Daniel 5:28 - Q'eqchi Bible

²⁸ Parsín naraj naxye, ak jachb'il chik ru laa'awab'ejihom ut xk'eemank reheb' laj Media ut eb' laj Persia”, chan laj Daniel.

Li Santil hu

²⁸ Peres malaj ut Uparsin: Li ni̱nki tenamit nacattaklan cuiꞌ ac xjacheꞌ saꞌ xyi ut ac xqꞌueman reheb laj Medo ut reheb laj Persia, chan laj Daniel.

Daniel 5:28 ပူးပေါင်းရင်းမြစ်များ

Daniel 6:28

Ut laj Daniel q'axal kiwank xwankil chiru chixjunil li xyu'am sa' li x'awab'ejihom laj Darío ut laj Siro aj Persia.

Isaías 13:17

Tinchiq' xjosq'ileb' laj Media chi yalok rik'ineb'; eb' a'an ink'a' naxik xch'ooleb' chirix li tumin chi moko neke'xrahi ru li oor.

Daniel 5:31

Laj Darío aj Media a'an chik ki'ok chi awab'ejink naq ak wank wiib' xkaak'aal chihab' re.

Isaías 21:2

Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Daniel 9:1

“Sa' li xb'een xchihab' chi awab'ejink laj Darío, ralal laj Asuero, aj Media, sa' xb'eeneb' laj Kaldeha,

Daniel 8:20

Li karneer wiib' xxukub' li xawil, a'an reetalileb' li awab'ej re Media ut Persia.

Hechos 2:9

Wankeb' sa' qayanq aj Paart, aj Media, aj Elam, aj Mesopotamia, aj Judea, aj Kapadocia, aj Ponto, aj Asia,

Daniel 6:8

Jo'kan utan, at awab'ej, k'e xwankil li chaq'rab' a'in ut juch' laak'ab'a' chisa', re naq ink'a' chijalmanq xyaalal jo' li xchaq'rab'eb' laj Media ut eb' laj Persia”.

2 Crónicas 36:23

“Jo'ka'in xye laj Siro, awab'ej re Persia: Li Qaawa', xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá. Jo'kan utan, chejunilex li xkomonex li xtenamit li Yos naru texxik aran. Ut li Qaawa' leeYos chiwanq taxaq eerik'in!”.

Isaías 47:11

Jo'kan naq taachalq sa' aab'een jun rahilal chi ink'a' tatruuq chi xkolb'al aawib' chiru; q'axal ra taak'ul ut maak'a' xja'lenkil. Chi junpaat taachaalunq jun raaxiik' sa' aab'een li ink'a' nakawoyb'eni.

Jeremías 25:13

Tintaqla chaq sa' xb'een Babilonia chixjunil linyehom chaq chirix, jo'ch'inal jo'nimal li tz'iib'anb'il sa' li hu a'in ut yeeb'il chaq xb'aan laj Jeremías sa' ink'ab'a' chirixeb' chixjunil li tenamit.

Jeremías 51:28

B'oqomaqeb' li tenamit chi yalok rik'ineb' laj Babilonia; kawresihomaq li awab'ej re Media, eb' laj jolominel ut li xninqaleb' ru winq, jo' ajwi' chixjunileb' li na'ajej wankeb' rub'el xwankileb'”.

Daniel 2:32

Li xjolom a'an tz'aqal chaab'il oor; eb' li xtel ut li re xch'ool a'an tz'aqal plaat; li ru xsa' ut li xyi rix a'an q'anch'iich';

Daniel 2:39

“Moqon chik taawakliiq chaq jun chik awab'ejihom, ab'an kub'enaqaq xwankil chawu, ut chirix a'an taawanq jun rox awab'ejihom, jo' li q'anch'iich', li taataqlanq sa' xb'een chixjunil li ruuchich'och'.