Daniel 6:12 - Q'eqchi Bible

¹² Tikto ajwi' koheb' rik'in li awab'ej ut ke'xjultika wi' chik re li chaq'rab' k'eeb'il xb'aan ut ke'xye re: “Ma ink'a' xajuch' laak'ab'a' sa' li chaq'rab' b'arwi' naxye naq chiru jun po maajun naru taatijoq chiru junaq chik yos malaj winq, ka'ajwi' chawu laa'at, at awab'ej? Wi wanq junaq taaq'etoq re li chaq'rab' a'an, taakutmanq sa' xyanqeb' li kaqkoj”, chankeb'. Kichaq'ok li awab'ej ut kixye: “Jo'kan k'uub'anb'il, jo' chanru xchaq'rab'eb' laj Media ut eb' laj Persia”.

Li Santil hu

¹² Ut queꞌco̱eb saꞌ junpa̱t riqꞌuin li rey ut queꞌa̱tinac riqꞌuin chirix li chakꞌrab li quixqꞌue ut queꞌxye re: —¿Ma incꞌaꞌ ta biꞌ xaqꞌue li chakꞌrab nak chiru laje̱b xcaꞌcꞌa̱l (30) cutan ma̱ ani ta̱tzꞌa̱ma̱nk chiru lix Dios, malaj ut chiru junak cui̱nk cui ma̱cuaꞌ a̱cuiqꞌuin la̱at, at rey? ¿Ma incꞌaꞌ ta biꞌ caye nak li ani ta̱tzꞌa̱ma̱nk chiru lix Dios, li jun aꞌan ta̱cutekꞌ saꞌ xnaꞌajeb li cakcoj? chanqueb. Quichakꞌoc li rey ut quixye: —Ya̱l nak joꞌcan. Aꞌan lix chakꞌrabeb laj Medo ut eb laj Persia ut ma̱ ani naru ta̱jalok re aꞌan, chan.

Daniel 6:12 ပူးပေါင်းရင်းမြစ်များ

Daniel 6:8

Jo'kan utan, at awab'ej, k'e xwankil li chaq'rab' a'in ut juch' laak'ab'a' chisa', re naq ink'a' chijalmanq xyaalal jo' li xchaq'rab'eb' laj Media ut eb' laj Persia”.

Ester 1:19

Jo'kan utan, at awab'ej, wi us cho'q aawe, chipuktesimanq li chaq'rab' a'in ut chitz'iib'amanq sa' xchaq'rab'eb' laj Persia ut eb' laj Media re naq ink'a' taasachmanq xwankil: «Ramrooq chiru lix Vasti xk'utb'al rib' chiru laj Asuero». Ut li awab'ej xk'ehaq li xwankil lix Vasti re jalan chik ixq li relik chi yaal xk'ulub'aq.

Hechos 16:19

Eb' laj eechal re, naq ke'ril naq maak'a' chik te'xyo'oni wi' xtumineb', ke'xchap laj Pablo ut laj Silas ut ke'xkeleli toj sa' li poopol, chiruheb' li wankeb' xwankil;

Hechos 16:24

Ut a'an, naq kixk'ul li xchaq'rab'inkil, kixtiikisiheb' sa' tz'alam toj chisa' ut kixnat' li roqeb' sa' che'.

Daniel 6:15

Ab'anan eb' li winq a'an koheb' wi' chik chi ch'uut rik'in li awab'ej re xyeeb'al re: “Jultikaq aawe, at awab'ej, naq li xchaq'rab'eb' laj Media ut eb' laj Persia naxye naq maajun naru najalok xyaalal li chaq'rab' xaqab'anb'il xwankil xb'aan junaq awab'ej”, chankeb'.