Daniel 7:6 - Q'eqchi Bible

⁶ “Naq yookin chi ilok, kiwil jun chik li xul, kama' li hix, li wank kaahib' xxik' chirix ut wank kaahib' xjolom. Ut kik'ehe'k xwankilal.

Li Santil hu

⁶ Ut chirix aꞌan quicuil jun chic li xul chanchan jun li hix, abanan chirix cuan ca̱hib li xicꞌ. Chanchan laj xicꞌanel xul. Ut cuan ca̱hib lix jolom. Ut quiqꞌueheꞌ lix cuanquilal re, nak quicuil.

Daniel 7:6 ပူးပေါင်းရင်းမြစ်များ

Apocalipsis 13:2

Li josq' aj xul kiwil chanchan junaq hix, eb' li roq chanchan roq li tz'uqtz'un ut li xxolol kama' xxolol li kaqkoj. Ut kik'ehe'k re xb'aan li nimla k'anti' li xkawilal, li xk'ojarib'aal ut li xnimal xwankil.

Oseas 13:7

Jo'kan naq chanchanaqin li kaqkoj cho'q reheb'; twoyb'eniheb' sa' b'e jo' naxb'aanu li hix.

Daniel 10:20

Toja' naq kixye we: «Ma nakanaw k'aru xyaalal naq xinchalk aawik'in? Anaqwan ok wi' chik we chi yalok rik'in li ánjel li nataqlank sa' xb'eeneb' laj Persia. Ut naq akaq xinraqe'k chi yalok rik'in a'an, a' chik li ánjel li nataqlank sa' xb'een Grecia taachalq.

Daniel 7:4

Li xb'een xul chanchan li kaqkoj na'ilok ut wankeb' xxik' jo' li t'iw. Naq yookin chi rilb'al, ki'isiik li xxik', kiwaklesiik chiru ch'och' ut kixxaqab' rib' jo' junaq winq; ut kik'ehe'k xna'leb' re k'oxlak jo' junaq poyanam.

Daniel 2:39

“Moqon chik taawakliiq chaq jun chik awab'ejihom, ab'an kub'enaqaq xwankil chawu, ut chirix a'an taawanq jun rox awab'ejihom, jo' li q'anch'iich', li taataqlanq sa' xb'een chixjunil li ruuchich'och'.

Ezequiel 17:3

Ye reheb': «Jo'ka'in xye li Qaawa': Jun nimla t'iw kiwulak Líbano, jwal ninq li xxik' ut najt xteram; pimpim li rismal ut k'iila paay xb'onol. Koxch'ot xsa' ru'uj jun li yaw,

Daniel 7:5

“Chirix chik a'an kik'ulunk jun chik li xul, chanchan wi' na'ilok jun nimla tz'uqtz'un, xaqxo sa' wiib' li roq, wank oxib' xb'aqel xuku'y sa' re ut q'axal taqenaq chik sa' xtz'e chiru li junpak'al. Ut kiyeemank re: «Waklin ut tiwon tib' chi yo'oon».