Daniel 6:26 - Q'eqchi Bible

²⁶ A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Li Santil hu

²⁶ La̱in yo̱quin chixqꞌuebal e̱re li chakꞌrab aꞌin yalak bar saꞌ eb li naꞌajej li nintaklan cuiꞌ. Chixjunileb teꞌxxucua ru ut teꞌxlokꞌoni li Ka̱cuaꞌ Dios li naxlokꞌoni laj Daniel, xban nak aꞌan li yoꞌyo̱quil Dios li cuan chi junelic kꞌe cutan. Aꞌan li nataklan chi junelic ut lix cuanquilal incꞌaꞌ ta̱osokꞌ. Ta̱cua̱nk ban chi junelic.

Daniel 6:26 ပူးပေါင်းရင်းမြစ်များ

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

San Lucas 1:33

Taa'awab'ejinq sa' xb'een li rochoch laj Jakob chi junelik, ut li xnimal awab'ejihom ink'a' taalajq taa'oso'q.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 4:3

K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Salmos 29:10

K'ojk'o li Qaawa' sa' xb'een li b'ut'iha', k'ojk'o li Qaawa' cho'q awab'ej chi junelik.

Salmos 2:11

Chexk'anjelaq chiru li Qaawa' chi wanq eexiw,

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Romanos 9:26

Jo' naq kiyeemank reheb': «Maawa'ex intenamit», jo'kan ajwi' te'xk'ab'a'in: «Ralal xk'ajoleb' li yo'yookil Yos»”.

Malaquías 3:6

“Laa'in li Qaawa', ut ink'a' ninjal linna'leb'. Jo'kan naq laa'ex li ralal xk'ajol laj Jakob maji' nekex'oso'k.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Apocalipsis 5:14

Ut eb' li kaahib' chi yo'yookeb' ke'xye: “Jo'kan taxaq!”. Toja' naq eb' li cheekel winq ke'xhupub' rib' chi loq'onink.

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Hebreos 12:29

xb'aan naq li qaYos a'an jo' jun li xam k'ajo' nasachok.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

Daniel 6:20

Ut naq yo chi jilok, chi ra sa' xch'ool kixjap re chi xyeeb'al: “At Daniel, aj k'anjelat chiru li yo'yookil Yos ut li nakaloq'oni ru chi anchal laach'ool, ma xru laaYos chakolb'al sa' reheb' li kaqkoj?”, chan.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 146:10

Li Qaawa' na'awab'ejink chi junelik. At Sión, wank xwankil laaYos junq'e junq'e kutan. Aleluya!

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Deuteronomio 5:26

K'a' tawi' chi winqul jo' laa'o xrab'i xyaab' xkux li qayo'yookil Yos chi aatinak chaq sa' li xam ut xkanaak chi yo'yo?

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

Hechos 17:25

chi moko nak'anjelaak ru rik'in ruq'eb' li winq chanchan tawi' junaq li wank sa' rajb'al ru: a'an b'an li nak'ehok re li qayu'am chiqajunilo, li qamusiq' ut chixjunil li k'a'aq re ru.

San Lucas 12:5

Tink'ut cheru ani tento teexiwa ru: chexiwa ru li ani nakamsink ut wank xwankil chi kutuk sa' xb'alb'a. Yaal, ninye wi' chik eere: chexiwaaq ru a'an.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Esdras 1:3

Jo'kan utan, chejunilex li xkomonex li xtenamit li Yos naru texxik Jerusalén, sa' xteepal Judá, re xkab'lankil li rochoch li Qaawa', xYos laj Israel, a' li Yos li wank Jerusalén. A' taxaq li Qaawa' leeYos chitenq'anq eere.

Esdras 7:21

Laa'in, li awab'ej Artajerjes, nink'e li chaq'rab' a'in reheb' chixjunileb' laj k'uulanel tumin li wankeb' junpak'al li nima' Éwfrates: Jo'ch'inal jo'nimal tixpatz' eere laj Esdras, aj tij ut aj k'utul re li xChaq'rab' li xYos li choxa, teek'e re chi junpaat,