Daniel 7:13 - Q'eqchi Bible

¹³ “Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Li Santil hu

¹³ Ut saꞌ ajcuiꞌ li kꞌojyi̱n aꞌan quicuil saꞌ lin matcꞌ nak yo̱ chak chi cha̱lc saꞌ li chok li Cꞌajolbej. Ut quijiloc riqꞌuin li Ti̱xil Cui̱nk li cuan chi junelic.

Daniel 7:13 ပူးပေါင်းရင်းမြစ်များ

San Mateo 26:64

Kixye li Jesus re: —Hehe', laa'at xatyehok re. Ut laa'in ninye eere naq chalen anaqwan teeril li K'ajolb'ej k'ojk'ooq sa' xnim uq' li Nimajwal Yos, yooq chaq chi chalk sa' xb'eeneb' li choql sa' choxa.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

San Lucas 21:27

Toja' naq te'ril li K'ajolb'ej yooq chaq chi k'ulunk sa' choql rik'in xnimal xwankil ut xloq'al.

Apocalipsis 14:14

Kin'ilok wi' chik, ut aran wank jun li saqi choql, ut sa' xb'een li choql k'ojk'o jun kama' rilob'aal li K'ajolb'ej: sa' xjolom wank jun li koroon oor ut sa' ruq' jun q'esnal ch'iich'.

San Mateo 24:30

Toja' naq taak'utunq chaq sa' choxa li reetalil li K'ajolb'ej ut te'xten li re xch'ooleb' chixjunil li xteepaleb' li ruuchich'och': te'ril li K'ajolb'ej yooq chaq chi k'ulunk sa' xb'eeneb' li choql sa' choxa, rik'in xnimal xwankil ut xloq'al.

San Marcos 13:26

Toja' naq te'ril li K'ajolb'ej yooq chaq chi k'ulunk sa' choql rik'in xnimal xwankil ut xloq'al.

San Mateo 25:31

“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.

San Juan 3:13

“Maa'ani taqenaq sa' choxa, ka'ajwi' li kikub'e chaq sa' choxa, a' li K'ajolb'ej.

Apocalipsis 1:13

ut sa' xyiheb' li xna'aj kanteel kiwil kama' jun li K'ajolb'ej, tiqto rik'in jut-aq', b'ak'b'o li re xch'ool rik'in k'aamalsa' oor.

San Mateo 13:41

Li K'ajolb'ej tixtaqlaheb' chaq li x'ánjel, ut eb' a'an tole'xxok ut tole'risi sa' li x'awab'ejihom chixjunileb' laj luktesinel ch'oolej ut eb' laj b'aanuhom maa'usilal,

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

Hechos 7:56

ut kixye: —Yookin chi rilb'al li choxa teeto ut li K'ajolb'ej xaqxo sa' xnim uq' li Yos.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

San Lucas 21:36

Chexyo'leq b'i'; rajlal chextijoq re naq kawaqex chi xkolb'al eerib' chiru chixjunil a'in li talajk'ulmanq ut xaqxooqex chiru li K'ajolb'ej”.

Hebreos 2:14

Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik,

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

Daniel 7:9

“Naq toj yookin chi ilok, ke'kawresiik eb' li k'ojarib'aal, ut jun cheekel winq kik'ojlaak aran. Q'axal saq li raq', jo' tawi' li ratz'amke; ut jwal saqsaq li rismal xjolom jo' li saqi tuuxnoq'. Li xk'ojarib'aal ut eb' li roq, a'an jo' tz'aqal li xam.

Ezequiel 1:26

Sa' xb'een li kupku a'an kiwil naq wank jun k'ojarib'aal yiib'anb'il rik'in li pek safiro xk'ab'a', ut sa' a'an k'ojk'o jun kama' li winq.

Salmos 47:5

A'an xsik'ok ru li na'ajej li tixk'e cho'q qe: a' li kixnima wi' rib' laj Jakob li q'axal raaro xb'aan.

San Juan 12:34

Kisumeek xb'aaneb' li tenamit: —Laa'o xqab'i sa' li Chaq'rab' naq li Kriist wanq chi junelik. Chan put ru naq nakaye laa'at: «Tento taataqsiiq li K'ajolb'ej»? Ani li K'ajolb'ej a'an? chankeb'.

San Juan 5:27

ut kixk'e xwankil chi raqok aatin xb'aan naq a'an li K'ajolb'ej.

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

1 Ts 4:17

Aka' chik laa'o li yo'yooqo, li toj wanqo, toosaapuuq sa'eb' li choql qochb'eeneb' a'an re xk'ulb'al li Qaawa' sa' iq'; ut chi jo'kan wanqo junelik rik'in li Qaawa'.

Salmos 110:2

Chalen chaq toj Sión tatxk'e li Qaawa' chi awab'ejink: chiwanq laawankil sa' xb'eeneb' li xik' neke'ilok aawe!

Daniel 7:2

A'an a'in li kixtz'iib'a: “Laa'in laj Daniel kiwil sa' linmatk' chiru q'oqyink naq sa' xkaapak'alil li choxa kichalk li iq' ut kolxwulk'usi ru eb' li palaw,

Daniel 7:12

Eb' li xul junch'ol chik ke'maq'e'k li xwankil, ab'an ke'kanab'aak chi yo'yo jun k'amokaq chik.

Daniel 8:15

“Naq toj yookin chi rilb'al li moy u ut yookin xk'oxlankil rix, k'utaamil chiwu jun kama' li winq,

Salmos 2:8

Tz'aama we, ut tink'e chaweechaniheb' li tenamit; aawehaq chixjunil li ruuchich'och'.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.