Deuteronomio 1:8 - Q'eqchi Bible

⁸ Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Li Santil hu

⁸ Qꞌuehomak retal. La̱in xinqꞌue e̱re li naꞌajej aꞌin. Texxic ut te̱re̱chani li naꞌajej joꞌ quinye riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob ut reheb ajcuiꞌ li ralal xcꞌajoleb li teꞌcua̱nk mokon, chan li Dios.

Deuteronomio 1:8 ပူးပေါင်းရင်းမြစ်များ

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Hebreos 6:13

Maa'ani junaq nim xwankil chiru li Yos. Jo'kan naq sa' li kutan naq li Yos kixyeechi'i rosob'tesinkil laj Abrahán, kixpatz' xk'ab'a' xjunes rib',

Hebreos 6:14

naq kixye: “Relik chi yaal naq q'axal tatwosob'tesi ut tatink'ihob'resi chi yo'oon”.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Éxodo 33:1

Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

Números 14:23

te'ril li na'ajej inyeechi'om rik'in jurament reheb' li xna' xyuwa'eb'. Maajun reheb' li xe'tz'eqtaanank we te'ril a'an.

Números 32:11

Eb' li winq li ke'elk chaq Ejiipt, chalen aj junqmay chihab', maajoq'e te'ok sa' li na'ajej inyeechi'om chi anchal linch'ool re laj Abrahán, laj Isahak ut laj Jakob, xb'aan naq ink'a' k'ojk'ookeb' xch'ool chiwix.

Deuteronomio 1:11

A' taxaq li Qaawa', li xYos leexe'toonal, chexk'ihob'resi chi k'iila o'q'ob' ut chexrosob'tesi jo' chanru xyeechi'om chaq.

Deuteronomio 11:24

Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj.

Nehemías 9:15

Kataqla chaq li choxahil wa re naq ink'a' chik te'tz'okaaq, ut naq kichaqik reheb', kak'e chi yo'laak li ha' sa' li saqoonak. Chirix chik a'an kaye reheb' naq toxe'reechani li ch'och' kayeechi'i reheb'.

Jeremías 32:22

Kak'e li ch'och' a'in li k'ajo' xq'emal reheb' laj Israel, jo' chanru kayeechi'i chaq reheb' li xna' xyuwa'eb'.

Ezequiel 47:14

Li ch'och' li kinyeechi'i sa' jurament reheb' leemama' leerixa'an, taajek'imanq ut junnaqik li xb'isb'al naq teeraqaxi reheb' chixjunileb'. A'anaq leereechanihom.

Deuteronomio 1:35

«Maajun reheb' li winq a'in li ink'a' useb' te'ril li chaab'il ch'och' li kinyeechi'i xk'eeb'al reheb' leena' eeyuwa'.

Deuteronomio 2:29

jo' kanab'anb'il we xb'aaneb' li ralal xk'ajol laj Esaú li wankeb' Seír, jo'wi' xb'aaneb' laj Mohab li wankeb' Ar, toj reetal tinwulaq sa' li nima' Jordán ut tin'ok sa' li ch'och' tixk'e qe li Qaawa' li qaYos».

Deuteronomio 4:1

“Anaqwan, at Israel, ab'i li aatin ut eb' li chaq'rab' tink'ut cheru. Chek'anjela ruheb', re naq wanq eeyu'am ut tex'ok chi reechaninkil li ch'och' tixk'e eere li Qaawa', xYoseb' leena' leeyuwa'.

Deuteronomio 6:10

“Naq akaq xatroksi li Qaawa' laaYos sa' li ch'och' kixyeechi'i reheb' laaxe'toonil yuwa', a' laj Abrahán, laj Isahak ut laj Jakob, misachk sa' aach'ool li Qaawa'. A'an tixk'e aawe xninqal ut xsahilal ru tenamit ink'a' k'ojob'anb'ileb' aab'aan;

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Deuteronomio 7:12

“Wi taak'e reetal eb' li chaq'rab' a'in, wi taapaab' ut taak'anjela ruheb', relik chi yaal naq li xSumwank li Qaawa' laaYos ut li xrahom twanq aawik'in, jo' kixyeechi'i reheb' laana' laayuwa'.

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Deuteronomio 8:1

“Chepaab' chixjunil li chaq'rab' xinye eere sa' li kutan a'in, re naq taawanq eeyu'am, texk'ihanq ut toxeereechani li ch'och' kixyeechi'i li Qaawa' reheb' leena' leeyuwa'.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Deuteronomio 10:11

kixye b'an we: «Ayu ut k'am xb'eheb' li tenamit a'in re naq toxeereechani li ch'och' kinyeechi'i xk'eeb'al reheb' li xna' xyuwa'eb'», chan.

Deuteronomio 11:9

Chi jo'kan teetiq roq leeyu'am sa' li ch'och' kixyeechi'i li Qaawa' reheb' leena' leeyuwa' jo'wi' reheb' li ralal xk'ajoleb', a' li ch'och' k'ajo' xq'emal.

Deuteronomio 26:3

Toxaak'ut aawib' chiru laj tij wanq aran ut taaye re: «Sa' li kutan a'in tinch'olob' chiru li Qaawa' linYos naq ak xin'ok sa' li ch'och' kixyeechi'i li Qaawa' reheb' li qana' qayuwa' naq tixk'e qe».

Deuteronomio 26:15

Chalen chaq sa' laaloq'laj muheb'aal, toj sa' xb'een li choxa, chawil ut chawosob'tesi chaq laatenamit Israel, jo' ajwi' li ch'och' k'ajo' xq'emal xak'e qe, jo' chanru xayeechi'i chaq reheb' li qana' qayuwa'».

Deuteronomio 28:11

Li Qaawa' tixk'e aawe li chaab'il eechej chi numtajenaq: tixk'e naab'al laawalal laak'ajol, jo'wi' laawakax ut laawawimq, chiru li ch'och' kixyeechi'i reheb' laana' laayuwa' chaweechani laa'at.

Deuteronomio 29:12

Wankex arin chejunilex re xk'ojob'ankil sa' jurament jun li Sumwank rik'in li Qaawa' leeYos sa' li kutan a'in,

Deuteronomio 30:20

Chara li Qaawa' laaYos, chawab'i li xyaab' xkux ut chapchooqat rik'in, xb'aan naq aran wank laayu'am. Chi jo'kan taanajto'q roq laayu'am sa' li ch'och' kixyeechi'i li Qaawa' reheb' laaxe'toonil yuwa', laj Abrahán, laj Isahak ut laj Jakob”, chan laj Moisés.

Deuteronomio 31:7

Chirix chik a'an laj Moisés kixb'oq laj Josué ut kixye re chiruheb' chixjunil laj Israel: “Kawaq aach'ool ut matxiwak! Laa'at tat-ok, aawochb'eeneb' li tenamit a'in, sa' li ch'och' kixyeechi'i xk'eeb'al li Qaawa' reheb' leena' leeyuwa', ut laa'at taaq'axtesi reheb' re naq te'ok chisa'.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Jueces 2:1

Naq li x'ánjel li Qaawa' ki'elk chaq Kilkal ut koho Betel, kixye reheb' laj Israel: “Laa'in kin'isink chaq eere Ejiipt ut kexwoksi sa' li ch'och' inyeechi'om reheb' leena' leeyuwa' naq kinye reheb': «Maajaruj tinq'et linSumwank eerik'in.