Daniel 8:19 - Q'eqchi Bible

¹⁹ Moqon kixye we: «Tinch'olob' chawu li taak'ulmanq naq taaraqe'q li xjosq'il li Qaawa', xb'aan naq ak xaqxo li xkutankil li roso'jik.

Li Santil hu

¹⁹ Ut quixye cue: —Anakcuan la̱in tinye a̱cue li cꞌaꞌru ta̱cꞌulma̱nk saꞌ rosoꞌjiqueb li cutan xban xjoskꞌil li Dios. Li visión li xacuil, aꞌan retalil li talajeꞌcꞌulma̱nk saꞌ eb li cutan cha̱lel.

Daniel 8:19 ပူးပေါင်းရင်းမြစ်များ

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Apocalipsis 17:17

Xb'aan naq li Yos xk'ehok sa' xch'ooleb' xb'aanunkil li naraj. Jo'kan naq junajaqeb' li xk'a'uxl chi xq'axtesinkil li xwankilaleb' re li josq' aj xul, toj toxtz'aqloq ru li xyehom li Yos.

Daniel 11:27

Toja' naq eb' li wiib' chi awab'ej a'an te'k'ojlaaq chi wa'ak sa' jun chi meex ut te'xb'alaq'i rib' chirib'ileb' rib'; ab'anan yal maak'a'aq rajb'al, xb'aan naq toj maji' xhonalil li roso'jik.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.

Apocalipsis 11:18

Xe'josq'o'k eb' li tenamit, ab'an xchalk laajosq'il ut xtaw xq'ehil xraqb'al aatin sa' xb'eeneb' li kamenaq, jo'wi' xq'ajkamunkileb' laj k'anjel chawu, a'eb' li propeet, eb' li sant ut eb' li neke'paab'ank chawu jo' kok' jo' ninq. Xtaw xq'ehil xsachb'aleb' ajwi' li neke'sachok re li ruuchich'och'”.

Apocalipsis 10:7

Naq taa'ab'imanq li xyaab' xkux li xwuq ánjel ut a'an tixyaab'asi li xtronpeet, toja' naq sa'eb' li kutan a'an taatz'aqloq ru li xtz'aptz'ookil na'leb' li Yos, jo' kixye chaq rik'in chaab'il esilal reheb' laj k'anjel chiru, a'eb' li propeet”.

Apocalipsis 1:1

A'an a'in li kik'utb'esiik chiru li Jesukriist xb'aan li Yos re naq tixk'ut, chiruheb' laj k'anjel chiru, chixjunil li taak'ulmanq chi seeb'. Li Jesukriist kixtaqla chaq li x'ánjel re xk'eeb'al chixnaw laj Jwan li xmoos;

Daniel 8:23

Ut sa' xraqik li x'awab'ejihomeb', naq numtajenaqaq li maa'usilal, taawakliiq chaq jun chik awab'ej q'axal wi' chik q'etq'et ut aj b'alaq'.

San Lucas 21:23

“Ra chaalel sa' xb'eeneb' li yaj aj ixq ut li yooqeb' chi tu'resink sa'eb' li kutan a'an, xb'aan naq taawanq xnimal rahilal sa' xb'een li ruuchich'och', yooq li josq'il sa' xb'een li tenamit a'in.

Salmos 102:13

A'ut laa'at, at Qaawa', nakat-awab'ejink chi junelik; maajoq'e taakanab'aaq xpatz'b'al laak'ab'a'.

Daniel 12:4

Ab'anan laa'at, a Daniel, maa'ani taaye wi' eb' li aatin a'in; k'uula chi tz'aptz'o li hu a'in toj sa' roso'jikeb' li kutan. Naab'aleb' te'xb'eeni rib' chi xsik'b'al li raatin li Qaawa' ut te'xtaw xtz'aqob' li xna'leb'eb'».