Daniel 7:21 - Q'eqchi Bible

²¹ Laa'in kink'e reetal naq li xukub' a'an ki'ok chi yalok rik'ineb' li sik'b'ileb' ru xb'aan li Nimajwal Yos ut kixq'axeb' ru,

Li Santil hu

²¹ Ut li xucub aꞌin yo̱ chixpletinquil li ralal xcꞌajol li Dios nak quicuil ut yo̱ chi numta̱c saꞌ xbe̱neb.

Daniel 7:21 ပူးပေါင်းရင်းမြစ်များ

Daniel 12:7

Li tiqto rik'in liin sa' xb'een li ha' kixtaqsiheb' li ruq' sa' choxa ut kiwab'i chi xyeeb'al sa' jurament sa' xk'ab'a' li Yos li wank chi junelik: «Chiru wan xka chihab', naq taaraqe'q xsachb'aleb' ru li santil tenamit, taatz'aqloq ru chixjunil a'in».

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

Daniel 8:24

Taanimanq li xwankil, q'axal kawaq rib' chi sachok ut us taa'elq sa' chixjunil li taaraj xb'aanunkil. Tixjuk'eb' li ninqeb' xwankil ut tixsacheb' ajwi' li sik'b'ileb' ru xb'aan li Yos.

Apocalipsis 17:6

Toja' naq kiwil li ixq yo xkalajik xb'aan xkik'eleb' li sant ut li xkik'eleb' li ke'kamk sa' xk'ab'a' li Jesus; ut k'ajo' naq kisachk linch'ool chi rilb'al.

Apocalipsis 19:19

Toja' naq kiwil li josq' aj xul ut eb' li awab'ej re li ruuchich'och' rochb'eeneb' li xk'iila teep chi aj puub', ch'utch'uukeb' re te'yaloq rik'in li k'ojk'o chaq sa' xb'een li kawaay jo'wi' rik'ineb' li xk'iila teep chi aj puub'.

Daniel 8:12

Kixxaqab' aran xwankil li maa'usilal, kixk'ojob' li jo'maajo'il na'leb' cho'q ruuchil li mayejak ut kixk'e chi ch'och'el li yaal. Jo'ch'inal jo'nimal li kixb'aanu, us ki'elk chiru.

Daniel 11:31

«Tixtaqlaheb' aj puub' chi xmuxb'al li loq'laj Muheb'aal ut li kawub'resinb'il ochoch; te'xsach ajwi' xwankil li mayejak na'uxmank rajlal kutan ut te'xk'ojob' li xnimal tz'i'b'eetal sa' rochoch li Yos.

Daniel 7:20

Kinpatz' ajwi' li xyaalalil li lajeeb' chi xukub' li wank sa' xjolom, jo' ajwi' li xyaalal li xukub' jun chik kiyo'laak ut kirisiheb' li oxib' chik, wank xsa' ru ut tz'i'b'eetal na'aatinak, chi k'ajo' xnimal chiruheb' li xkomon.

Daniel 8:9

“Sa' jun chi xukub' ki'elk chaq jun chik kach'in, li kik'iik chi us sa' xjayal xsak'leb' iq', sa' xjayal releb'l li saq'e ut sa' xjayal li xchaq'alil ru na'ajej.