Deuteronomio 13:1 - Q'eqchi Bible

¹ “Mare sa' eeyanq taawakliiq junaq propeet malaj junaq aj matk' ut tixye resil naq xril jun nimla eetalil malaj sachb'ach'oolej.

Li Santil hu

¹ Ma̱re junak profeta malaj junak li naxye xya̱lal li matcꞌ ta̱cuulak e̱riqꞌuin ut tixye resil junak milagro malaj ut junak sachba chꞌo̱lej.

Deuteronomio 13:1 ပူးပေါင်းရင်းမြစ်များ

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

Jeremías 29:8

Laa'in, li Nimajwal Yos, li xYos laj Israel, ninye eere chi jo'ka'in: Meek'e eerib' chi b'alaq'iik xb'aaneb' li propeet ut eb' laj q'e li wankeb' sa' eeyanq; meepaab' li k'aru neke'xye eb' laj matk',

Jeremías 27:9

“Jo'kan naq meepaab' li neke'xye leepropeet, eb' laj q'e malaj li neke'tawok ru li matk', chi moko chepaab' eb' laj tuul ut eb' li neke'nawalink naq neke'xye eere: «Laa'ex ink'a' texwanq rub'el xwankil li awab'ej re Babilonia».

Isaías 9:15

Li cheekel winq ut li nim xwankil, a'an li jolomej, ut li propeet aj b'alaq', a'an li xye.

1 Reyes 13:18

Ab'anan li tiixil winq kixtik'ti'i ut kixye re: “Laa'in ajwi' jun propeet kama' laa'at. Ut jun x'ánjel li Qaawa' xtaqlaak chaq wik'in re xyeeb'al we: «B'oq chaq aawik'in sa' laawochoch, re taatzekanq ut taa'uk'aq»”.

2 Ts 2:9

Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

San Lucas 6:26

“Ra chaalel sa' eeb'een naq chaab'il neke'xye cherix chixjunileb' li poyanam, xb'aan naq jo'kan ajwi' ke'xb'aanu li xna' xyuwa'eb' reheb' li propeet aj b'alaq'.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

San Mateo 24:11

Te'waklije'q chaq propeet aj b'alaq' ut xiikileb' li te'b'alaq'iiq xb'aaneb' a'an.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

Zacarías 13:4

“Sa' li kutan a'an eb' li propeet te'xutaanaq chik chirix li te'ril sa' moy u, ut ink'a' chik te'b'alaq'inq rik'in xk'eeb'al li mutzuk ru aq'ej chirixeb'.

Zacarías 10:2

Eb' li yal k'oxlanb'il yos neke'b'alaq'ik, ut eb' laj q'e tik'ti' li neke'ril. Moko yaal ta neke'xye eb' li neke'xtaw ru li matk', yal re b'an k'ojob'ank ch'oolej naq neke'aatinak. Jo'kan naq li tenamit neke'cha'chotk jo'eb' li karneer, ut wankeb' chi yalaq chanru xb'aan naq maak'a' laj k'aak'alehom reheb'.

Ezequiel 13:23

Jo'kan naq ink'a' chik tex'iloq b'alaq'il moy u chi moko texq'ehinq chik. Laa'in tinkol lintenamit sa' leeruq' ut aran teenaw naq laa'in li Qaawa'»”.

Jeremías 23:11

“Eb' li propeet jo'wi' eb' laj tij yib'ru xna'leb'eb', ut xintaw ajwi' li xmaa'usilaleb' sa' li wochoch -chan li Qaawa'-.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

2 Pedro 2:1

Ke'wank ajwi' chaq propeet aj b'alaq' sa' xyanq li xtenamit li Yos. Jo'kan ajwi' sa' eeyanq laa'ex te'wanq aj tzolonel aj b'alaq' li te'roksi chaq chi muqmu li b'alaq'il na'leb' re xsachb'al li qapaab'aal; te'xtz'eqtaana ajwi' li Qaawa' li kikolok reheb', ab'anan chi junpaat te'xb'oq li sachk sa' xb'eeneb'.

Jeremías 29:24

Li Qaawa' kixchaq'rab'i laj Jeremías naq tixye chi jo'ka'in re laj Semaías, aj Nehelam:

Deuteronomio 18:20

Ab'an wi li propeet taa'aatinaq sa' ink'ab'a' chi ink'a' xinye laa'in, malaj taa'aatinaq sa' xk'ab'a'eb' li jalanil yos, li propeet a'an taakamq», chan li Qaawa'.

Jeremías 23:32

Tink'eheb' chi xtojb'al xmaakeb' li propeet li neke'xseeraq'i li tik'ti' aj matk', ut neke'xk'e chi sachk lintenamit rik'in li xk'iila seeraq'eb'. Moko laa'in ta xintaqlank reheb' chi moko inchaq'rab'ihomeb'; jo'kan naq moko tz'aqaleb' ta re xtenq'ankileb' li tenamit -chan li Qaawa'-.

Jeremías 29:26

Li Qaawa' xxaqab'ank aawe cho'q aj tij, a Sofonías, cho'q ruuchil laj Johadá, re naq laa'ataq li xjolomileb' laj ilol re li rochoch li Yos. Wi twanq junaq kaan ru xjolom li tixk'e rib' cho'q propeet, tento naq taak'e sa' li nat'che' ut taab'ak' chi kareen.

Deuteronomio 4:1

“Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

1 Reyes 13:19

Toja' naq li propeet li kichalk chaq Judá kisutq'iik, kiwa'ak ki'uk'ak sa' rochoch li jun chik.

Proverbios 30:6

Maak'e xb'een li raatin li Yos; mare anchal tatxch'iila ut tatxk'e cho'q aj tik'ti'.