Deuteronomio 1:1 - Q'eqchi Bible

¹ A'aneb' a'in li aatin kixye laj Moisés reheb' chixjunil laj Israel junpak'al li nima' Jordán, sa' li chaqich'och' re Arabá, sa' xjayal Suf, sa' xyanq Parán ut Tófel, Labán, Jaserot ut Dixab.

Li Santil hu

¹ Aꞌan aꞌin li a̱tin li quixye laj Moisés reheb chixjunileb laj Israel nak cuanqueb saꞌ li chaki chꞌochꞌ nachꞌ riqꞌuin li nimaꞌ Jordán saꞌ li este. Cuanqueb saꞌ li naꞌajej Arabá saꞌ xcaꞌyaba̱l li Caki Palau saꞌ xya̱nkeb li naꞌajej Parán, Tofel, Labán, Hazerot ut Dizahab.

Deuteronomio 1:1 ပူးပေါင်းရင်းမြစ်များ

1 Samuel 25:1

Naq laj Samuel kikamk, chixjunileb' laj Israel ke'xch'utub' rib' re xyaab'ankil ut ke'xmuq sa' li xch'och', aran Ramá.

Josué 22:7

Laj Moisés ak xk'ehom xna'aj li xyiijachil xteepal laj Manasés aran Basán. Ut li yiijach jun chik ak k'eeb'il xna'ajeb' xb'aan laj Josué sa' xyanqeb' li ras riitz'in, sa' xjayal rokeb'l saq'e re li nima' Jordán. Eb' a'an ajwi' ke'osob'tesiik xb'aan laj Josué naq ke'taqlaak sa' li xmuheb'aaleb'.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Josué 9:10

jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.

Josué 9:1

Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

Deuteronomio 33:2

ut kixye chi jo'ka'in: “Li Qaawa' xchalk chaq toj Sinaí; toj Seír kik'utunk chaq li xsaqenk, ak xkutano'k chaq chalen chiru li tzuul Parán. Rochb'een chaq k'iila o'q'ob' chi aj k'anjel chiru; sa' xnim uq' wan chaq li xxamlel li Chaq'rab'.

Números 35:14

oxib' li tenamit te'kanaaq junpak'al li nima' Jordán ut li oxib' chik te'wanq aran Kanahán.

Números 34:15

Eb' li wiib' teep ut li xyiijachil li jun teep chik ak xk'ulumeb' li xna'ajeb' toj junpak'al li nima' Jordán, sa' xka'yab'aal Jerikó, sa' xjayal releb'l saq'e”, chan laj Moisés.

Números 32:32

Laa'o tooxik chi yalok junpak'al li nima' Jordán, aran Kanahán, jo' naxye qe li Qaawa'; ab'an k'e chiqeechani li ch'och' wan chaq arin, sa' xjayal releb'l saq'e re li nima'”, chankeb'.

Números 32:19

Laa'o ink'a' tootz'aqonq na'ajej sa' xyanqeb' laj Israel junpak'al li nima' Jordán, xb'aan naq li qana'aj ak xqataw arin sa' xjayal releb'l saq'e re li nima' Jordán”, chankeb'.

Números 32:5

Ke'xye ajwi': —Wi xqataw usilal chawe chawu, k'e qe li na'ajej a'an, ut moohaak'e chi nume'k junpak'al li nima' Jordán, chankeb'.

Números 13:3

Laj Moisés kixtaqlaheb' jo' chanru yeeb'il re xb'aan li Qaawa': kixtaqlaheb' li wankeb' xwankil sa' xyanqeb' laj Israel. Kixchaq'rab'iheb' naq toj wankeb' chaq sa' li chaqich'och' re Parán.

Números 12:16

Chirix chik a'an ke'elk aran Jaserot ut koxe'kanaaq sa' li chaqich'och' re Parán.

Números 11:35

Moqon li tenamit ke'elk aran Kibrot-Atabá, koheb' Jaserot ut aran ke'kanaak.

Números 10:12

ut eb' laj Israel ke'elk sa' li chaqich'och' re Sinaí. Li choql koxxaqliiq toj sa' li chaqich'och' re Parán.

Génesis 21:21

Kiwank sa' li chaqich'och' Parán xk'ab'a', ut li xna' kisik'ok re li rixaqil sa' li tenamit Ejiipt.

Números 13:26

ut kole'xk'ut rib' chiruheb' laj Moisés, laj Aharón ut chixjunil li xkomonileb' laj Israel aran Kadés, sa' li chaqich'och' re Parán. Ke'xseeraq'i reheb' chi tustu ru chixjunil li k'a'aq re ru koxe'ril chaq sa' li na'ajej, ut ke'xk'ut ru li awimq ke'xk'am chaq.

Habacuc 3:3

Yo chi chalk li Qaawa' toj aran Temán; toj sa' li tzuul Parán yo chi chalk li jwal nim xsantilal. Li xnimal xwankil naxkupu li choxa ut nujenaq li ruuchich'och' rik'in li xloq'al.

Números 33:20

Ke'elk Rimón-Perés ut koxe'hilanq Libná.

Deuteronomio 2:8

“Moqon koonume'k sa' xyanqeb' li qas qiitz'in, li ralal xk'ajoleb' laj Esaú li wankeb' aran Seír, sa' xb'ehil Arabá, li naxik Elat ut Esión-Kéber; kiqajal xjayal li qab'e ut kiqachap xb'ehil li chaqich'och' re Mohab.

Deuteronomio 4:46

junpak'al chaq li nima' Jordán, sa' li taq'a, nach' rik'in Bet-Pehor, sa' li xna'aj laj Sijón, awab'ej re Amor, a' li kiwank chaq Jesbón ut kiq'axe'k ru xb'aan laj Moisés ut xb'aaneb' laj Israel sa' li relikeb' chaq Ejiipt.

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

1 Reyes 11:18

Ke'elk Madián ut ke'wulak Parán. Aran ke'xsik'eb' winq aj tenq'ahom reheb' ut koheb' Ejiipt; koxe'okaq rik'in laj Parahón, awab'ej re Ejiipt, ut a'an kixk'e rochocheb', kixyeechi'i xtzekemqeb' ut kixk'e ajwi' xch'och'eb'.

Números 33:21

Ke'elk Libná ut koxe'hilanq Risá.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Deuteronomio 27:1

Laj Moisés ut eb' li xcheekel winqilal aj Israel ke'xk'e li chaq'rab' a'in sa' xb'een li tenamit: “Chepaab'aq chixjunil li chaq'rab' li tinch'olob' cheru sa' li kutan a'in.

Deuteronomio 29:1

A'aneb' a'in li aatin chirix li Sumwank li kitaqlaak wi' laj Moisés xb'aan li Qaawa' chi xk'ojob'ankil rik'ineb' laj Israel sa' li na'ajej Mohab. A'an a'in li xkomon li Sumwank kixk'ojob' rik'ineb' a'an, sa' li tzuul Horeb.

Deuteronomio 31:1

Laj Moisés ki'aatinak wi' chik rik'in chixjunileb' laj Israel ut kixye reheb':