Deuteronomio 15:9 - Q'eqchi Bible

⁹ Michalk sa' laach'ool li yib' aj na'leb' a'in: «Maak'a' tink'e re, xb'aan naq wulak re li xwuq chihab', a' li xchihab'il xkuyb'al xmaakeb' laj k'as», ut chi jo'kan taapixun aawib' chiru laawas aawiitz'in neb'a' chi maak'a' taatenq'a wi'. Xb'aan naq a'an tixyaab'a xk'ab'a' li Qaawa' sa' aab'een ut laa'at tat-iiqanq re li maak.

Li Santil hu

⁹ Micuan yibru naꞌleb saꞌ le̱ chꞌo̱l ut me̱ye “La̱in incꞌaꞌ tinqꞌue cꞌaꞌru re chi toꞌ xban nak cuulac re li xcuuk li chihab nak incꞌaꞌ teꞌxqꞌue re̱kaj li nequeꞌxtoꞌoni.” Cui incꞌaꞌ nequeqꞌue chi toꞌ li cꞌaꞌru naraj, naru tixya̱ba xcꞌabaꞌ li Dios ut li Dios tixqꞌue saꞌ e̱be̱n li ma̱c xeba̱nu.

Deuteronomio 15:9 ပူးပေါင်းရင်းမြစ်များ

Deuteronomio 24:15

Sa' ajwi' li kutan a'an taatoj li xkutan; mimuqunk li saq'e chi toj wanq aak'as, xb'aan naq a'an neb'a' ut naraj ru li xtojb'al re xnumsinkil li kutan. Chi jo'kan ink'a' tatxjit chiru li Qaawa' ut ink'a' ajwi' taawiiqa junaq maak.

San Mateo 20:15

Ma ink'a' naru tinb'aanu laa'in li nawaj rik'in li k'aru we? Malaj xik' nakawil naq chaab'ilin?».

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Éxodo 22:23

Wi taarahob'tesi, ch'olch'o naq tinxyaab'a, ut laa'in twab'i li xq'oq.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

Proverbios 23:6

Matxik chi wa'ak sa' rochoch junaq aj pix, chi moko charahi li xchaab'il tzekemq,

Li xHu LAJ JOB 34:28

Li xq'oq eb' li tawasinb'ileb' ut eb' li neb'a' xwulak toj rik'in li Yos sa' choxa.

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

1 Pedro 4:9

Chexk'ehoq ochochnaal cherib'il eerib' chi maak'a'aq wech'ink.

Santiago 4:17

Ani naxnaw xb'aanunkil li us ut ink'a' naxb'aanu, a'an wank xmaak.

Santiago 4:5

Ma nekek'oxla naq maak'a' rajb'al li naxye li Santil Hu: “Li Yos q'axal naxra li musiq'ej, li kixk'e chi wank qik'in”?

Proverbios 24:9

Li jip junes xb'aanunkil li maak naxk'oxla, ut eb' li poyanam xik' neke'ril laj hob'onel.

Proverbios 21:13

Li ink'a' naruxtaana ru li neb'a' naq wank sa' rahilal, ink'a' ajwi' taatenq'aaq naq tixpatz' usilal.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

Salmos 9:12

B'ichahomaq xloq'al li Qaawa' li nak'ojlaak aran Sión, puktesihomaq resil li xninqal ru xb'aanuhom sa'atqeb' li tenamit.

Deuteronomio 15:1

“Rajlal wuqutq chihab' taakuyeb' xmaak li wankeb' xk'as aawik'in.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Salmos 101:3

ut ink'a' tink'e sa' xnaq' wu li ink'a' us. Xik' nawil eb' li neke'xq'et xchaq'rab' li Yos ut maajoq'e tinjunaji wib' rik'ineb'.

Éxodo 22:22

“Maarahob'tesi li xmalka'an chi moko li neb'a'yox.

Deuteronomio 31:10

Ut laj Moisés kixchaq'rab'iheb' chi jo'ka'in: “Rajlal wuqub' chihab', sa' xchihab'il li sachok k'as, sa' xNinq'eheb' li Muheb'aal,

Proverbios 14:21

Xtz'eqtaanankil li amiiw, a'an maak; ab'an li Yos narosob'tesi li naruxtaana ru li neb'a'.

Jeremías 34:14

Rajlal wuqub' chihab' chejunilex teekanab' chi ach'ab'anb'il leeras eeriitz'in aj Hebreo. Li junjunq aj Hebreo li xk'ayi rib' cheru taak'anjelaq waqib' chihab' cho'q eemun, ut chirix a'an taawanq chi ach'ab'anb'il, chankin. A'ut eb' leena' leeyuwa' ink'a' kine'xpaab' chi moko ke'raj wab'inkil.