Deuteronomio 1:7 - Q'eqchi Bible

⁷ Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.

Li Santil hu

⁷ Xocomak li cꞌaꞌru e̱re ut texxic saꞌ li naꞌajej li tzu̱l ru li cuanqueb cuiꞌ eb laj amorreo. Texxic saꞌ eb li naꞌajej li cuanqueb chi xjun sutam. Texxic saꞌ li ru takꞌa re Arabá, ut saꞌ eb li tzu̱l. Ut texxic Neguev, ut chire li palau, ut saꞌ eb lix naꞌajeb laj cananeo ut li naꞌajej Líbano. Texxic toj cuan cuiꞌ li nimla nimaꞌ Éufrates.

Deuteronomio 1:7 ပူးပေါင်းရင်းမြစ်များ

Deuteronomio 11:24

Chixjunil li na'ajej toxeek'e wi' leeroq, eerehaq laa'ex: chalen chaq sa' li chaqich'och' toj Líbano, chalen chaq li nima' Éwfrates toj wan wi' li palaw sa' rokeb'l saq'e, toj aran wanqeb' xnub'ajlil leena'aj.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.

1 Crónicas 18:3

Laj David kixq'ax ajwi' ru laj Hadadéser, awab'ej re Sobá li wank sa' xjayal Jamat, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

1 Crónicas 5:9

Ke'wank ajwi' sa' xjayal releb'l saq'e toj sa' xmaril li chaqich'och' li natiklaak wan wi' li nima' Éwfrates, xb'aan naq k'ajo' ke'k'ihank li xketomq sa' li na'ajej Galahad.

2 Samuel 8:3

Laj David kixq'ax ajwi' ru laj Hadadéser, ralal laj Rejob, awab'ej re Sobá, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Josué 1:4

Eerehaq chixjunil li na'ajej chalen chaq sa' li chaqich'och' ut Líbano, toj wan wi' li nimla nima' Éwfrates, chixjunil li xch'och'eb' laj Hit toj sa' li Nimla Palaw li wank sa' rokeb'l saq'e.

Deuteronomio 11:11

Li ch'och' toxeereechani, a'an tzuul ut taq'a ru, t'aqresinb'il xb'aan li ha' nachalk chaq sa' choxa.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Apocalipsis 9:14

ut kixye re li xwaq ánjel li wank xtronpeet: “K'ixeb' li kaahib' chi ánjel li jit'jookeb' chire li nima' Éwfrates”.

Génesis 12:9

Chirix chik a'an laj Abrán koho, naxjalihatq li xna'aj chi kok'aq xsa' toj kiwulak Nejeb.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Números 10:12

ut eb' laj Israel ke'elk sa' li chaqich'och' re Sinaí. Li choql koxxaqliiq toj sa' li chaqich'och' re Parán.

Josué 9:1

Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

1 Crónicas 27:29

Laj Sitray, Sarón xtenamit, a'an laj k'aak'alenel wakax aran Sarón; ut laj Safat, ralal laj Adlay, a'an laj k'aak'alenel wakax chiru taq'a.