Daniel 8:25 - Q'eqchi Bible

²⁵ Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Li Santil hu

²⁵ Xban nak naxnau chi us balakꞌi̱nc, tixnimobresi rib. Tixsacheb nabal chi ma̱cꞌaꞌak saꞌ xchꞌo̱leb ut tixyal ajcuiꞌ numta̱c saꞌ xbe̱n li tzꞌakal Rey li kꞌaxal nim xcuanquil saꞌ xbe̱neb li nequeꞌtaklan. Abanan incꞌaꞌ ta̱ru̱k xban nak ta̱sachekꞌ ru. Ma̱cuaꞌ yal cui̱nk ta̱sachok re. Li Ka̱cuaꞌ, aꞌan li ta̱sachok re.

Daniel 8:25 ပူးပေါင်းရင်းမြစ်များ

Daniel 8:11

Li xukub' a'an q'axal kinumtaak toj reetal koxtoch' li xjolomileb' li chahim, kixsach xwankil li mayejak na'uxmank rajlal kutan ut kixb'eki li rub'elankil li xsantil ochoch li Yos.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Li xHu LAJ JOB 34:20

Eb' li poyanam sa' junpaat neke'kamk chiru q'oqyink: neke'xmululi rib' li tenamit ut ak maak'a'eb' chik; li winq nim xwankil na'isiik sa' xk'anjel chi junpaat.

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.

Daniel 7:26

Ab'anan, naq taawulaq xkutankil li raqok aatin, taa'isiiq li xwankilal, taasachmanq ru ut taajuk'manq li x'awab'ejihom chi junajwa.

Daniel 7:8

“Toj yookin ajwi' chi rilb'aleb' li xukub', ut kiwil naq jun chik xukub' ki'elk chaq sa' xyanqeb' li xkomon. A'an kach'in, ut ke'isiik oxib' li xukub' li kiwil xb'enwa re naq wanq xna'aj li toje' xyo'laak. Li xukub' a'in wank xsa' ru jo' xsa' ruheb' li poyanam, ut rik'in li xtz'uumal re q'axal tz'i'b'eetal na'aatinak.

Lamentaciones 4:6

Li xmaak lintenamit naxq'ax ru li xmaa'usilal li tenamit Sodoom, li kisache'k ru chi junpaat chi maajun junaq kitenq'ank re.

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

Hechos 12:23

Ab'anan chi junpaat li x'ánjel li Qaawa' kixrahob'tesi laj Herodes, xb'aan naq kixmaq' cho'q re li xloq'al li Yos. Ut kikamk li awab'ej, chi lowb'il xb'aaneb' motzo'.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

2 Ts 2:3

Maa'ani chib'alaq'inq eere chi yalaq chan ta ru. Xb'enwa tento taawanq xtz'eqtaanankil li paab'ank; tento taawakliiq chaq li tz'aqal aj maak, li teneb'anb'il li sachk sa' xb'een,

2 Ts 2:8

Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.

Daniel 11:12

Naq akaq xsacheb' ru li k'iila aj puub', tixnimob'resi rib' ut k'ajo'eb' chik li poyanam tixkamsi, ab'anan moko toxnumtaaq ta chik.