Daniel 9:9 - Q'eqchi Bible

⁹ At Qaawa', at qaYos, laa'at aj uxtaanat ut nakatoq'ob'a qu, us ta xqaq'etq'eti qib' chawu

Li Santil hu

⁹ At Ka̱cuaꞌ, at kaDios, la̱at nacat-uxta̱nan ku ut la̱at nacatcuyuc re li kama̱c usta ac xkakꞌet la̱ cua̱tin.

Daniel 9:9 ပူးပေါင်းရင်းမြစ်များ

Daniel 9:7

«At Qaawa', aawe li tiikilal ut qe laa'o li xutaan anaqwan ut junelik. Xutaanal wanko laa'o laj Judá: eb' li wankeb' Jerusalén ut chixjunileb' laj Israel, eb' li wankeb' chi nach' ut eb' li wankatqeb' chi najt sa'eb' li tenamit xacha'cha'iheb' wi' xb'aan naq xe'q'etq'eto'k chawu.

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Salmos 130:7

Jo' naq laj k'aak'alenel naroyb'eni li hik'e'k, jo'kanaqeb' ajwi' laj Israel chi royb'eninkil li Qaawa'. Xb'aan naq rik'in li Qaawa' wank li rahok, rik'in a'an wank li tz'aqal kolb'a ib'.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Salmos 130:4

Ab'an laa'at nakakuy nakasach li qamaak, jo'kan naq aak'ulub' naq tatqoxloq'i.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Isaías 63:7

Nawaj xjultikankil li ruxtaan li Qaawa' ut xb'ichankil li xnimal xloq'al, sa' xk'ab'a' jo'nimal li kixb'aanu qe, xb'aan li xrahom sa' xb'eeneb' li ralal xk'ajol laj Israel, li kixk'utb'esi rik'in ruxtaanankil qu ut qusilankil xb'aan li xnimal xchaab'ilal li xch'ool.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Nehemías 9:31

Ut sa' xk'ab'a' xnimal laarahom ink'a' kasacheb' chi junajwa chi moko kakanab'eb' xjunes, xb'aan naq laa'at jun Yos aj uxtaan ut chaab'il laach'ool.

1 Reyes 8:30

Chawab'i li xtij laj k'anjel chawu ut li xtz'aamahomeb' laatenamit Israel naq te'tijoq arin. Choohaawab'i sa' laana'aj, toj sa' li choxa; choohaawab'i ut chakuy qamaak.

Daniel 9:6

Ink'a' xoo'ab'ink chiruheb' li propeet, laj k'anjeleb' chawu, li xe'aatinank sa' laak'ab'a' eb' li awab'ej, eb' laj k'amol qab'e, eb' li qaxe' qatoon jo'wi' chixjunil li tenamit.

Daniel 9:8

At Qaawa', xnumtaak li xutaan sa' qab'een, sa' xb'eeneb' li awab'ej, eb' laj k'amol qab'e jo' ajwi' sa' xb'eeneb' li qaxe' qatoon xb'aan naq xqaq'et laachaq'rab'.

2 Samuel 24:14

Kichaq'ok laj David ut kixye re laj Gad: “Q'axal ch'a'aj wankin. Ab'anan jwal us raj naq tqaq'axtesi qib' sa' ruq' li Qaawa' li q'axal nim ruxtaan, chiru li t'ane'k sa' ruq'eb' li winq”, chan.