Daniel 5:19 - Q'eqchi Bible

¹⁹ Ut sa' xk'ab'a' a'an chixjunileb' li tenamit, eb' li poyanam, a' yaal k'aru li raatinob'aaleb', ke'xiwak ut ke'siksotk chiru. Kixkamsi malaj kixkol li ani kiraj xch'ool, kixk'e xloq'al malaj kixsach xwankil li ani kiwulak chiru.

Li Santil hu

¹⁹ Ut xban lix nimal xcuanquil li quiqꞌueheꞌ re, chixjunileb li cuanqueb saꞌ ruchichꞌochꞌ aꞌ yal bar xtenamiteb ut aꞌ yal cꞌaꞌru ra̱tinoba̱leb, nequeꞌsicsot xbaneb xxiu chiru. Quixcamsi li ani quiraj xcamsinquil ut quixcol li ani quiraj xcolbal. Quixqꞌue xcuanquil li ani quiraj xqꞌuebal xcuanquil ut quixcubsi xcuanquil li ani quiraj xcubsinquil xcuanquil.

Daniel 5:19 ပူးပေါင်းရင်းမြစ်များ

Daniel 3:6

Li ink'a' tixb'uchub' rib' chiru ch'och' chi xloq'oninkil, sa' junpaat taakutmanq sa' xam li k'ajo' xtiqwal”.

Daniel 3:4

Toja' naq laj yehol esil kixye chi kaw xyaab' xkux: “Ex poyanam ut chejunilex laa'ex li xexchalk sa' jalan jalanq chi tenamit ut nekex'aatinak sa' jalan jalanq chi aatinob'aal, naqak'e chenaw a'in:

Romanos 13:1

Chexpaab'anq chejunilex chiruheb' li wankeb' xwankil sa' qab'een, xb'aan naq maa'ani wank xwankil chi ink'a' ta k'eeb'il re xb'aan li Yos, ut eb' li wankeb' xwankil, a' li Yos kixaqab'ank reheb'.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

Habacuc 2:5

Relik chi yaal naq li b'ihomal nab'alaq'ik; li maak'a'eb' xna'leb' neke'xyal xq'e chi xsik'b'al xtumineb', ut junelik neke'raj xkomon: chanchaneb' li kamk, chanchaneb' li xjulel kamenaq li junelik yo chi royb'eninkil eb' li te'ok chisa'. Neke'xik yalaq b'ar chi sachok tenamit, chi ink'a' nak'ojlaak xch'ooleb'.

Daniel 4:22

Li che' a'an a'anat laa'at, at awab'ej: laa'at li xnimank laawankil, li jwal kaw aawib', laa'at li xnumtaak laawankilal ut xwulak toj sa' choxa; laa'awab'ejihom xwulakje'k toj sa' xmaril li ruuchich'och'.

Daniel 3:29

Jo'kan naq laa'in nink'e li chaq'rab' a'in: chixjunil li winq, a' yaal b'ar xtenamit, malaj xteepalil malaj ut raatinob'aal, li taa'aatinaq yib'ru chirix li xYos laj Sidrak, laj Misak ut laj Abdénago, taakamsiiq chi putz'inb'il ut taajuk'manq chixjunil li rochoch, xb'aan naq maak'a' chik junaq Yos taaruhanq chi kolok jo' li Yos a'in”.

Proverbios 16:14

Naq li awab'ej najosq'o'k, a'an resilal li kamk. Jo'kan wi wank aana'leb', yal aaq'e xtuulanob'resinkil.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

2 Reyes 25:28

Q'axal kixb'aanu usilal re ut kixk'e xwankil jwal nim wi' chik chiruheb' chixjunil li awab'ej wankeb' rochb'een aran Babilonia.

Ezequiel 31:11

Jo'kan naq xintz'eq chirix linch'ool, ut tinq'axtesi sa' ruq' li nataqlank sa' xb'eeneb' li xninqal ru tenamit, re naq taa'uxq re jo' chanru li xmaa'usilal.

Daniel 4:17

A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Daniel 11:3

Toja' naq aran taawakliiq jun awab'ej q'axal kaw chik rib', tixjolomi jun nimla awab'ejihom ut tixb'aanu li taaraj xb'aanunkil.

Daniel 11:16

Li awab'ej re Siria tixb'aanu li k'aru taaraj xb'aanunkil, chi maajun taaruuq chi sumenk re; toxkanaaq sa' li xchaq'alil ru na'ajej ut taanumtaaq sa' xb'een.

Daniel 11:36

«Li awab'ej re Siria tixb'aanu li k'aru taaraj xb'aanunkil; tixnimob'resi rib', tixk'e xwankil sa' xb'een chixjunileb' li yos ut tixmajewa li tz'aqal Yos. Jwal us taa'elq toj reetal li Yos tixk'ut li xnimal xjosq'il, xb'aan naq li ak xyeemank xb'aan li Qaawa', taa'uxq.

Eclesiastés 8:3

Loq' li raatin li awab'ej, ut maa'ani taayehoq re: “K'a' naq yookat chi xb'aanunkil a'an?”. Jo'kan naq maaseeb'a aawib' chi elk chiru, chi moko taak'e aach'ool chi xb'aanunkil li ink'a' us, xb'aan naq li awab'ej naru tixb'aanu aawe li k'aru x'alaak sa' xch'ool xb'aanunkil.

Daniel 4:19

Toja' naq laj Daniel, Beltsasar nayeemank re, kisachk xch'ool ut mem kikanaak chiru jun k'amok xb'aan li xk'a'uxl. Ab'an li awab'ej kixye re: “Matxiwak, a Beltsasar, ut mi'ok aak'a'uxl xb'aan li matk' a'in chi moko xb'aan li xyaalal”. Kichaq'ok laj Beltsasar ut kixye: “At awab'ej, rehaqeb' taxaq li xik' neke'ilok aawe li matk' a'in; ut chinaq ta li xyaalalil sa' xb'eeneb' li neke'majewank aawe.

Daniel 11:12

Naq akaq xsacheb' ru li k'iila aj puub', tixnimob'resi rib' ut k'ajo'eb' chik li poyanam tixkamsi, ab'anan moko toxnumtaaq ta chik.