Daniel 9:27 - Q'eqchi Bible

²⁷ Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Li Santil hu

²⁷ Li rey aꞌan tixba̱nu jun li contrato riqꞌuin nabaleb li tenamit re jun xama̱n. Abanan chirix oxib cutan riqꞌuin jun cuaꞌleb, li rey incꞌaꞌ chic tixba̱nu li quixye saꞌ li contrato ut tixye reheb laj Israel nak incꞌaꞌ chic naru teꞌmayejak chiru li Ka̱cuaꞌ. Ut li kꞌaxal xiu xiu rilbal ta̱qꞌuehekꞌ saꞌ lix templo li Ka̱cuaꞌ. Ut aran ta̱cana̱k toj ta̱cuulak xkꞌehil nak li Ka̱cuaꞌ tixsach li rey aꞌan chi junaj cua.

Daniel 9:27 ပူးပေါင်းရင်းမြစ်များ

San Mateo 24:15

“Jo'kan utan, naq teeril li xnimal tz'i'b'eetalil yeeb'il chaq xb'aan li propeet Daniel yooq sa' li santil na'ajej (li na'ilok ru hu chixtawaq xyaalal),

San Lucas 21:20

“Naq teeril li tenamit Jerusalén sutsuuq xb'aaneb' laj puub', chenawaq naq nach' chik wank li xnimal xsachik.

Daniel 12:11

Chalen sa' li kutan naq taasachmanq xwankil li mayejak rajlal kutan ut taak'ojob'aaq li xnimal tz'i'b'eetal sa' rochoch li Yos, taanume'q lajeeb' ro'k'aal xka o'q'ob' (1,290) kutan.

San Marcos 13:14

“Naq teeril li xnimal tz'i'b'eetalil yooq xb'aanunkil b'arwi' ink'a' raj xk'ulub' (ani na'ilok ru hu chixtawaq xyaalal), toja' naq eb' li wanqeb' Judea eleliqeb' ut che'xikaq toj chiru tzuul.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.

Daniel 8:13

“Toja' naq kiwab'i jun li ánjel yo chi aatinak, ut li jun chik kixpatz' re: «Jo' najtil taawanq xk'utb'esinkil li moy u a'in? Jo' najtil taawanq li mayejak rajlal kutan, li jo'maajo'il na'leb' ut li loq'laj Muheb'aal? Jo' najtil chik yooq xtawasinkileb' laj paab'anel?».

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Romanos 5:15

Ab'an li usilal moko juntaq'eet ta rik'in li q'etb'a aatin. Sa' xk'ab'a' li xmaak jun chi winq ke'kamk chixjunileb'; ab'an k'ajo' chik xnimal li rusilal li Yos jo'wi' li qamaatan k'eeb'il sa' xk'ab'a' li rusilal jun chi winq, a' li Jesukriist! K'ajo' naq kinumtaak li rusilal li Yos sa' xb'een naab'aleb'!

San Mateo 27:51

Aka' li xt'ikrul li rochoch li Yos kiq'iche'k sa' xyi chalen taqe'q toj taq'a. Ki'eek'ank li ch'och' ut eb' li xninqal pek ke'it'je'k.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Isaías 28:22

Jo'kan naq anaqwan mexse'ek chik, re naq ink'a' teetam li rahilal sa' eeb'een; xb'aan naq xwab'i naq li Qaawa', li Nimajwal Yos, tixk'e chi sache'k chixjunil li tenamit.

Hebreos 9:28

Jo'kan ajwi' li Kriist: jun sut ajwi' kixmayeja rib' re riiqaninkil xmaakeb' li tenamit. Moqon tixk'utb'esi wi' chik rib', maawa' chik re kuyuk sachok maak, re b'an xkolb'aleb' li neke'oyb'enink re.

Romanos 11:26

Toja' naq taakole'q chixjunil laj Israel, jo' tz'iib'anb'il sa' li Santil Hu: “Aran Sión taachalq chaq laj Kolonel ut a'an taarisi li xmaa'usilal laj Jakob.

Romanos 5:19

Xb'aan li xq'etb'a aatin jun chi winq ke'kanaak cho'q aj maak chixjunileb'; jo'kan ajwi', rik'in naq kipaab'ank li jun chi winq, naab'aleb' te'kanaaq cho'q tiikeb' xch'ool.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Jeremías 7:30

Jo'ka'in kixye li Qaawa': “Eb' laj Judá xe'xb'aanu li ink'a' nawulak chiwu: xe'xk'am li xtz'i'b'eetal aj yos sa' linsantil ochoch ut xe'xsach xwankil li na'ajej nanimaak wi' link'ab'a'.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Números 7:62

Kixmayeja ajwi' jun lekleb' yiib'anb'il rik'in oor aj lajeeb' chi tumin, nujenaq chi ensens;

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.