Deuteronomio 17:9 - Q'eqchi Bible

⁹ Aran toxaapatz' aatenq'ankil reheb' laj tij aj Leví ut re laj raqol aatin wank sa' xk'anjel. Eb' a'an te'xtz'ili rix chi us ut te'xye aawe k'aru tkanaaq wi' li ch'a'ajkilal a'an.

Li Santil hu

⁹ Texxic riqꞌuineb laj tij xcomoneb li ralal xcꞌajol laj Leví ut texxic riqꞌuin laj rakol a̱tin. Eb aꞌan teꞌxtzꞌil rix le̱ chꞌaꞌajquilal ut teꞌxye e̱re cꞌaꞌru te̱ba̱nu.

Deuteronomio 17:9 ပူးပေါင်းရင်းမြစ်များ

Ezequiel 44:24

Naq wanq junaq ch'a'ajkilal, a'anaqeb' laj raqol aatin, ut te'xb'aanu jo' naxye linchaq'rab'. Sa' chixjunileb' linninq'e te'xpaab' lintaqlahom ut li waatin, ut te'roxloq'i linhilob'aal kutan.

Malaquías 2:7

“Ex aj tij, laa'ex li xtaql li Nimajwal Yos. Leek'anjel laa'ex, a'an xk'utb'al li Chaq'rab' chiruheb' li poyanam, ut chixjunileb' tento te'xsik' eerik'in li chaab'il na'leb'.

Hageo 2:11

“Sa' xk'ab'a' li Nimajwal Yos patz' reheb' li xyuwa'ileb' laj tij chirix li Chaq'rab':

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Éxodo 22:8

Ab'an wi ink'a' taatawmanq laj elq', laj eechal re li kab'l toxk'ut chaq rib' chiru li Yos re xyeeb'al naq ink'a' xch'e' li ab'i e.

Deuteronomio 17:10

Laa'at taak'ulub'a li k'aru te'xye aawe toj sa' chaq li na'ajej tixsik' ru li Qaawa', ut taab'aanu jo' chanru tz'aqal yeeb'il aawe.

Deuteronomio 21:5

“Chirix chik a'an te'chalq eb' laj tij, eb' li ralal xk'ajol laj Leví, xb'aan naq a'aneb' li sik'b'ileb' ru xb'aan li Qaawa' laaYos chi k'anjelak chiru ut chi osob'tesink sa' xk'ab'a' li Qaawa', ut a'aneb' yaaleb' re chi xk'uub'ankil ru chixjunil li ch'a'ajkilal ut chixjunil li sak'ok ib'.

Zacarías 3:7

“Jo'ka'in naxye li Nimajwal Yos: «Wi nakak'uula linchaq'rab' sa' laach'ool ut nakapaab' li waatin, laa'at tatjolominq re li wochoch; laa'at ajwi' tat-iloq reheb' li xneb'aalil, ut laa'in tatink'e chi wank sa' xyanqeb' li wankeb' arin.

Éxodo 18:16

Naq wank xch'a'ajkilaleb', neke'chalk wik'in; laa'in ninraqok aatin sa' xb'eeneb' ut nink'e chixnaweb' li xchaq'rab' li Yos ut li xtaqlahom”.

Deuteronomio 16:18

“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej.

Deuteronomio 25:1

“Naq wanq raaxiik' sa' xyanqeb' wiib'aq winq, xikaqeb' sa' raqb'a aatin ut taaraqmanq aatin chirixeb': chi jo'kan taach'olaaq ru naq tiik xch'ool li ani tiik xch'ool ut taach'olaaq ajwi' naq wank xmaak li ani wank xmaak.

Deuteronomio 33:10

Eb' a'an neke'xk'ut laataqlahom chiruheb' li ralal xk'ajol laj Jakob ut laachaq'rab' chiruheb' laj Israel. Neke'xyeechi'i pom chawu laa'at ut neke'mayejak chi chaab'il sa' xb'een laa'artal.

1 Crónicas 26:29

Sa' xyanqeb' li ralal xk'ajol laj Isar: laj Kenanías ut eb' li ralal xk'ajol a'aneb' laj tz'iib' ut eb' laj raqol aatin sa' chixjunil li na'ajmank ru rik'ineb' li jalan tenamit.

Zacarías 7:3

jo' ajwi' re xpatz'b'al reheb' li propeet ut eb' laj tij li yookeb' chi k'anjelak sa' rochoch li Nimajwal Yos: “Ma toj wanq li rahil ch'oolejil ut li ayuunik sa' ro' li po, rajlal chihab', jo' naqab'aanu chalen toj anaqwan?”, chankeb'.