Daniel 6:10 - Q'eqchi Bible

¹⁰ Naq laj Daniel kixnaw a'an, koho sa' li rochoch. Li xwarib'aal wank sa' xkab' k'ojar li ochoch ut li xb'entaanil wank sa' xjayal Jerusalén; ox sut chiru li jun kutan laj Daniel naxwiq'ib' rib' chi tijok ut b'anyoxink chiru li xYos, jo' naxb'aanu junelik.

Li Santil hu

¹⁰ Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Daniel 6:10 ပူးပေါင်းရင်းမြစ်များ

Salmos 55:17

A'ut laa'in a' li Yos ninyaab'a xk'ab'a', ut li Qaawa' taakoloq we.

Hechos 5:29

Kichaq'ok laj Pedro jo'wi' eb' li apóstol, ut ke'xye: —Xb'een xb'een tento xpaab'ankil li Yos, ut ink'a' eb' li winq.

Salmos 95:6

Okanqex, chooloq'oninq, junb'uchlikaqo, qawiq'ib'aq qib' chiru li Qaawa': a'an laj winqob'resihom qe!

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Filipenses 4:6

Maak'a' k'a'aq re ru chi'ok wi' eek'a'uxl, junelik b'an cheq'axtesi sa' roq ruq' li Yos leepatz'om rik'in tijok ut tz'aamank, jo'wi' rik'in yoxink.

Salmos 34:1

Xsaalm laj David. Kixb'icha naq ki'elk chiru laj Abimélek, yo chaq chi xpak'b'al rib' jo' kaan ru.

Salmos 5:7

Tik nakasacheb' jo'k'ihaleb' li neke'tik'ti'ik. Li Qaawa' naxtz'eqtaanaheb' laj b'alaq' jo'wi' eb' laj kamsinel ras riitz'in.

Hechos 9:40

Toja' naq laj Pedro kirisiheb' chixjunil, kixwiq'ib' rib' ut kitijok. Chirix chik a'an kixsutq'isi rib' wan wi' li kamenaq ut kixye: —At Tabitá, waklin! A'an kixte li ru ut, naq kiril laj Pedro, kik'ojlaak.

Jonás 2:4

Ut xinye sa' inch'ool: «Xinaawisi chi xnaq' aawu». Xink'oxla naq ink'a' ta chik twil laasantil ochoch.

1 Reyes 8:54

Naq laj Salomón kiraqe'k chi tijok ut chi tz'aamank chiru li Qaawa', kixaqliik, kixxaqab' rib' chiru li x'artal li Yos, b'arwi' xwank chi wiq'wook, kixtaqsiheb' li ruq' sa' choxa

1 Reyes 8:44

“Naq laatenamit te'xik chi yalok rik'ineb' li xik' neke'ilok reheb', yalaq b'ar taataqlaheb', wi te'tijoq chawu, sa' xjayal li tenamit sik'b'il ru aab'aan ut sa' xka'yab'aal li ochoch xinyiib' cho'q aawe,

Efesios 3:14

Jo'kan naq ninwiq'ib' wib' chiru li Yuwa'b'ej,

Hechos 10:9

Sa' li kutan jun chik, naq eb' a'an yookeb' chi xik, ak nach' chik rik'in li tenamit, laj Pedro kitaqe'k sa' xb'een li kab'l chi tijok wa'leb' tana re li kutan.

Daniel 6:13

Toja' naq eb' a'an ke'xye wi' chik: “Ab'an laj Daniel, li kik'ame'k chaq Judá, ink'a' nakatxpaab', at awab'ej, chi moko naxpaab' li chaq'rab' li xajuch' wi' laak'ab'a'. Ox sut chiru li kutan natijok chiru li xYos”.

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

1 Reyes 8:38

chawab'iiq chaq toj sa' laak'ojarib'aal yalaq ani chi poyanamil malaj chixjunil li tenamit Israel, li taareek'a xrahilal sa' xch'ool, taatijoq ut tolxtaqsiheb' li ruq' chi elajink chawu sa' li ochoch a'in.

Apocalipsis 2:10

Maaxiwa li b'arwan ok aawe chi xkuyb'al: wankeb' sa' eeyanq te'k'ehe'q sa' tz'alam xb'aan laj tza re taayale'q eerix. Teek'ul xninqal rahilal, ab'an ka'ajwi' yal chiru lajeeb' kutan. Tiikaq aach'ool toj reetal sa' laakamik, ut tink'e aawe li Yu'am cho'q aaq'ajkamunkil.

Colosenses 3:17

ut jo'ch'inal jo'nimal li teeye malaj teeb'aanu, chixjunil chi'uxmanq sa' xk'ab'a' li Qaawa' Jesus, yooqex chi yoxink chiru li Yos Yuwa'b'ej sa' xk'ab'a' A'an.

Filipenses 1:20

A'in tz'aqal li ninyo'oni ut nawoyb'eni: naq maak'a' k'aru tinxutaanaq wi'. Us ta yo'yooqin malaj ut kamenaqaqin, k'ojk'o inch'ool naq anaqwan ut junelik li Kriist taanimaaq xloq'al wik'in.

Hechos 20:36

Ut naq ak kiraqe'k chi xyeeb'al a'in, laj Pablo kixwiq'ib' rib' ut kitijok rochb'eeneb' chixjunil.

Nehemías 6:11

Kinchaq'ok ut kinye: “Junaq winq jo' laa'in, ma naru tab'i' taa'eleliq? Ma naru tab'i' tin'ok sa' rochoch li Yos re xkolb'al linyu'am? Ink'a' tinxik”, chankin.

2 Crónicas 6:38

wi te'sutq'iiq chaq aawik'in chi anchaleb' xch'ool chi anchaleb' li raanm ut te'tijoq chawu chi yooqeb' chaq chi ilok sa' xjayal li ch'och' aak'ehom reheb' li xna' xyuwa'eb', a' li tenamit aasik'om ru, ut sa' xjayal li kab'l xinyiib' sa' aak'ab'a',

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Filipenses 1:14

Ut naab'aleb' laj paab'anel xe'kawuuk xch'ool chirix li Qaawa' sa' xk'ab'a' naq b'ak'b'ookin chi kareen, ut q'axal chik neke'xk'e xch'ool chi xyeeb'al li Raatin li Yos chi maak'a'eb' xxiw.

Hechos 21:5

Ab'anan laa'o, naq ke'nume'k eb' li kutan a'an, koo'elk ut kiqachap qab'e. Chixjunileb' ke'ochb'eenink chaq qe toj chirix li tenamit rochb'eeneb' li rixaqil ut eb' li xkok'al. Chire li palaw koowiq'laak ut kootijok.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

Hechos 5:20

“Ayuqex, ut naq wanqex sa' rochoch li Yos, seeraq'inqex chi us rik'ineb' li tenamit chirix li Yu'am a'in”.

Hechos 4:29

Ut anaqwan, at Qaawa', k'e reetal chanru nokoohe'xxib'esi, ut chak'e taxaq reheb' laj k'anjel chawu xpuktesinkil laawaatin chi kaweb' xch'ool.

Hechos 3:1

Sa' jun li kutan laj Pedro ut laj Jwan ke'taqe'k sa' rochoch li Yos sa' oxib' honal re li ewu: a'an xhonalil li tijok.

Hechos 2:15

Moko te'kalaaq ta eb' a'in jo' nekek'oxla laa'ex, xb'aan naq anaqwan b'eleeb' honal re li kutan;

San Lucas 22:41

Kirisi rib' sa' xyanqeb' ut koho jo' xnajtil nakute'k wi' junaq pek; kixwiq'ib' rib' chi tijok ut kixye:

San Lucas 14:26

“Wi junaq taachalq wik'in ut ink'a' q'axal tinxra chiru li xna' xyuwa', li rixaqil, eb' li ralal xk'ajol, li ras riitz'in, eb' li ranab' ut li xyu'am ajwi', ink'a' naru taawanq cho'q intzolom.

Salmos 86:3

At Qaawa', chawuxtaana wu: chi q'eq ut chi kutan ninpatz' laak'ab'a'.

Esdras 9:5

Sa' li honal a'an kik'ulunk wi' chik linch'ool, ut chi q'ichilkeb' li waq' ut linb'aatal kinwiq'ib' wib', kintaqsiheb' li wuq' chi elajink chiru li Qaawa' linYos

2 Crónicas 6:13

Laj Salomón kixyiib' rik'in q'anch'iich' jun li na'ajej najt xteram, wank xkab' moqoj xnimal roq, juntaq'eet li xnimal ru ut waqib' k'utub' xteram; kixk'e sa' xyi li neb'aal, kixwiq'ib' rib' sa' xb'een, chiruheb' chixjunil laj Israel, ut kixtaqsiheb' li ruq' sa' choxa. Kitijok chi jo'ka'in:

1 Reyes 8:30

Chawab'i li xtij laj k'anjel chawu ut li xtz'aamahomeb' laatenamit Israel naq te'tijoq arin. Choohaawab'i sa' laana'aj, toj sa' li choxa; choohaawab'i ut chakuy qamaak.

Daniel 9:4

Kinxooto li qamaak chiru li Qaawa' linYos ut kinye re: «At Qaawa', at Nimajwal Yos nim aawankil, laa'at junelik nakapaab' laaSumwank ut nakak'ut naq xaqxo laarahom rik'ineb' li neke'rahok aawe ut neke'xpaab' laachaq'rab'.

San Marcos 3:3

Li Jesus kixye re li winq chaqi li ruq': —Xaqlin ut k'e aawib' arin sa' yiib'ej.