, b'arwi' ink'a' kawaj roksinkileb' li qaxe' qatoon naq ke'elk chaq Ejiipt; jo'kan naq eb' li qana' qayuwa' yal ke'nume'k chirix li na'ajej a'an ut ink'a' ke'xsach ruheb' li tenamit a'an.

Jueces 11:18

Moqon chik sa' li chaqich'och' ke'xk'e q'oot chirix li na'ajej Edom ut Mohab, ut ke'wulak sa' xjayal releb'l saq'e re Mohab. Ke'hilank junpak'al li nima' Arnón, ab'an ink'a' ke'xq'ax li nima', xb'aan naq aran natiklaak li na'ajej Mohab.

Jueces 11:15

“Jo'ka'in xye laj Jefté: Eb' laj Israel ink'a' ke'xchap li xna'ajeb' laj Mohab chi moko ke'xmaq' li na'ajej reheb' laj Amón.

Isaías 15:1

A'an a'in jun li esil chirix Mohab. Chiru jun q'oqyink ajwi' xsache'k li tenamit Ar ut Kir, ut ch'anch'o xkanaak li na'ajej Mohab.