Daniel 5:4 - Q'eqchi Bible

⁴ Ke'uk'ak b'iin chixjunileb' ut ke'xnima ru li xyoseb' yiib'anb'ileb' rik'in oor ut plaat, q'anch'iich' ut ch'iich', che' ut pek.

Li Santil hu

⁴ Queꞌucꞌac vino ut queꞌxlokꞌoniheb li dios yi̱banbil riqꞌuin oro, plata, bronce, chꞌi̱chꞌ, cheꞌ ut pec.

Daniel 5:4 ပူးပေါင်းရင်းမြစ်များ

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Habacuc 2:19

Ra chaalel sa' aab'een laa'at li nakatyehok: “Ajsi aawu”, chankat re jun tolol chi che'. “Waklin”, chankat re jun li pek ink'a' na'aatinak. Ma naru tab'i' taa'aatinaq? Us ta nujob'resinb'il chi oor ut plaat, maak'a' jun tz'uqukaq yu'am rik'in.

Hechos 17:29

Wi laa'o elenaqo chaq rik'in li Yos, ink'a' truuq taaqak'oxla naq li Yos chanchan ta li oor, li plaat malaj li pek, yiib'anb'ileb' rik'in xseeb'al ruq' ut xk'a'uxl li winq.

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Isaías 42:17

Chi k'ajo'aq xxutaaneb' te'eleliq li neke'xkawub'resi xch'ooleb' chirixeb' li jalanil yos, eb' li neke'yehok re junaq jalam u: “Laa'at li qayos”.

Daniel 1:8

Ab'an laj Daniel ink'a' kiraj xmuxb'al ru li xpaab'aal rik'in xtzekankil li xtzekemq ut li ruk'a' li awab'ej; jo'kan naq kixtz'aama chiru li xjolomileb' naq ink'a' tixmin ru chi xtzekankil a'an.

Daniel 5:3

Tikto koxe'xxok chaq eb' li sek' oor ut plaat li ke'isiik chaq sa' rochoch li Yos aran Jerusalén, ut ki'uk'ak li awab'ej chisa', rochb'eeneb' li ninqeb' xwankil, eb' li rixaqil ut li xtz'aqob'leb' li rixaqil.

Daniel 5:5

Sa' ajwi' li honal a'an k'utaamil li ruq' jun li winq ki'ok chi tz'iib'ak chiru li xtz'akul li rochoch li awab'ej, tz'aqal chirix li xna'aj kanteel. Naq li awab'ej kiril li uq'ej yo chi tz'iib'ak,

Amós 6:7

Jo'kan naq anaqwan texchape'q ut texk'ame'q sa' najtil tenamit, k'amolb'ehaqex chiruheb' li te'xik chi preexil, ut aran taaraqe'q li ninq'ehik, ex aj q'em.

1 Reyes 1:49

Toja' naq jwal ke'xiwak chixjunileb' li b'oqb'ileb' xb'aan laj Adonías, ke'xaqliik ut chi xjunjunqaleb' koheb' sa' rochocheb'.