Daniel 9:26 - Q'eqchi Bible

²⁶ Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

Li Santil hu

²⁶ Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Daniel 9:26 ပူးပေါင်းရင်းမြစ်များ

Nahum 1:8

naq nanume'k li b'ut'iha'. Ab'anan naxsacheb' li neke'xq'etq'eti rib' chiru, ut sa' aak'ab' neke'kanaak li xik' neke'ilok re.

Isaías 53:8

Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

San Marcos 13:2

Ut li Jesus kixye re: —Ma nakawil xninqal eb' a kab'l a'in? Ink'a' taakanaaq pek chi xb'een pek chi ink'a' ta taajuk'manq.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

San Lucas 24:26

Ma ink'a' tab'i' tento naq li Kriist xk'ul li rahilal a'an ut chi jo'kan taa'ok sa' li xnimajwal loq'al?

San Marcos 9:12

Kixsumeheb' ut kixye: —Taak'ulunq xb'enwa laj Elías ut tolxk'e wi' chik chixjunil sa' xna'aj; ab'anan chan put ru naq tz'iib'anb'il chirix li K'ajolb'ej naq naab'al li rahilal tixk'ul ut taatz'eqtaanaaq?

San Mateo 24:2

Ut li Jesus kixye reheb': —Nekeril chixjunil a'in, pe' yaal? Relik chi yaal ninye eere: ink'a' taakanaaq arin pek chi xb'een pek chi ink'a' ta taajuk'manq.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Daniel 11:10

«Te'xkawresi rib'eb' li ralal xk'ajol li awab'ej re Siria ut te'xch'utub' naab'aleb' laj puub'. Jun reheb' a'an tixkut rib' chi junpaat jo' li b'ut'iha' sa' xb'een Ejiipt; chirix a'an taa'ok wi' chik chi yalok re reechaninkil li kawub'resinb'il ochoch.

Daniel 9:27

Li xnimal ru winq a'an tixk'ojob' jun sumwank rik'in naab'aleb' li poyanam yal chiru jun xamaan; ab'anan sa' xyi li xamaan tixsach xwankil li k'atok mayej jo'wi' li mayejak, ut a' chik li xnimal tz'i'b'eetal taak'ehe'q sa' xb'een xtaqeq'il li rochoch li Yos, toj reetal naq li tojb'amaak ak yeeb'il xb'aan li Yos taachalq sa' xb'een laj sachonel»”.

Isaías 8:7

Jo'kan naq li Qaawa' tixtaqlaheb' chaq li xkawil oq li nima' Éwfrates sa' xb'eeneb' (a' li awab'ej re Asiria rochb'een chixjunil li xwankilal); taab'ut'unq, taaxik yalaq b'ar ut talaje'nujaq chixjunileb' li na'ajej.

1 Pedro 2:21

A'in aj e naq li Yos kib'oqok eere, xb'aan naq li Kriist kixk'ul rahilal sa' eek'ab'a': kixk'am eeb'e re naq teetaaqe li xnums.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

San Lucas 24:46

Ut kixye reheb': —Jo'ka'in tz'iib'anb'il: «Tento naq li Kriist taarahob'tesiiq ut taawakliiq chi yo'yo sa' xyanqeb' li kamenaq sa' rox li kutan;

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

San Marcos 13:7

“Naq teerab'ihatq naq yooq li kamsij ib' malaj ut yal resil li yalok, mexxiwak: tento taak'ulmanq a'in; ab'an toj maji'aq li roso'jik.

San Mateo 22:7

“K'ajo' naq kijosq'o'k li awab'ej, ut kixtaqlaheb' laj puub' chi xsachb'aleb' laj kamsinel a'an ut xk'atb'al li xtenamiteb'.

San Mateo 22:2

“Li xnimajwal wankilal li choxa chanchan jun li awab'ej li kixninq'ehi xsumlajik li ralal.

Amós 9:5

Li Qaawa', li Nimajwal Yos, naxtoch' li ruuchich'och', ut naha'o'k; chixjunileb' li poyanam neke'ok chi yaab'ak. Nataqe'k ut nasob'e'k li ch'och' jo' naq nab'ut'irk ut nakub'eek li nima' Nilo.

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Oseas 1:9

Toja' naq li Qaawa' kixye re laj Oseas: “K'e cho'q xk'ab'a' «Maawa' intenamit», xb'aan naq maawa'ex chik lintenamit, chi moko laa'in chik leeYos”.

Jeremías 46:7

Ani li naxnima xwankil jo' li nima' Nilo, kama' jun li nima' q'axal kaw roq?

Salmos 22:15

Chanchanin li ha' yo chi hoye'k, b'oq'b'ileb' chixjunil linb'aqel; naq nach'inank linch'ool kama' aj chik li waakab'.

San Lucas 21:6

“Chixjunil a'in li yookex chi xka'yankil, taawulaq xkutankil naq ink'a' taakanaaq pek chi xb'een pek chi ink'a' ta taajuk'manq”.

San Mateo 23:38

Ut anaqwan nakirirnak aj chik taakanab'aaq leerochoch!

Daniel 11:17

Tixk'uub' ajwi' reechaninkil chixjunil Ejiipt; jo'kan naq tixk'ojob' jun sumwank rik'in li awab'ej re Ejiipt ut tixq'axtesi li xrab'in cho'q rixaqil, ab'anan ink'a' taach'olaaq li xk'a'uxl.

Jeremías 51:42

Xtaqe'k li palaw sa' xb'een Babilonia ut tik xmuqunk xb'aaneb' li xkaw oq.

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.

2 Samuel 21:5

Ut eb' a'an ke'xsume: “Laj Saúl kiraj raj qasachb'al ut kixyal qakamsinkil re naq too'oso'q sa' xsutam Israel.

Isaías 28:2

K'ehomaq reetal naq li Qaawa' tixtaqla chaq jun li winq jwal kaw rib' jo' li xsaqb'achil li kawil hab', jo' li kaqsut-iq' chi sachok, jo' tz'aqal li b'ut'iha'. Rik'in ruq' tixkut chi ch'och'

Isaías 28:22

Jo'kan naq anaqwan mexse'ek chik, re naq ink'a' teetam li rahilal sa' eeb'een; xb'aan naq xwab'i naq li Qaawa', li Nimajwal Yos, tixk'e chi sache'k chixjunil li tenamit.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.