Deuteronomio 18:3 - Q'eqchi Bible

³ “A'anaq a'in li xk'ulub'eb' laj tij chirixeb' li mayejanb'il wakax malaj karneer yeechi'inb'ileb' xb'aan li tenamit: taak'eemanq reheb' laj tij li xb'een xtel, li xkalam re ut li xpuj.

Li Santil hu

³ Nak eb laj levita teꞌxqꞌue jun li bo̱yx malaj ut jun li carner li toj sa̱j re lix cꞌatbil mayej, eb laj tij teꞌxcꞌul lix tel, lix ca̱lam re, ut lix puj.

Deuteronomio 18:3 ပူးပေါင်းရင်းမြစ်များ

Deuteronomio 12:27

Aran, sa' xb'een li x'artal li Qaawa' laaYos, taak'at laamayej. Ut li xkik'el laakames taahoy sa' xb'een li x'artal li Qaawa' laaYos; ab'an naru taatzeka li tib'.

Números 18:11

“Tink'e ajwi' aawe li mayej te'xq'axtesi we eb' laj Israel rik'in xtaqsinkil li ruq'; tink'e cho'q aawe, cho'q reheb' laawalal ut eb' laarab'in chi junajwa. Yalaq ani li maak'a' xmuxul sa' laajunkab'al, naru tixtzeka.

Números 18:12

Chixjunil li chaab'il aseeyt, li uub' ut li triiw, li xb'een ruheb' li awimq taayeechi'imanq re li Qaawa', aawehaqeb'.

Éxodo 29:27

Chi jo'kan taasantob'resi li re xch'ool li eek'asinb'il mayej, jo'wi' li ra' li xul li xq'axtesiik: naraj naxye, li k'aru x'eek'asiik ut xq'axtesiik naq xmayejaak li karneer re xxaqab'ankil laj Aharón ut eb' li ralal cho'q aj tij.

Éxodo 29:28

Ut a'an tkanaaq cho'q re laj Aharón ut reheb' li ralal: xsihom eb' laj Israel, xb'aan naq q'axtesinb'il mayej; q'axtesinb'il xb'aaneb' laj Israel naq yooqeb' chi yeechi'ink mayej, q'axtesinb'il mayej cho'q re li Qaawa'. A'an jun xchaq'rab' li Qaawa' teneb'anb'il sa' xb'eeneb' laj Israel chi junelik.

Levítico 22:7

Sa' rokik li saq'e taakanaaq chi ch'ajob'resinb'il; toja' naq taaruuq chi xtzekankil li santob'resinb'il mayej, xb'aan naq a'an li xtzekemq.