Deuteronomio 11:9 - Q'eqchi Bible

⁹ Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal.

Li Santil hu

⁹ Cui te̱ba̱nu li naxye li chakꞌrab, ta̱najtokꞌ rok le̱ yuꞌam saꞌ li naꞌajej li quiyechiꞌi̱c reheb le̱ xeꞌto̱nil yucuaꞌ joꞌ ajcuiꞌ e̱re la̱ex li ralal xcꞌajolex. Saꞌ li naꞌajej aꞌan natauman li cha̱bil echej joꞌ li leche ut li xyaꞌal cab.

Deuteronomio 11:9 ပူးပေါင်းရင်းမြစ်များ

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Deuteronomio 4:40

Paab' li xchaq'rab' ut li xtaqlahom li yookin chi xyeeb'al aawe anaqwan, re naq sahaq aach'ool laa'at ut eb' laawalal aak'ajol, ut taanajto'q roq laayu'am sa' li ch'och' tixk'e aawe chi junajwa li Qaawa' laaYos.

Deuteronomio 6:2

Chi jo'kan teeroxloq'i ru li Qaawa' leeYos chiru chixjunil leeyu'am, ut teepaab' chixjunileb' li chaq'rab' ut li aatin nink'e eere anaqwan, jo'wi' reheb' leeralal eek'ajol ut leeri eemam, re naq taanajto'q roq leeyu'am.

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Deuteronomio 5:16

«Chawoxloq'i laana' laayuwa' jo' chanru xatxchaq'rab'i wi' li Qaawa' laaYos, re naq najtaq roq laayu'am ut sahaq laach'ool sa' li na'ajej tixk'e aawe li Qaawa' laaYos.

Proverbios 10:27

Li naroxloq'i li Qaawa' k'iila chihab' taayo'yooq; a'ut li ink'a' us xna'leb' taak'ose'q li xyu'am.

Proverbios 9:11

Sa' ink'ab'a' laa'in taatiqmanq roq laayu'am ut taak'ihob'resimanq laakutan.

Proverbios 3:16

Rik'in li xnim uq' naxyeechi'i aayu'am najt roq, ut rik'in li junchik naxyeechi'i aab'ihomal ut aaloq'al.

Proverbios 3:2

chi jo'kan taanajto'q roq laayu'am ut us tat-elq sa' chixjunil, chiru k'iila chihab'.

Deuteronomio 6:18

B'aanuhomaq li tiikilal ut li us chiru li Qaawa' re naq sahaq sa' leech'ool ut toxeereechani li chaab'il ch'och' li kixyeechi'i li Qaawa' reheb' leena' leeyuwa',

Éxodo 20:12

“Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

Deuteronomio 5:33

Taaqehomaq chi junelik li b'e kixch'olob' cheru li Qaawa' leeYos: chi jo'kan sa texwanq ut najt texyo'yooq sa' li ch'och' toxeereechani.

Deuteronomio 8:7

Xb'aan naq li Qaawa' laaYos tatroksi sa' jun chaab'il ch'och', wank xnima'il ut yu'amha' neke'wulk'ukje'k chiru taq'a ut chiru tzuul.

Deuteronomio 11:10

Xb'aan naq li ch'och' toxex'okaq wi', maawa' jo' li tenamit Ejiipt li kex'elk wi' chaq, b'arwi' chirix li awk na'uxk t'aqresink rik'in ajwi' leeroq, kama' na'uxk reheb' li kok' awimq.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Deuteronomio 6:3

Ab'i, Israel, ut yal aaq'e chi xyu'aminkil, re naq sa tatwanq ut tatk'ihanq sa' li xq'emal na'ajej, jo' kixyeechi'i aawe li Qaawa', li xYos eb' laana' laayuwa'.

Deuteronomio 11:21

Chi jo'kan taanajto'q roq leeyu'am jo' ajwi' li xyu'ameb' leeralal eek'ajol sa' li ch'och' kixyeechi'i li Qaawa' reheb' leena' leeyuwa'. Texwanq aran jo' najtil wanq li choxa sa' xb'een li ruuchich'och'.