Deuteronomio 11:2 - Q'eqchi Bible

² Anaqwan chek'e reetal leetijb'al xb'aan li Qaawa' leeYos (leeralal eek'ajol ink'a' neke'xnaw chi moko rilomeb'). Chetawaq ru li xnimal xwankil, eb' li sachb'ach'oolej,

Li Santil hu

² Anakcuan cheqꞌuehak retal nak eb le̱ cocꞌal incꞌaꞌ queꞌril nak li Ka̱cuaꞌ quexkꞌus. La̱ex ban quex-iloc re lix lokꞌal, lix cuanquilal ut li sachba chꞌo̱lej,

Deuteronomio 11:2 ပူးပေါင်းရင်းမြစ်များ

Hechos 26:22

Ab'anan li Yos xinxtenq'a, ut chalen toj sa' li kutan a'in yookin chi xch'olob'ankil li yaal chiruheb' li kok' ut chiruheb' li ninq. Li yookin chi xyeeb'al, a'an ajwi' li ak yeeb'il chaq xb'aaneb' li propeet ut laj Moisés, chirix li k'aru tento taak'ulmanq:

Proverbios 22:19

Sa' li kutan a'in ok we chi xyeeb'al aawe chixjunil a'an re naq k'ojk'ooq laach'ool rik'in li Qaawa'.

Deuteronomio 29:10

“Arin wankex sa' li kutan a'in, xaqxookex chejunilex chiru li Qaawa' leeYos: eb' li xjolomil li kab'laju chi teep, eb' leecheekelal, eb' leenawonel chaq'rab' ut chixjunileb' laj Israel,

Deuteronomio 9:26

Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'.

Deuteronomio 8:19

Ab'anan wi taasachq sa' laach'ool li Qaawa' laaYos, wi tatxik chirixeb' li jalanil yos, wi taaloq'oni ruheb' ut taawiq'ib' aawib' chiruheb', laa'in ninch'olob' chawu anaqwan naq tex'oso'q chi junajwa.

Deuteronomio 7:19

eb' li xiwajel rahilal li kawil rik'ineb' laawu, eb' li sachb'ach'oolej ut xninqal b'aanuhom: chanru naq li Qaawa' laaYos katrisi chaq rik'in xnimal xwankil. Jo'kan ajwi' tixb'aanu li Qaawa' laaYos reheb' chixjunil li tenamit nakaxiwaheb' ru.

Deuteronomio 5:24

ut keye we: «K'e reetal, li Qaawa' li qaYos xk'ut chiqu li xloq'al ut li xnimal xwankil ut xqab'i xyaab' li xkux sa' li xam. Sa' li kutan a'in xqil naq li Yos truuq traatina li winq ut a'in toj tyo'yooq.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Deuteronomio 3:24

«At Qaawa', at inYos, laa'at xatikib' xk'utb'al chiru laj k'anjel chawu laanimal aawankilal ut li xkawilal laawuq'. Ani ta chik chi Yosil wank sa' choxa malaj sa' ruuchich'och' li taaruhanq xb'aanunkil xninqal b'aanuhom ut sachb'ach'oolej jo' nakab'aanu laa'at?

Salmos 136:12

rik'in xwankil li ruq' ut xkawilal li xtel, li xnimal xrahom wank chi junelik!

Isaías 53:5

Ab'anan xtiq'e' xb'aan li qamaak ut xrahob'tesiik xb'aan li qamaa'usilal. Rik'in li rahob'tesiik kixk'ul, xk'e qe li tuqtuukilal ut rik'in li xtiq'ilal xook'irtasiik laa'o.

Éxodo 6:6

“Jo'kan b'i', toxaaye reheb' laj Israel: «Laa'in li Qaawa'. Laa'in twisi sa' eeb'een li kawil iiq neke'xk'e laj Ejiipt, texwisi chi munil ut texinkol rik'in xnimal inwankil jo'wi' rik'in xninqaleb' ru inb'aanuhom.

Josué 24:31

Eb' laj Israel ke'k'anjelak chiru li Qaawa' naq toj yo'yo laj Josué. Jo'kan ajwi' ke'xb'aanu chiruheb' li cheekal winqeb' li toj ke'kanaak naq kikamk laj Josué, a'eb' li neke'nawok re chixjunil li xninqal xb'aanuhom li Qaawa' cho'q reheb' laj Israel.