Deuteronomio 2:5 - Q'eqchi Bible

⁵ mexyalok rik'ineb', xb'aan naq laa'in maak'a' re li xch'och'eb' a'an tink'e eere, chi moko jun miinaq ta xna'aj leeroq, xb'aan naq li tzuul Seír kink'e chireechani laj Esaú.

Li Santil hu

⁵ Mex-oc chi pletic riqꞌuineb xban nak la̱in incꞌaꞌ tinqꞌue e̱re li naꞌajej li quinqꞌue reheb aꞌan. Chi moco caꞌchꞌin ajcuiꞌ li bar te̱xakab cuiꞌ le̱ rok tinqꞌue e̱re xban nak la̱in ac xinqꞌue re laj Esaú li naꞌajej Seir li tzu̱l ru.

Deuteronomio 2:5 ပူးပေါင်းရင်းမြစ်များ

Josué 24:4

Chirix chik a'an kink'e wiib' li ralal laj Isahak: a'aneb' laj Jakob ut laj Esaú. Laj Esaú kink'e chireechani li tzuul Seír, ab'an laj Jakob rochb'eeneb' li ralal xk'ajol koheb' Ejiipt.

Génesis 36:8

Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

Hechos 17:26

“Rik'in jun chi winq kixyoob'tesi chixjunileb' li tenamit re naq te'wanq junsut junrub'el choxa. Kixxaqab' li saq'ehil ut li hab'alq'e, jo'wi' li xnub'ajlil li xna'ajeb' li tenamit b'arwi' te'hilanq,

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

Deuteronomio 32:8

Naq li Nimajwal Yos kixjek'i xch'och'eb' li junjunq chi tenamit, naq kixjek'i xna'ajeb' li ralal xk'ajol laj Adán, kixxaqab' xnub'ajlil chixjunileb' li tenamit, a' yaal chanru xk'ihaleb' li ralal xk'ajol li Yos.

Deuteronomio 2:6

Li tzekemq teetzeka ut li ha' teeruk', yal teeloq' rik'in tumin».

Deuteronomio 2:22

Jo'kan ajwi' li Qaawa' kirusilaheb' ru li ralal xk'ajol laj Esaú li ke'wank Seír: ke'xsacheb' ru laj Jor, ke'risiheb' ut ke'kanaak sa' li xna'ajeb' chalen toj anaqwan.

Génesis 36:9

A'aneb' a'in li ke'yo'laak sa' riyajil laj Esaú, xyuwa'eb' laj Edom, sa'eb' li tzuul re Seír,

Ezequiel 35:2

“At kaamel winq, ilon sa' xjayal li tzuul re Seír, ut ye re sa' ink'ab'a'