Deuteronomio 2:7 - Q'eqchi Bible

⁷ Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Li Santil hu

⁷ Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Deuteronomio 2:7 ပူးပေါင်းရင်းမြစ်များ

San Lucas 22:35

Ut kixye reheb' chixjunil: —Naq xexintaqla chi maak'a' eeb'ools, chi maak'a' eechampa, chi moko eexaab', ma wank k'aru xmajelo'k eere? Ke'chaq'ok ut ke'xye: —Maak'a'.

Nehemías 9:21

Ka'k'aal chihab' kach'oolaniheb' sa' li chaqi ch'och', ut maak'a' kimajelo'k reheb': ink'a' kiq'elo'k li raq'eb' chi moko kisipoje'k li roqeb'.

Deuteronomio 29:5

Chiru ka'k'aal chihab' kexink'e chi b'eek sa' li chaqich'och', toj maji' na'oso'k leetiqib'ankil wan chaq cherix ut toj maji' ajwi' na'oso'k leeperxaab' cheroq.

Salmos 31:7

Xik' nawileb' li neke'loq'onink jalanil yos li maak'a' neke'ok wi'; a'ut laa'in k'ojk'o li waanm rik'in li Qaawa'.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

Salmos 90:17

A' taxaq li rusilal li Qaawa' li qaYos chiwanq qik'in! Chawosob'tesi li qak'anjel! Chak'e naq us too'elq rik'in li k'aru nalajqab'aanu!

Génesis 26:12

Sa' li chihab' a'an laj Isahak ki'awk sa' li na'ajej a'an ut kixxok o'taqk'aal sa' xb'een li junjunq, xb'aan naq ki'osob'tesiik xb'aan li Qaawa'.

Génesis 24:35

Li Qaawa' xrosob'tesi chi yo'oon laj eechal we, ut a'an xb'ihomo'k chi us, xb'aan naq xmaatani xkarneer, xwakax, xplaat ut x'oor, winq ut ixq li neke'k'anjelak chiru, xkameey ut xb'uur.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Génesis 39:5

Chalen naq kik'ehe'k chi rilb'al li xjunkab'al laj Putifar ut chixjunil li k'aru wank re, li Qaawa' kirosob'tesi laj Putifar sa' xk'ab'a' laj José, ut li rosob'tesihom li Qaawa' kihoye'k sa' xb'een chixjunil li rochoch ut li xk'aleb'aal.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Génesis 30:27

Laj Labán kixye: “Usilal xintaw aawik'in. Kanaaqat. Q'axal xtoq'ob'aal wu naq xinwank; ab'anan, b'anyox aawe laa'at, li Qaawa' xinxrosob'tesi”.

Números 14:33

ut eb' leeralal eek'ajol te'xb'eeni rib' sa' li chaqich'och' chiru ka'k'aal chihab' ut te'xtoj rix leeq'etq'etil, toj reetal tex'oso'q chejunilex chi junwaakaj sa' li chaqich'och'.

Números 14:34

Chiru ka'k'aal kutan xeyal eeq'e chi xk'eeb'al reetal chanru li tenamit. Chiru ka'k'aal chihab' ajwi' teeriiqani leemaak, junq chihab' te'xtoj rix li junq kutan. Chi jo'kan teenaw k'aru naxk'ul li ani naxq'etq'eti rib' chiwu».

Números 32:13

Q'axal kijosq'o'k li Qaawa' rik'ineb' laj Israel ut kixk'eheb' chi xb'eeninkil rib'eb' sa' li chaqich'och' chiru ka'k'aal chihab', toj reetal ke'oso'k chixjunileb' li ke'xb'aanu li ink'a' us chiru.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Deuteronomio 1:46

Jo'kan naq laa'ex jwal najt kexkanaak aran Kadés; laa'ex nekenaw jo' najtil kexwank chaq aran.

Deuteronomio 2:6

Li tzekemq teetzeka ut li ha' teeruk', yal teeloq' rik'in tumin».

Deuteronomio 2:14

“Chalen chaq Kadés-Barné toj re naq kooq'axonk junpak'al li nima' Séred, koob'eek waqxaqlaju xka'k'aal chihab', toj reetal ke'oso'k chixjunileb' li winq neke'yalok, jo' tz'aqal xyehom li Qaawa'.

Josué 5:6

Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Salmos 107:4

Ke'xb'eeni rib' sa' li chaqich'och', sa' junesal na'ajej, chi ink'a' neke'xtaw xb'ehil junaq tenamit te'wanq wi'.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Oseas 13:5

Laa'in kinch'oolanink chaq aawe sa' li chaqich'och', b'arwi' maak'a' nayo'laak.

Génesis 39:3

A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Éxodo 16:35

Chiru ka'k'aal chihab' eb' laj Israel ke'xwa' li maná toj reetal ke'wulak sa' li chaab'il ch'och'. Ke'xwa' a'an toj ke'wulak sa' xnub'ajlil li tenamit Kanahán.

Números 1:1

Li Qaawa' kiraatina laj Moisés sa' li chaqich'och' re Sinaí, sa' li Loq'laj Muheb'aal, sa' li xb'een kutan re li xkab' po, ak wank chik xkab' chihab' relikeb' chaq laj Israel aran Ejiipt, ut kixye re:

Números 22:12

Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Deuteronomio 29:4

Ab'anan toj chiru li kutan a'in, li Qaawa' toj maji' kexk'e chi xtawb'al ru ut chi xnawb'al xyaalalil chixjunil a'in.