Daniel 9:13 - Q'eqchi Bible

¹³ Chixjunil li rahilal a'in xchalk sa' qab'een jo' tz'aqal tz'iib'anb'il sa' li xChaq'rab' laj Moisés; ab'an laa'o ink'a' xqayal xtuulanob'resinkil li Qaawa' li qaYos: ink'a' xqakanab' xb'aanunkil li maa'usilal chi moko naqaj xpaab'ankil li yaal.

Li Santil hu

¹³ Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Daniel 9:13 ပူးပေါင်းရင်းမြစ်များ

Daniel 9:11

Chixjunileb' laj Israel xe'xq'et laachaq'rab' ut ink'a' xe'raj xpaab'ankil laawaatin. Jo'kan naq xchalk sa' qab'een li majewank ut li raaxiik' tz'iib'anb'il sa' li xChaq'rab' laj Moisés laamoos, xb'aan naq xoomaakob'k chawu.

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Isaías 9:13

Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Oseas 7:10

Li xq'etq'etileb' laj Israel yo chi numtaak sa' xb'eeneb', ab'an ink'a' neke'raj sutq'iik rik'in li Qaawa'. Us ta q'axal ra xe'xk'ul, ab'anan ink'a' neke'xsik' li Qaawa' li xYoseb'.

Jeremías 31:18

Xwab'i chi tz'uyink laj Efraín: «Xinaatij, at Qaawa', ab'an xinaatij chi kaw jo' naxk'ul junaq saaj wakax ink'a' tuulanob'resinb'il. Kanab'in chi sutq'iik ut tinsutq'iiq wi' chik aawik'in, xb'aan naq laa'at li Qaawa', linYos.

Jeremías 5:3

At Qaawa', ma ink'a' tab'i' a' li yaal nakasik'? Xarahob'tesiheb', ab'an maak'a' xe'reek'a; xasacheb' ru, ab'an ink'a' xe'raj xtawb'al xyaalal. Xe'xkawub'resi b'an li xch'ooleb' jo' li pek ut ink'a' xe'raj xjalb'al xna'leb'eb'.

Salmos 119:27

Chak'e taxaq inna'leb' chirix laachaq'rab', xb'aan naq twaj xk'oxlankil rix eb' li sachb'ach'oolej xab'aanuhatq.

Li xHu LAJ JOB 36:13

Eb' li ink'a' neke'xk'oxla li Yos, k'ajo' naq neke'josq'o'k. Us ta yookeb' chi k'uluk rahilal, ab'an ink'a' neke'xpatz' xtenq'ankileb'.

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

Efesios 4:21

wi relik chi yaal naq eerab'ihom aatinak chirix ut wi A'an li tzolb'ilex wi' chaq, jo' chanru li yaal wank rik'in li Jesus.

San Juan 10:35

Wi naxk'eheb' cho'q yos li ke'k'uluk re li Raatin li Yos (ut ink'a' naru xsachb'al xwankil li Santil Hu),

San Juan 8:32

teenaw li yaal ut li yaal taa'ach'ab'anq eere.

San Juan 6:45

Tz'iib'anb'il sa' xhuheb' li Propeet: «Tzolb'ilaqeb' chixjunileb' xb'aan li Yos». Chixjunil li na'ab'ink re li Yuwa'b'ej ut naxtzol rib' rik'in, nachalk wik'in.

San Lucas 24:45

Toja' naq kixte xk'a'uxeb' re naq te'xtaw xyaalal li Santil Hu.

Oseas 7:14

Moko anchaleb' ta xch'ool naq neke'tz'aamank chiwu naq yookeb' chi tz'uyink chiru li xch'aateb'. Yal re xtz'aamankil li triiw ut li b'iin naq neke'xlet'exi li xtib'eleb'. Chi jo'kan xe'xq'etq'eti rib' chiwu.

Oseas 7:7

Chixjunileb' nachalk xjosq'ileb' jo' li tiqwal xam, ut neke'xkamsi li xjolomileb'. Kamenaqeb' chik chixjunileb' li x'awab'ejeb', ab'anan maajun naxyaab'a link'ab'a'.

Lamentaciones 5:21

K'eho chi sutq'iik aawik'in, at Qaawa'; ak'ob'resi wi' chik li qayu'am jo' junxil.

Jeremías 44:27

K'ehomaq reetal naq yooqin rilb'aleb' re xtaqlankil li rahilal sa' xb'eeneb' ut maawa' re rusilankileb'. Chixjunileb' laj Judá li wankeb' sa' xteepal Ejiipt te'sache'q ru xb'aan li raaxiik' ut li we'ej, toj reetal naq maajun chik tkanaaq.

Isaías 64:7

Maajun junaq napatz'ok laak'ab'a', chi moko naxyal xq'e chi xsik'b'al laatenq'aal, xb'aan naq xamuq aawib' chiqu ut xoohaakanab' rub'el xwankilal li qamaa'usilal.

Isaías 42:9

Ilomaq, li k'aru xinye chaq xb'enwa, ak xk'ulmank; anaqwan ak' esil chik tinye eere; tink'e chenaw naq toj maji' nak'ulmank”.

Salmos 119:73

Laa'at xatk'uub'ank we ut xinaapak' rik'in laawuq'; chak'e taxaq inna'leb' ut tintaw ru laachaq'rab'.

Salmos 119:18

Chate taxaq xsa' li wu re naq tinka'ya li xloq'al laachaq'rab'.

Salmos 85:4

Xawisi laajosq'il sa' qab'een ut xasach sa' laawaanm li xpo'ik aach'ool.

Deuteronomio 29:4

Ab'anan toj chiru li kutan a'in, li Qaawa' toj maji' kexk'e chi xtawb'al ru ut chi xnawb'al xyaalalil chixjunil a'in.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

2 Reyes 22:16

naq li Qaawa' xye chi jo'ka'in: Tintaqla chaq nimla rahilal sa' xb'een li na'ajej a'in ut sa' xb'eeneb' li wankeb' arin, jo' tz'iib'anb'il sa' li hu xyaab'asimank xsa' xb'aan li awab'ej re Judá,

Isaías 43:22

“Ab'an laa'at, a Jakob, ink'a' xapatz' link'ab'a', xattitz'k b'an inb'aan, a Israel.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Jeremías 44:23

Chixjunil li rahilal li yookex chi xk'ulb'al chiruheb' li kutan a'in, xchalk sa' eeb'een xb'aan naq xexmayejank k'ajpom chiruheb' li jalanil yos, xexmaakob'k chiru li Qaawa' ut ink'a' xex'ab'ink chiru, chi moko xexwank jo' naxye li raatin, li xtaqlahom ut li xchaq'rab'”.

Ezequiel 16:43

Laa'at ink'a' kijultiko'k aawe laasaajilal, kayoob' b'an injosq'il rik'in chixjunil laamaa'usilal; jo'kan naq laa'in tinteneb' li rahilal sa' aab'een xb'aan laayehom laab'aanuhom -chan li Qaawa'-.