Daniel 6:2 - Q'eqchi Bible

² ut eb' a'an ke'kanaak rub'el xtaqlahomeb' oxib' chik ninqeb' xwankil, re naq chaab'il taa'elq li xk'anjeleb' ut ink'a' te'xb'alaq'i li awab'ej. Laj Daniel a'an jun sa' xyanqeb' li oxib' ninqeb' xwankil

Li Santil hu

² Ut quixxakabeb oxibeb chic li cui̱nk re nak eb aꞌan teꞌtakla̱nk saꞌ xbe̱neb li jun ciento riqꞌuin junmay chi cui̱nk li ac quixxakabeb. Laj Daniel aꞌan jun saꞌ xya̱nkeb li oxib li queꞌxakaba̱c re nak teꞌril ma tzꞌakal re ru lix cꞌanjeleb li jun ciento riqꞌuin junmay ut re ajcuiꞌ nak teꞌril chi us li cꞌaꞌru cuan re li rey.

Daniel 6:2 ပူးပေါင်းရင်းမြစ်များ

Daniel 5:29

Toja' naq laj Baltasar kixye naq chitiqib'aaq laj Daniel rik'in kaqi aq'ej, ut kixk'e chi xkux jun q'ol oor. Kixtaqla ajwi' resil naq laj Daniel a'an chik li roxil chi taqlank.

Daniel 5:16

Wab'ihom resil naq laa'at nakatruuk chi xtawb'al xyaalal ut xtuqub'ankil ruheb' li ch'a'ajkilal. Us b'i', wi nakatruhank chi xyaab'asinkil ut xch'olob'ankil xyaalal li tz'iib'anb'il arin, tattiqib'aaq rik'in kaqi aq'ej, taak'eemanq jun q'ol oor chakux ut tatkanaaq sa' roxil chi taqlank sa' lin'awab'ejihom”.

Ester 7:4

Xb'aan naq laa'in ut eb' li wech tenamitul xook'ayiik re qatawasinkil, qakamsinkil ut qasachb'al chi junajwa. Wi yal ta xook'ayiik cho'q aj mun, maak'a' raj tinye aawe. Ink'a' raj xatinch'i'ch'i'i rik'in junaq k'a'aq re ru li moko nim ta ch'a'ajkilal tixk'am chaq sa' aab'een”.

Esdras 4:22

Yalomaq eeq'e chi k'anjelak chi us. Mare anchal taanumtaaq li ink'a' us sa' qab'een laa'o li awab'ej”.

1 Corintios 4:2

Li na'ajmank ru rik'ineb' laj k'anjel, a'an naq tiikaqeb' xch'ool.

San Lucas 16:2

Kixb'oq chaq ut kixye re: «K'aru li nawab'i xyeeb'al chawix? Q'axtesi laawilom xb'aan naq ink'a' chik tatruuq chi wank chi mertoomil».

San Mateo 18:23

“Jo'kan naq li xnimajwal wankilal li choxa chanchan jun li awab'ej li kiraj xpatz'b'al reheb' li xmoos li xk'aseb'.

Proverbios 26:6

Wi taataqla junaq esil chirix li maak'a' xna'leb', a'an chanchan naq xaset laawoq ut xasik' aach'a'ajkilal.

Proverbios 3:16

Rik'in li xnim uq' naxyeechi'i aayu'am najt roq, ut rik'in li junchik naxyeechi'i aab'ihomal ut aaloq'al.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Daniel 6:1

Laj Darío ki'alaak sa' xch'ool xxaqab'ankil waqk'aaleb' chi winq re naq a'aneb' te'jolominq re li junq teep chi tenamit li wank sa' li x'awab'ejihom;