Daniel 8:26 - Q'eqchi Bible

²⁶ A'an a'in li xyaalalil li k'aru taak'ulmanq chiru wan xka chihab'. Ak xinch'olob' chawu, ut a'an tz'aqal yaal; ab'anan k'uula sa' laach'ool xb'aan naq moko ak k'ulmank ta re a'in», chan we li ánjel.

Li Santil hu

²⁶ Lix ya̱lal li xcꞌutbesi̱c cha̱cuu chirix li cꞌaꞌru ta̱cꞌulma̱nk chiru li oxib chihab riqꞌuin media, aꞌan tzꞌakal ya̱l. Ut la̱at ta̱cꞌu̱la saꞌ a̱chꞌo̱l ut ma̱ ani aj e ta̱serakꞌi xban nak toj mokon ta̱cꞌulma̱nk, chan cue li ángel.

Daniel 8:26 ပူးပေါင်းရင်းမြစ်များ

Daniel 10:1

Naq ak oxib' chihab' rokik chi awab'ejink laj Siro sa' xb'eeneb' laj Persia, laj Daniel, Beltsasar xkab' xk'ab'a', kiril jun moy u li q'axal yaal, ab'anan jwal ch'a'aj xtawb'al ru. Laj Daniel kixk'e xch'ool chi xtawb'al ru li xk'utb'esihom li Yos, ut koxnaw xyaalal li xmatk'.

Daniel 12:9

Ut a'an kixye we: «Matk'oxlak, a Daniel, xb'aan naq eb' li aatin a'in k'uulanb'ileb' ut tz'aptz'ookeb' toj reetal sa' roso'jikeb' li kutan.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».

Daniel 10:14

Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Apocalipsis 22:10

Kixye ajwi' we: “Maatz'ap rik'in tz'apleb' li raatin propeet wankeb' sa' li hu a'in, xb'aan naq nach' chik wank li xq'ehil.

Ezequiel 12:27

“At kaamel winq, eb' laj Israel yookeb' chi xyeeb'al naq toj maji' taak'ulmanq li k'aru xk'utb'esiik chawu sa' moy u; toj sa'eb' li kutan chaalel taak'ulmanq.

Apocalipsis 10:4

Naq kiraqe'k xyaab' eb' li wuqub' chi kaaq, kin'ok raj chi tz'iib'ak, ab'an kiwab'i jun xyaab' kuxej sa' choxa yo chi xyeeb'al: “Tz'ap rik'in tz'apleb' li b'arwan xe'xye li wuqub' chi kaaq ut maatz'iib'a a'an”.

Isaías 24:22

Tixch'utub', tixtuub' chixjunileb' ut tixtz'apeb' sa' tz'alam chiru k'iila chihab', ut moqon chik te'k'ehe'q sa' tojb'amaak.

Daniel 11:2

Ut anaqwan tinye aawe li xyaalalil: «Aran Persia toj toxwanq oxib' chik li awab'ej, ut li xka awab'ej q'axal b'ihomaq chiruheb' li oxib'. Ut naq ak xnimank li xwankilal sa' xk'ab'a' li xb'ihomal, tixchiq' xjosq'ileb' chixjunileb' li poyanam re yalok rik'ineb' laj Grecia.