Daniel 8:11 - Q'eqchi Bible

¹¹ Li xukub' a'an q'axal kinumtaak toj reetal koxtoch' li xjolomileb' li chahim, kixsach xwankil li mayejak na'uxmank rajlal kutan ut kixb'eki li rub'elankil li xsantil ochoch li Yos.

Li Santil hu

¹¹ Ut quixnimobresi rib chiru li jun li kꞌaxal nim xcuanquil saꞌ xbe̱neb li ralal xcꞌajol li Dios ut quixye reheb nak incꞌaꞌ chic teꞌmayejak. Ut quixpoꞌ ajcuiꞌ lix templo li Dios.

Daniel 8:11 ပူးပေါင်းရင်းမြစ်များ

Daniel 12:11

Chalen sa' li kutan naq taasachmanq xwankil li mayejak rajlal kutan ut taak'ojob'aaq li xnimal tz'i'b'eetal sa' rochoch li Yos, taanume'q lajeeb' ro'k'aal xka o'q'ob' (1,290) kutan.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Daniel 8:25

Sa' xk'ab'a' li xlab'alil taanumtaaq li xyib'al ru xna'leb', tixnima xwankil xjunes rib' ut naab'aleb' li poyanam tixsach chi maak'a'aq sa' xch'ooleb'. Taaq'apliiq ajwi' sa' xb'een li xnimal ru Awab'ej, ab'anan sa' junpaat taasache'q ru.

Ezequiel 46:14

Jo'kan ajwi', rajlal eq'la, taamayeja b'eleeb' meet chi k'aj ut kaahib' sek' chi aseeyt, re taayoq' wi' li k'aj. A'an jun chaq'rab' li xaqxo xwankil chi junajwa ut tento xpaab'ankil chi junelik.

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Isaías 37:23

Ani xahob' ut xak'e sa' xutaan? Ani xataqsi laawaatin sa' xb'een ut xakub'si xwankil? A' li xSantil Yos laj Israel!

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Daniel 8:12

Kixxaqab' aran xwankil li maa'usilal, kixk'ojob' li jo'maajo'il na'leb' cho'q ruuchil li mayejak ut kixk'e chi ch'och'el li yaal. Jo'ch'inal jo'nimal li kixb'aanu, us ki'elk chiru.

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Jeremías 48:42

Taajuk'manq xwankil Mohab ut moko tenamit ta chik tkanaaq, xb'aan naq xq'etq'eti rib' chiwu laa'in li Qaawa'.

Jeremías 48:26

Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

Isaías 37:29

Laa'at xatjosq'o'k wik'in ut xwil naq xatq'etq'eto'k chiwu; jo'kan naq tinram laab'e, tintz'ap laawe ut tatinsutq'isi sa' laab'e b'arwi' xatchalk chaq”. Chirix chik a'an laj Isaías kixye re laj Esekías:

Números 28:3

“Ye ajwi' reheb': A'anaq a'in li k'atb'il mayej teeyeechi'i re li Qaawa': rajlal kutan teemayeja ka'kab' karneer aj junq chihab', maak'a'aq reek'eb', cho'q junelik mayej.

2 Ts 2:4

a' laj Xik'il Uuchinel. A'an naxnimob'resi rib' sa' xb'een chixjunil li wank xk'ab'a' li Yos malaj naloq'onimank sa' ruuchich'och', toj reetal toxk'ojlaaq sa' rochoch li Yos ut tixxaqab' rib' xjunes jo' Yos.

Daniel 8:24

Taanimanq li xwankil, q'axal kawaq rib' chi sachok ut us taa'elq sa' chixjunil li taaraj xb'aanunkil. Tixjuk'eb' li ninqeb' xwankil ut tixsacheb' ajwi' li sik'b'ileb' ru xb'aan li Yos.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.

Daniel 11:22

Eb' laj puub' li xik' neke'ilok re te'eleliq ut te'sache'q ru; jo'kan ajwi' laj jolominel sik'b'il ru taakamsiiq.