Daniel 8:15 - Q'eqchi Bible

¹⁵ “Naq toj yookin chi rilb'al li moy u ut yookin xk'oxlankil rix, k'utaamil chiwu jun kama' li winq,

Li Santil hu

¹⁵ Laj Daniel quixye: —La̱in yo̱quin chi cꞌoxlac chirix li quicuil re tintau ru cꞌaꞌru lix ya̱lal. Ut saꞌ junpa̱t xaka̱mil chicuu jun li ángel chanchan cui̱nk nak quicuil.

Daniel 8:15 ပူးပေါင်းရင်းမြစ်များ

Daniel 10:16

Ab'anan k'utaamil chiwu jun li mu chanchan winq, ut kixtoch' li xtz'uumal we. Toja' naq kin'ok chi raatinankil li xaqxo chiwu: «Wa'chin, q'axal namayok linch'ool chi rilb'al li moy u a'in ut xinkanaak chi sachso inna'leb'.

Apocalipsis 1:13

ut sa' xyiheb' li xna'aj kanteel kiwil kama' jun li K'ajolb'ej, tiqto rik'in jut-aq', b'ak'b'o li re xch'ool rik'in k'aamalsa' oor.

Daniel 10:18

“Li winq xaqxo chiwu kinxtoch' wi' chik ut ke'kawuuk eb' li woq wuq'.

Apocalipsis 13:18

Arin a' li chaab'il k'a'uxl na'ajmank ru. Ani wank xna'leb', chirajla li rajlil li josq' aj xul, xb'aan naq a'an rajlil jun li winq. Li rajlil a'an waqib' xkaalajuk'aal xkab' o'q'ob' (666).

San Marcos 13:14

“Naq teeril li xnimal tz'i'b'eetalil yooq xb'aanunkil b'arwi' ink'a' raj xk'ulub' (ani na'ilok ru hu chixtawaq xyaalal), toja' naq eb' li wanqeb' Judea eleliqeb' ut che'xikaq toj chiru tzuul.

San Marcos 4:12

re naq, us ta te'iloq maak'a' te'ril, us ta te'ab'inq maak'a' te'xtaw ru. Mare anchal te'xyot' xch'ool te'xjal xk'a'uxl ut te'kuye'q te'sache'q li xmaakeb'”.

San Mateo 24:30

Toja' naq taak'utunq chaq sa' choxa li reetalil li K'ajolb'ej ut te'xten li re xch'ooleb' chixjunil li xteepaleb' li ruuchich'och': te'ril li K'ajolb'ej yooq chaq chi k'ulunk sa' xb'eeneb' li choql sa' choxa, rik'in xnimal xwankil ut xloq'al.

San Mateo 24:15

“Jo'kan utan, naq teeril li xnimal tz'i'b'eetalil yeeb'il chaq xb'aan li propeet Daniel yooq sa' li santil na'ajej (li na'ilok ru hu chixtawaq xyaalal),

San Mateo 13:36

Toja' naq li Jesus kixchaq'rab'iheb' li tenamit ut kiwulak sa' kab'l. Ut eb' li xtzolom ke'jilok chi xk'atq: “Taach'olob' chiqu xyaalal li jaljookil ru aatin chirix li yib' aj pim sa' li awimq”, chankeb'.

Daniel 12:8

“Laa'in kiwab'i li kixye, ab'an ink'a' kintaw xyaalal. Jo'kan naq kinpatz' wi' chik: «Wa'chin, chanru naq toxraqe'q chixjunil a'in?», chankin.

Daniel 10:5

kintaqsi li wilob'aal ut kiwil jun li winq tiqto rik'in liin ut b'ak'b'o li xsa' chi k'aamalsa' oor.

Daniel 7:28

“Arin kiraqe'k resil linmatk'. Laa'in laj Daniel k'ajo' naq ki'ok ink'a'uxl ut kichalk inxiw; ab'anan kink'uula sa' inch'ool chixjunil a'in ut maa'ani aj e kinseeraq'i li k'aru kiwil”, chan laj Daniel.

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.

Josué 5:14

Kichaq'ok a'an ut kixye: “Ink'a', laa'in b'an aj jolominel reheb' li xk'iila ánjel li Qaawa'. Toja' xinchalk”, chan. Toja' naq laj Josué kixhupub' rib', kixloq'oni ut kixye re: “Laa'in aamoos, wa'. K'aru taawaj tinb'aanu?”, chan.

Daniel 8:1

“Oxib'aq chihab' rokik chi awab'ejink laj Baltasar, laa'in laj Daniel kinmatk'ek wi' chik ut kiwil jun chik li moy u.

Daniel 8:19

Moqon kixye we: «Tinch'olob' chawu li taak'ulmanq naq taaraqe'q li xjosq'il li Qaawa', xb'aan naq ak xaqxo li xkutankil li roso'jik.

Zacarías 1:9

Toja' naq kinpatz' re: “Aniheb' a'an, at inqaawa'?”, chankin. Tikto li ánjel li yo chi aatinak wik'in, kixye we: “Laa'in tinye aawe aniheb' a'an”, chan.