Daniel 5:11 - Q'eqchi Bible

¹¹ Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

Li Santil hu

¹¹ Rubel la̱ cuanquil cuan jun li cui̱nk qꞌuebil xnaꞌleb xbaneb lix dios santo. Nak toj cua̱nk la̱ yucuaꞌ chokꞌ rey quixqꞌue retal nak aꞌan cuan xnaꞌleb ut naxtau ru li incꞌaꞌ natauman ru. Lix naꞌleb aꞌan chanchan lix naꞌlebeb li dios. Ut la̱ yucuaꞌ quixqꞌue xcuanquil saꞌ xbe̱neb chixjunileb laj qꞌuehol naꞌleb ut eb laj kꞌe ut eb laj Caldea joꞌqueb ajcuiꞌ li nequeꞌtzoloc chirix li chahim.

Daniel 5:11 ပူးပေါင်းရင်းမြစ်များ

Daniel 4:18

“A'an a'in li xinmatk'e -chan laj Nabukodonosor li awab'ej-. At Beltsasar, ch'olob' chiwu li xyaalalil xb'aan naq maajun reheb' laj q'e li wankeb' rub'el inwankil xe'ruuk chi xtawb'al xyaalal. Ab'an laa'at tatruuq, xb'aan naq wank aawik'in li xmusiq' li Yos q'axal sant”.

Daniel 5:14

Xwab'i resil naq wank aawik'in li xmusiq' eb' li loq'laj yos, jwal seeb' laak'a'uxl ut numtajenaq nim laachoxahil na'leb'.

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Hechos 12:22

japjookeb' re li tenamit chi xyeeb'al: “Raatin li Yos a'an, maawa' raatin winq!”.

Daniel 2:11

Li k'aru nakapatz', at awab'ej, a'an q'axal ch'a'aj xsumenkil, ut maajun junaq truuq chi xyeeb'al aawe, ka'ajeb' ajwi' eb' li yos; ab'anan moko wankeb' ta sa' xyanqeb' li poyanam!”.

2 Samuel 14:17

Laa'in aj k'anjel chawu, ut yookin chi royb'eninkil naq laawaatin tixk'ojob' linch'ool, xb'aan naq laa'at, awab'ej, chanchanat jun x'ánjel li Yos: nakanaw xk'eeb'al reetal li us ut li ink'a' us. A' taxaq li Qaawa' Yos chiwanq aawik'in”.

Hechos 16:16

Sa' jun li kutan, naq yooko chi xik sa' li na'ajej na'uxk wi' li tijok, kichalk chi qak'ulb'al jun li ixqa'al wank musiq'ej re q'ehink rik'in: naab'al li tumin neke'xk'ul eb' laj eechal re rik'in li q'ehink naxb'aanu.

Hechos 14:11

Naq eb' li poyanam ke'ril li kixb'aanu laj Pablo, ke'xjap re chi xyeeb'al sa' raatinob'aal eb' laj Likaonia: —Xe'kub'e chaq li Yos sa' qayanq jo'eb' li winq.

Génesis 41:38

ut laj Parahón kixye reheb' laj k'anjel chiru: “Ma tqataw tab'i' junaq winq kama' a'in li wank xmusiq' li Yos rik'in?”.

Ezequiel 28:3

Ma q'axal wank tab'i' aana'leb' chiru laj Daniel? Ma nakanaw tab'i' chixjunil li muqmuukil na'leb'?

Daniel 1:4

Eb' li ch'ajom a'an tento naq kawaqeb', chaab'ilaq rilb'aleb', seeb'aq xch'ooleb' ut wanqeb' xnawom, tzolb'ilaqeb' chi us ut kawal wanqeb' chi k'anjelak sa' rochoch li awab'ej, re naq te'xtzol li aatinak ut li tz'iib'ak sa' raatinob'aaleb' laj Kaldeha.

Daniel 2:22

A'an nak'ehok chi kutankil li muqmuukil k'a'uxl ut li ch'a'aj xtawb'al ru; naxnaw li k'aru muqmu sa' li aak'ab', xb'aan naq na'ochb'eeniik xb'aan li kutan saqenk.

Daniel 5:7

Toja' naq li awab'ej kixjap re chi xb'oqb'aleb' chaq laj q'e, eb' laj nawal ut eb' laj tz'ilol rixeb' li chahim li wankeb' sa' xteepal Babilonia, ut kixye reheb': “Ani taa'iloq re li tz'iib'anb'il chiru li tz'ak ut tixch'olob' li xyaalal, taatiqib'aaq rik'in kaqi aq'ej reetalil li xwankil; taak'eemanq xq'ol oor chi xkux ut a'anaq li roxil chi taqlank sa' lin'awab'ejihom”, chan.

Ezequiel 28:4

Rik'in xseeb'al laach'ool ut laak'a'uxl xatuub' naab'al laab'ihomal; xanujob'resi chi oor ut plaat laak'uuleb'aal.

Daniel 4:5

Ab'anan sa' jun q'oqyink xinmatk'ek ut xinxiwak xb'aan. Li moy u li xwil naq sotsookin chiru linch'aat ut li k'a'aq re ru xnume'k sa' inch'ool k'ajo' naq xine'xxib'esi.

Daniel 4:6

Toja' naq xinb'oqeb' chixjunileb' laj k'ehol na'leb' li wankatqeb' sa' xteepal Babilonia, re naq te'xch'olob' chiwu li xyaalalil li moy u.