Deuteronomio 12:3 - Q'eqchi Bible

³ Juk'umaq li x'artaleb', puk'iiq li xxaqab'anb'il pekeb', k'atomaq li xtoon che' neke'xloq'oni ru, putz'ihomaq eb' li xjalam u li xyoseb', ut sachomaq li xk'ab'a'eb' sa'eb' li na'ajej a'an.

Li Santil hu

³ Te̱jucꞌ chi junaj cua lix artaleb. Te̱jori li pec li nequeꞌlokꞌonin cuiꞌ ut te̱cꞌat ajcuiꞌ li cheꞌ li nequeꞌxlokꞌoni cuiꞌ lix Asera lix dioseb. Sachomak ruheb chi junaj cua chixjunil li yi̱banbil dios re nak ma̱ ani chic ta̱jultica̱nk re lix cꞌabaꞌeb.

Deuteronomio 12:3 ပူးပေါင်းရင်းမြစ်များ

Jueces 2:2

Ab'anan tento naq laa'ex ink'a' teek'e eerib' sa' aatin rik'ineb' li wankeb' sa' li tenamit a'in, teejuk'i b'an li x'artaleb'», chankin. A'ut laa'ex ink'a' kerab'i xyaab' linkux. K'a'ut naq xeb'aanu a'an?

Números 33:52

teeraanilasiheb' chixjunil li poyanam wankatqeb' aran. Teejuk' chixjunileb' li b'onb'ileb' pek, teeputz'iheb' li xjalam u yiib'anb'ileb' rik'in ha'lesinb'il q'anch'iich' ut teejuk'i chixjunil li x'artaleb'.

Zacarías 13:2

“Sa' li kutan a'an tinsachi li xk'ab'a'eb' li jalanil yos, sa' xteepal Judá, re naq maajun chik taajultikanq reheb'. Tinsacheb' ajwi' li propeet aj b'alaq' ut eb' li maa'us aj musiq'ej -chan li Nimajwal Yos-.

Salmos 16:4

K'ajo' xk'ihal li xyoseb', ut sa' aanil neke'xik chirixeb'. A'ut laa'in maajaruj tinmayejaq kik' chiruheb', chi moko tinyaab'aheb' li xk'ab'a' rik'in xtz'uumal we.

Deuteronomio 7:5

A'an a'in li tento teeb'aanu: juk'umaq eb' li x'artal li wuqub' chi tenamit a'an, putz'ihomaq li xxaqab'anb'il pekeb', chetoqi eb' li xloq'laj toon che' ut teek'e xxamlel li xyoseb'.

Éxodo 23:13

“Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.

Apocalipsis 13:1

Kiwil naq ki'elk chaq sa' li palaw jun li josq' aj xul wank lajeeb' xxukub' ut wuqub' xjolom. Chiruheb' li xxukub' wank lajeeb' lemtz'il koroon, ut sa' xb'eeneb' li xjolom junjunq tz'iib'anb'ileb' k'ab'a'ej re majewank.

Miqueas 5:14

Tinmich'eb' li xtoonal laaloq'laj che' ut tinsach ruheb' laatenamit.

Oseas 2:17

Twisi sa' xch'ool li xk'ab'a'eb' laj Bahal ut maajoq'e chik tixpatz'eb' -chan li Yos-.

Jeremías 17:2

Eb' laawalal aak'ajol najultiko'k reheb' eb' li artal ut li xtooneb' li che' nekek'e cho'q yos, li wankatqeb' sa' xmuheb' li che', sa' xb'eenatq eb' li xninqal b'ool

2 Crónicas 34:3

Ak waqxaqib' chihab' rokik cho'q awab'ej chi toj saaj ajwi', laj Josías kixtikib' xsik'b'al li xYos laj David li xyuwa'; ut naq yo chik xkab'laju chihab', kixtikib' risinkileb' li tijob'aal wankatqeb' chi tzuul sa' xteepal Judá ut Jerusalén, jo' ajwi' eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek.

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

2 Crónicas 19:3

Ab'anan wank li k'aru us xab'aanu, naq xajuk'iheb' li xjalam u lix Aserá sa' li qatenamit, ut xak'e aach'ool chi xsik'b'al li Qaawa' Yos”.

2 Reyes 23:14

Kixpuk'iheb' li pek ut kixputz'iheb' li che' loq' chiruheb', ut kixnujob'resiheb' li na'ajej rik'in xb'aqeleb' li kamenaq.

2 Reyes 18:4

A'an li kisachok reheb' li tijob'aal sa' xjolomeb' li tzuul, kixjuk'eb' li xjalam u pek che' neke'loq'oniik wi' eb' li jalanil yos. Kixputz'i li k'anti' yiib'anb'il rik'in q'anch'iich' xb'aan laj Moisés, xb'aan naq toj sa' li kutan a'an eb' laj Israel neke'k'atok pom chiru ut Nejustán neke'xk'e cho'q xk'ab'a'.

1 Reyes 15:13

Kirisi ajwi' xwankil li xna' cho'q xna'eb' li tenamit, a' lix Mahaká, xb'aan naq kixyiib' jun xjalam u lix Aserá. Laj Asá kixputz'i li tz'i'b'eetalil a'an ut kixk'at chire li nima' Sedrón.

2 Crónicas 14:3

Kixjuk'iheb' li artal neke'loq'oniik wi' eb' li jalanil yos ut eb' li tijob'aal sa' xjolomeb' li tzuul; kixpuk'iheb' li xaqab'anb'il pek ut eb' li loq'laj che',

Éxodo 23:24

Maahupub' aawib' chiru li xyoseb'. Maaloq'oniheb' chi moko taab'aanu jo' neke'xb'aanu eb' a'an; tento b'an naq taasacheb' chi junajwa ut taapuk'iheb' li xninqal eetalil.

Éxodo 34:13

Taajuk'i li x'artaleb', taapuk'iheb' li xxaqab'anb'il pek ut taayok'i eb' li xloq'laj toon che'.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Deuteronomio 12:4

“Meeloq'oni ru li Qaawa' leeYos jo' neke'xb'aanu eb' a'an.

1 Reyes 14:15

Li Qaawa' tixchiq'leheb' laj Israel, jo' naq nachiq'leek li kaxlan'aj xb'aan li roqha'. Taarisiheb' laj Israel sa' li chaab'il ch'och' a'in li xk'ehom reheb' li xxe'toonil yuwa'eb', ut tixcha'cha'iheb' toj junpak'al li Nima', xb'aan naq ke'xyiib' xyoseb' re xchiq'b'al xjosq'il li Qaawa'.

2 Reyes 11:18

Ut chixjunileb' li poyanam koheb' sa' rochoch laj Bahal: ke'xjuk' ut ke'xputz'i eb' li artal ut eb' li jalam u, ut laj Matán, laj tij chiru laj Bahal, ke'xkamsi chiruheb' li artal. Chirix a'an laj tij kixxaqab'eb' aj k'aak'alehom re rochoch li Yos

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

2 Crónicas 14:2

Laj Asá kixb'aanu li nawulak chiru li Qaawa' li xYos.