Daniel 7:23 - Q'eqchi Bible

²³ “Toja' naq li cheekel winq kixye we: «Li xka nimla xul a'an reetalil jun li xka awab'ejihom li taawakliiq chaq sa' ruuchich'och', jalanaq wi' chiru chixjunileb' li junch'ol. A'an taasachoq re chixjunil li ruuchich'och', taanumtaaq sa' xb'een ut pojtz' tixkanab' wi'.

Li Santil hu

²³ Quixye cue: —Li xca̱ xul li xacuil, aꞌan retalil li xca̱ cuanquilal li ta̱cua̱nk saꞌ ruchichꞌochꞌ. Aꞌan jalan chiruheb chixjunileb li jun chꞌol chic. Ta̱numta̱k saꞌ xbe̱neb chixjunileb li cuanqueb saꞌ ruchichꞌochꞌ. Tixrahobtesiheb li tenamit ut tixyekꞌiheb saꞌ rok.

Daniel 7:23 ပူးပေါင်းရင်းမြစ်များ

Daniel 2:40

“Moqon chik taawakliiq chaq jun xka awab'ejihom, jwal kawaq rib' jo' li ch'iich'. Kama' li ch'iich' naxputz'i ut naxke' chixjunil, jo'kan ajwi' tixb'aanu li awab'ejihom a'an reheb' chixjunil li tenamit.

Daniel 7:7

“Moqon sa' moy u kiwil li xka li xul: a'an q'axal xiwajel, xiw xiw rilb'al ut jwal kaw rib'. Ch'iich'eb' li ruuch re chi k'ajo' xninqal; ut chiru a'an kixwa', kixt'upi ut kixputz'i li xtzekemq, toja' naq kixyeq'i sa' roq li ki'ela'ank. Jalan wi' na'ilok chiruheb' li junch'ol chik ut wank lajeeb' xxukub'.

San Lucas 2:1

Sa'eb' li kutan a'an ki'elk jun xchaq'rab' laj César Augusto naq chixjunileb' li wankeb' sa' ruuchich'och' te'xk'e chi tz'iib'aak li xk'ab'a'eb'.

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

Daniel 7:24

Eb' li lajeeb' chi xukub', a'aneb' reetalil li lajeeb' chi awab'ej te'wanq sa' li awab'ejihom a'an. Moqon taachalq jun chik li awab'ej jalanaq wi' chiruheb' a'an, ut tolxsach ruheb' li oxib'eb' chi awab'ej,