Daniel 9:20 - Q'eqchi Bible

²⁰ “Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Li Santil hu

²⁰ Toj yo̱quin ajcuiꞌ chi tijoc chiru li Dios ut yo̱quin chixxo̱tonquil lin ma̱c chiru joꞌ ajcuiꞌ lix ma̱queb lin tenamit Israel. Chi anchal inchꞌo̱l yo̱quin chixtzꞌa̱manquil chiru li Ka̱cuaꞌ nak tixxakab cuiꞌchic lix santil templo.

Daniel 9:20 ပူးပေါင်းရင်းမြစ်များ

Salmos 145:18

Nach' wank li Qaawa' rik'ineb' li neke'yaab'ank li xk'ab'a', rik'ineb' li neke'xyaab'a xk'ab'a' chi anchaleb' xch'ool.

Romanos 3:23

chixjunileb' xe'maakob'k ut maak'a' xloq'al li Yos rik'ineb'.

Isaías 58:9

Chi jo'kan, wi taayaab'a link'ab'a', laa'in tatinsume; wi tinaab'oq, tinye aawe: «We'kin!». Wi ink'a' chik nakatrahob'tesink, wi ink'a' nakathob'ok chi moko nakatq'ab'ank,

Daniel 9:16

At Qaawa', laa'o naqanaw naq aj uxtaanat. Chakuy qamaak, najtob'resi laajosq'il rik'in Jerusalén: a'an laasantil tenamit ut laaloq'laj na'aj. Qamaak laa'o ut xb'aan li xmaa'usilaleb' li qana' qayuwa' se'enb'il chik Jerusalén jo'wi' eb' laawalal aak'ajol xb'aaneb' chixjunil li tenamit wankeb' chi qasutam.

Isaías 65:24

Naq toj maji' neke'xpatz' link'ab'a', laa'in akaq xinsumeheb' chaq; toj maji' ajwi' neke'aatinak, laa'in akaq xwab'iheb'.

Isaías 6:5

Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

Apocalipsis 21:10

Ut sa' musiq'ej kinxk'am sa' xb'een jun li nimla tzuul, najt xteram, ut kixk'ut chiwu li santil tenamit Jerusalén, yo chaq chi kub'eek sa' choxa rik'in li Yos,

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Santiago 3:2

Chiqajunilo naab'al sut nokoot'ane'k. Wi wank junaq ink'a' nat'ane'k rik'in raatin, a'an jun li winq tz'aqal re ru; taaruhanq ajwi' chi xb'eresinkil li xjunxaqalil.

Hechos 4:31

Naq ke'raqe'k chi tijok, ki'eek'ank li na'ajej ch'utch'uukeb' wi', ut chixjunileb' ke'nujak chi Santil Musiq'ej ut ke'ok chi xyeeb'al li Raatin li Yos chi maak'a'eb' xxiw.

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Daniel 10:2

“Chiruheb' li kutan a'an, laa'in laj Daniel kinkawresi wib' chiru oxib' xamaan chi ra sa' inch'ool:

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Eclesiastés 7:20

Ab'anan moko wank ta junaq tiik xch'ool sa' ruuchich'och' li tixb'aanu li us chi junelik, chi ink'a' ta taamaakob'q.

Esdras 10:1

Wiq'wo laj Esdras chiru rochoch li Yos, yo chi yaab'ak, chi tijok ut chi xxootoninkil li xmaak. Toja' naq jun tuub'eb' aj Israel, jo' winq, ixq ut kok'al, ke'xch'utub' rib' chi xsutam, k'ajo'eb' chi yaab'ak.

Nehemías 1:6

Nintz'aama chawu naq chawil taxaq xtoq'ob'aal wu ut chawab'i lintij chi q'eq ut chi kutan sa' xk'ab'a'eb' laj Israel aj k'anjeleb' chawu. Yaal naq xoomaakob'k chawu laa'in ut eb' li wech'alal; xoomaakob'k laa'o aj Israel

Daniel 10:12

Toja' naq li winq kixye we: «Matxiwak, a Daniel. Chalen chaq sa' xtiklajik xayal aaq'e chi xtawb'al ru li moy u a'in ut xakub'si aawib' chiru laaYos. Jo'kan naq x'ab'iik laatij ut xinchalk laa'in chi xyeeb'al aawe li xsumehom li Qaawa'.

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.