Deuteronomio 17:2 - Q'eqchi Bible

² “Mare wanq junaq winq malaj ixq sa'eb' li tenamit tixk'e aawe li Qaawa' laaYos, li tixb'aanu li ink'a' nawulak chiru li Qaawa', tixq'et li Sumwank,

Li Santil hu

² Ma̱re cua̱nk junak cui̱nk malaj ixk saꞌ eb li tenamit li tixqꞌue e̱re li Ka̱cuaꞌ li tixkꞌet li contrato ut ta̱ma̱cobk chiru li Ka̱cuaꞌ

Deuteronomio 17:2 ပူးပေါင်းရင်းမြစ်များ

Oseas 8:1

“Yaab'asi li pur! Chanchan junaq t'iw naq li rahilal tixkut rib' sa' xb'een li xtenamit li Qaawa'. Xb'aan naq xe'xtz'eqtaana linsumwank ut xe'xq'etq'eti rib' chiru linchaq'rab'.

Jueces 2:20

Jo'kan naq kichalk xjosq'il li Qaawa' sa' xb'een li tenamit Israel, ut kixye: “Li tenamit a'in ke'xq'et li sumwank kink'ojob' rik'ineb' li xna' xyuwa'eb'. Ink'a' ke'rab'i xyaab' linkux.

Oseas 6:7

“Ab'anan jo' kixb'aanu laj Adán, jo'kan ajwi' naq kixb'aanu lintenamit: kixq'et linsumwank ut ink'a' kinxpaab'.

2 Reyes 18:12

Ke'xk'ul chi jo'kan xb'aan naq ink'a' ke'xpaab' li Qaawa' li xYoseb', ut ke'xq'et li xsumwank jo'wi' chixjunil li ke'chaq'rab'iik wi' xb'aan laj Moisés, laj k'anjel chiru li Qaawa'. Ink'a' ke'xpaab' chi moko ke'xk'anjela ru.

Josué 23:16

“Wi teeq'et li Sumwank li kixb'aanu li Qaawa' leeYos eerik'in, wi teeloq'oni ruheb' li jalanil yos ut teehupub' eerib' chiruheb', li xjosq'il li Qaawa' taachalq sa' eeb'een ut tex'oso'q sa' junpaat sa' li xchaq'alil ru ch'och' a'in li xk'ehom eere li Qaawa'”.

Josué 7:15

Ut li winq li xxokok re li k'aru tento raj xsachmank, taak'ate'q rochb'een chixjunil li k'aru wank re, xb'aan naq xq'et li xSumwank li Qaawa' ut xb'aanu li ink'a' us sa' xyanqeb' laj Israel, chan li Qaawa'.

Josué 7:11

Eb' laj Israel xe'maakob'k ut xe'xq'et li Sumwank xinb'aanu rik'ineb'. Jun chik: xe'xchapatq cho'q reheb' li k'aru ak q'axtesinb'il chi sache'k. Xe'relq'a, xe'xmuq ut xe'xk'e a'an sa' xyanq li k'aru reheb'.

Deuteronomio 17:5

taawisi chirix li tenamit li winq malaj li ixq a'an li xe'maakob'k ut taateniheb' chi pek toj reetal te'kamq.

Ezequiel 16:38

Tinraqoq aatin sa' aab'een jo' na'uxk re li ixq naxmux li xsumlajik ut li nakamsink, ut tatink'e chi kamk xb'aan linjosq'il ut li xmay inch'ool.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Deuteronomio 31:20

Naq akaq xe'woksi sa' li xq'emal ch'och' kinyeechi'i reheb' li xna' xyuwa'eb', naq akaq xe'wa'ak ut xe'nujak ut xe'ninqank xtib'eleb', te'xik chirixeb' li jalanil yos, te'xloq'oni ruheb' ut laa'in tine'xtz'eqtaana ut te'xq'et linSumwank.

Deuteronomio 29:25

Ut taayeemanq reheb': «Xb'aan naq ke'xq'et li Sumwank kixb'aanu li Qaawa', a' li xYos eb' li xxe'toonil yuwa'eb', naq kirisiheb' chaq sa' li tenamit Ejiipt.

Deuteronomio 29:18

Miwank sa' eeyanq winq malaj ixq, junkab'al malaj teep, li tixkanab' li Qaawa' leeYos ut tixloq'oni ru li xyoseb' li tenamit a'an. Miwank sa' eeyanq xtoonal li k'ahil pim li wank xmay nakamsink.

Deuteronomio 4:23

Chek'e b'i' reetal, misachk sa' leech'ool li Sumwank li kixk'ojob' eerik'in li Qaawa' leeYos ut meeyiib' junaq reetalil chixjunil li k'aru xram cheru li Qaawa' leeYos,

Levítico 26:25

Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Levítico 26:15

wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Hebreos 10:28

Wi ani naxq'et li xChaq'rab' laj Moisés, nekenaw naq teneb'anb'il li kamk sa' xb'een chi maak'a' chik ruxtaanankil ru, rik'in raatineb' wib' oxib'aq chi testiiw.

Éxodo 22:20

“Li taamayejaq chiruheb' li jalanil yos, taaq'axtesiiq sa' ruq' li xb'alb'a.

2 Reyes 21:3

Kixyiib' wi' chik eb' li tijob'aal sa' xjolomeb' li tzuul, li kixjuk'eb' laj Esekías li xyuwa'. Kixxaqab'eb' li x'artal laj Bahal ut kixyiib' ajwi' jun xjalam u lix Aserá, jo' li kixyiib' laj Ajab, awab'ej re Israel. Kixwiq'ib' rib' chiruheb' li xsaqenkil ru li choxa ut kixloq'oniheb',

Li xHu LAJ JOB 31:28

Wi ta xinb'aanu a'an, ink'ulub' raj xtojb'al rix linmaak, xb'aan naq a'an xtz'eqtaanankil li xYosil li choxa.

Jeremías 34:18

Eb' li neke'jolomink re Judá ut Jerusalén, eb' laj ilol re li rochoch li awab'ej, eb' laj tij jo'wi' chixjunileb' li poyanam xe'xk'ojob' jun li sumwank chiwu: xe'xkamsi jun li saaj wakax, xe'xjach sa' xyi ut xe'nume'k sa' xyanq li wiib' jachal. Ab'an xe'q'etok aatin ut xe'xsach xwankil li sumwank xe'xk'ulub'a chiwu. Jo'kan naq tink'eheb' chi oso'k jo'qeb' li saaj wakax

Éxodo 22:19

“Chixjunil li taamaakob'q rik'in xul, kamsinb'ilaq.

Levítico 20:2

“Ye reheb' laj Israel: “Wi junaq aj Israel malaj aj ab'l tenamit li wanq Israel tixq'axtesi junaq ralal re li yos Molok, tento taakamsiiq chi pek xb'aaneb' li tenamit.

Jueces 6:31

Ab'anan laj Johás kixsume chixjunileb' li wankeb' chiru: “Ma laa'ex tab'i' texyaloq chirix laj Bahal? Ma laa'ex texkoloq re? Li ani tixyal xkolb'al rix laj Bahal, kamenaq chik naq taasaqewq wulaj. Wi yaal naq laj Bahal a'an Yos, chixkolaq rib', xb'aan naq xjuk'e'k li x'artal”, chan reheb'.