Daniel 6:4 - Q'eqchi Bible

⁴ Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.

Li Santil hu

⁴ Ut eb li gobernador ut eb li nequeꞌtaklan saꞌ li tenamit, queꞌoc chixcakalinquil laj Daniel. Queꞌoc chixsicꞌbal chanru nak ta̱paltok re nak ta̱ru̱k teꞌjitok chirix chiru li rey. Abanan incꞌaꞌ queꞌxtau chanru nak teꞌjitok chirix xban nak laj Daniel ti̱c xchꞌo̱l ut ma̱cꞌaꞌ xma̱c, chi moco quixbalakꞌiheb li tenamit.

Daniel 6:4 ပူးပေါင်းရင်းမြစ်များ

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

Filipenses 2:15

re naq wanqex chi maak'a'aq eeq'usb'al ut saqaq ru leech'ool, ralalaqex li Yos chi maak'a' eemaak sa' xyanqeb' li tenamit a'an ink'a' useb' ut sachenaqeb' sa' li maak. Sa' xyanqeb' a'an nekexlemtz'unk jo'kex li chahim sa' ruuchich'och',

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

San Lucas 20:20

Ke'ok chi xk'eeb'al reetal k'aru tixb'aanu li Jesus, ut ke'xtaqlaheb' aj k'ehol eetal rik'in. Ke'xye reheb' naq tiikeb' xch'ool naq te'xb'aanu rib'eb' re xchapb'al li Jesus sa' aatin, ut chi jo'kan te'ruuq xq'axtesinkil sa' ruq' ut rub'el xwankil li ruuchil li awab'ej.

Tito 2:8

chaab'ilaq laawaatin ut maak'a'aq aaq'usb'al, re naq taaxutaanaq li xik' na'ilok qe xb'aan naq maak'a' k'aru ink'a' us truuq tixye chiqix.

San Mateo 27:18

Xb'aan naq naxnaw naq xkaqaleb' xch'ool ke'xq'axtesi wi'.

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Proverbios 29:27

Eb' li tiikeb' xch'ool xik' neke'ril li ink'a' useb' xna'leb'; ut li ink'a' useb' xch'ool xik' neke'ril li tiikeb' ru xyu'am.

Jueces 14:4

Li xna' xyuwa' ink'a' neke'xnaw naq li na'leb' a'in rik'in li Qaawa' chalenaq chaq, xb'aan naq sa'eb' li kutan a'an eb' laj Filistea neke'taqlank sa' xb'eeneb' laj Israel ut li Yos yo chi xsik'b'al chanru naq eb' laj Israel te'ok chi yalok rik'ineb'.

Génesis 43:18

Ab'anan naq ke'k'ame'k sa' rochoch laj José, ke'ok xxiweb' ut ke'xye: “Xb'aan li tumin xq'ajsimank qe junxil sa' li saak naq xoohe'xk'am chaq arin: re naq toot'ane'q sa' junaq ra'al, toohe'xchap ut tookanaaq chi munil qochb'eeneb' li qab'uur”, chankeb'.

2 Corintios 11:12

Ut li ninb'aanu, ink'a' tinkanab' xb'aanunkil, re naq maak'a'aq chik k'aru te'xjuntaq'eeta wi' rib' qik'in eb' li neke'xnimob'resi rib' sa' chixjunil.

San Juan 19:4

Ki'elk wi' chik laj Pilaat chirix kab'l ut kixye reheb': —Ilomaq, tink'am chaq chirix kab'l re teenaw naq maajun xmaak nintaw.

San Lucas 22:2

Eb' li xb'eenil aj tij ut eb' laj tz'iib' yookeb' chi xsik'b'al chan raj ru naq te'xkamsi li Jesus xb'aan naq neke'xxiwa ruheb' li tenamit.

San Mateo 26:4

ut ke'xk'uub' xchapb'al li Jesus chi b'alaq'inb'il re xkamsinkil.

Daniel 3:8

Ab'anan wankeb' aj Kaldeha koheb' chi xjitb'aleb' laj Judiiy

Jeremías 18:23

At Qaawa', laa'at nakanaw chixjunil li yookeb' xk'uub'ankil re inkamsinkil. Maakuy li xmaakeb' chi moko chisachq sa' laach'ool li ink'a' us xe'xb'aanu. Kamqeb' chawu ut isi laajosq'il sa' xb'eeneb'!”.

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

1 Samuel 22:14

Kichaq'ok laj Ajimélek ut kixye: “Ani sa' xyanqeb' chixjunileb' laj k'anjel chawu jwal chaab'il chiru laj David, xhi' li awab'ej, xjolomileb' laj k'aak'alehom aawe, ut oxloq'inb'il sa' laawochoch?

1 Samuel 18:14

Li Qaawa' wank rik'in laj David, ut a'in na'elk chi us sa' chixjunil li naxb'aanu.

San Lucas 20:26

Ut ink'a' ke'ruuk xchapb'al yal ta sa' junaq aatin chiruheb' li tenamit, ke'sachk b'an xch'ool rik'in li kisumenk wi', ut ch'anch'o ke'kanaak.

Jeremías 29:7

Sik'omaq li tuqtuukil usilal cho'q re li tenamit b'arwi' xexintaqla, ut tijonqex chirixeb' chiwu, xb'aan naq wi sa te'wanq eb' a'an, laa'ex ajwi' texwanq sa' sahilal.

Daniel 6:22

LinYos xtaqla chaq li x'ánjel chi xtz'apb'al li reheb' li kaqkoj, ut maak'a' junaq rahilal xe'xb'aanu we, xb'aan naq maak'a' inmaak chiru A'an chi moko xinb'aanu junaq ch'a'ajkilal chawu laa'at”, chan laj Daniel.

Génesis 41:38

ut laj Parahón kixye reheb' laj k'anjel chiru: “Ma tqataw tab'i' junaq winq kama' a'in li wank xmusiq' li Yos rik'in?”.

1 Samuel 12:4

Ke'xsume: “Maajun sut xoohaatawasi chi moko xoohaarahob'tesi, ut ink'a' xak'e aawib' chi tuminaak”, chankeb'.

Daniel 5:12

xb'aan naq q'axal q'es li xch'ool chi na'leb'ak, wank xnawom ut jwal seeb' xch'ool chi xtawb'al xyaalal eb' li matk', eb' li moy u ut chi xtuqub'ankil ru junaq ch'a'ajkilal. Yookin chi aatinak chirix laj Daniel, a' li Beltsasar kik'ehe'k cho'q xkab' xk'ab'a' xb'aan laayuwa'. Jo'kan utan chib'oqmanq chaq laj Daniel, ut a'an tixch'olob' ru li tz'iib'anb'il chiru li tz'ak”, chan li ixq.