Daniel 7:14 - Q'eqchi Bible

¹⁴ Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Li Santil hu

¹⁴ Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Daniel 7:14 ပူးပေါင်းရင်းမြစ်များ

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

San Juan 3:35

Li Yuwa'b'ej naxra li K'ajolb'ej ut chixjunil kixq'axtesi sa' ruq'.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Hebreos 12:28

Jo'kan utan, laa'o li yooko chi xmaataninkil li xnimajwal awab'ejihom li Yos li ink'a' naru reek'asinkil, chooyoxinq chiru ut qaloq'oniiq ru rik'in paab'ank ut qaxiw, jo' nawulak chiru,

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Apocalipsis 3:21

«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.

San Lucas 1:33

Taa'awab'ejinq sa' xb'een li rochoch laj Jakob chi junelik, ut li xnimal awab'ejihom ink'a' taalajq taa'oso'q.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Daniel 3:4

Toja' naq laj yehol esil kixye chi kaw xyaab' xkux: “Ex poyanam ut chejunilex laa'ex li xexchalk sa' jalan jalanq chi tenamit ut nekex'aatinak sa' jalan jalanq chi aatinob'aal, naqak'e chenaw a'in:

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.

Isaías 60:12

Li tenamit ut li awab'ejihom li ink'a' naraj k'anjelak chawu, te'sache'q ut te'oso'q chi junwaakaj.

Salmos 146:10

Li Qaawa' na'awab'ejink chi junelik. At Sión, wank xwankil laaYos junq'e junq'e kutan. Aleluya!

Salmos 145:13

Laa'awab'ejihom a'an re junq'e junq'e kutan, ut laawankil wank chi junelik. Li Qaawa' a'an tiik xch'ool rik'in li naxye, q'axal chaab'il rik'in chixjunil li naxb'aanu.

Salmos 45:6

Q'axal jutz' ru'ujeb' li ral laasimaj, t'ant'ookeb' rub'el laawoq naab'aleb' li tenamit, sachsookeb' xch'ool li xik' neke'ilok re li awab'ej.

Salmos 8:6

Kach'in chik maa jo' yos naq xaayoob'tesi, xak'e xloq'al ut xwankilal re awab'ejink.

San Juan 12:34

Kisumeek xb'aaneb' li tenamit: —Laa'o xqab'i sa' li Chaq'rab' naq li Kriist wanq chi junelik. Chan put ru naq nakaye laa'at: «Tento taataqsiiq li K'ajolb'ej»? Ani li K'ajolb'ej a'an? chankeb'.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

Daniel 7:18

Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Daniel 4:3

K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Salmos 102:22

Toja' naq taapuktesimanq resil li xchaab'ilal li Qaawa' arin Sión ut taajultikamanq li xnimal xloq'al sa' li tenamit Jerusalén,

Salmos 72:17

Usilaatinanb'il taxaq xk'ab'a' chi junajwa ut wanqaq chi junelik kama' li saq'e! Osob'tesinb'ileb' taxaq chixjunileb' li tenamit sa' xk'ab'a' a'an. “Us xaq re”, cha'qeb' taxaq chixjunil li ruuchich'och'.

Salmos 72:11

Chixjunileb' li awab'ej che'xwiq'ib' rib' chiru a'an, ut chixjunileb' li tenamit che'k'anjelaq chiru.

1 Pedro 3:22

li kitaqe'k sa' choxa ut wank chik anaqwan sa' xnim uq' li Yos. Rub'el roq wankeb' li ánjel jo' ajwi' li wankeb' xwankil ut neke'taqlank sa' choxa.

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Isaías 16:5

toja' naq jun sa' xyanqeb' li ralal xk'ajol laj David taa'ok cho'q awab'ej, taa'awab'ejinq rik'in chaab'ilal ut tiikilal, tixk'e xch'ool chi xsik'b'al li yaal ut seeb'aq xk'a'uxl chi raqok aatin jo' xk'ulub' li junjunq.

Daniel 2:37

Laa'at li awab'ej q'axal nim laawankil sa' xb'eeneb' li awab'ej, xb'aan naq li xYos li choxa xk'e aakawilal, aawankil ut xnimal aaloq'al.

Salmos 103:19

Li Qaawa' kixk'ojob' li xk'ojarib'aal sa' choxa, ut na'awab'ejink sa' xb'een chixjunil li choxach'och'.

Isaías 9:6

Xb'aan naq jun k'uula'al xyo'laak cho'q qe ut xqamaatani jun ch'ina'al. Li wankilal wanq sa' ruq', ut tixk'ab'a'in: “Xnimal ru aj k'ehol na'leb'”, “Li Yos q'axal kaw rib'”, “Yuwa'b'ej chi junelik”, “Xnimal ru aj k'ehol tuqtuukil usilal”.