Daniel 4:37 - Q'eqchi Bible

³⁷ “Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Li Santil hu

³⁷ Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Daniel 4:37 ပူးပေါင်းရင်းမြစ်များ

1 Samuel 2:3

Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

Ezequiel 16:63

Chi jo'kan taajultiko'q aawe, taakub'si laawankil ut ink'a' chik taate laawe xb'aan laaxutaan, naq tinkuy tinsach chixjunileb' laamaak»”, chan li Qaawa'.

Salmos 119:75

At Qaawa', ch'olch'o chiwu naq nakatraqok aatin sa' tiikilal ut wank xyaalal naq nikinaarahob'tesi.

Éxodo 18:11

Anaqwan ninnaw naq li Qaawa' a'an q'axal nim xwankil chiru chixjunileb' li yos, xb'aan naq xjosq'o'k sa' xb'eeneb' laj Ejiipt naq eb' a'an xe'raj raj xnimob'resinkil rib'”.

Hechos 17:24

“Li Yos li kiyiib'ank re li ruuchich'och' ut chixjunil li wank chisa', a'an ajwi' laj eechal re li choxach'och'. Ut a'an ink'a' nahilank sa' ochoch yiib'anb'il rik'in uq'ej,

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.

Daniel 4:34

“Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Isaías 5:16

Taaterq'usiiq xloq'al li Nimajwal Yos sa' li raqb'a aatin, ut li Qaawa' tixk'ut li xsantilal rik'in xb'aanunkil li tiikilal.

Salmos 99:4

Laa'at jun awab'ej li q'axal nim aawankil, k'ajo' naq nakara li tiikilal! Laa'at xatk'ojob'ank re li yaal, xak'anjela li tiikil ch'oolej ut li yaal sa' xyanqeb' laj Jakob.

Apocalipsis 16:7

Ut kiwab'i jun xyaab' kuxej sa' li artal yo chi xyeeb'al: “Relik chi yaal, at Qaawa', at Nimajwal Yos, xatraqok aatin sa' tiikilal ut rik'in yaal”.

Daniel 5:4

Ke'uk'ak b'iin chixjunileb' ut ke'xnima ru li xyoseb' yiib'anb'ileb' rik'in oor ut plaat, q'anch'iich' ut ch'iich', che' ut pek.

Daniel 4:3

K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Ezequiel 16:56

Ma ink'a' tab'i' kase'e Sodoom, laawiitz'in, naq sa wankat

2 Crónicas 33:19

Li xtij ut li xsumenkil xb'aan li Qaawa', chixjunil li xmaak ut li b'alaq'ik kixb'aanu, eb' li na'ajej kixyiib'atq wi' eb' li tijob'aal ut b'arwi' kixk'ehatq eb' li xjalam u lix Aserá ut eb' li jalanil yos, naq toj maji' nayot'e'k xch'ool ut naxkub'si li xwankil, chixjunil a'an tz'iib'anb'il sa' xHuhil li xyehom ut xb'aanuhom laj Josay.

Isaías 23:9

A' li Nimajwal Yos xk'uub'ank re a'in re xsachb'al li xq'etq'etil Tiro chirix li xnimal xloq'al ut re xkub'sinkileb' xwankil li neke'xnima rib' sa' ruuchich'och'.

Jeremías 50:29

“Ch'utub'omaq chixjunileb' li neke'kutuk rik'in simaj re xik chi yalok rik'in Babilonia. Sutumaq rix li tenamit re naq maajun taa'eleliq. Eeqajuuq re jo' chanru xk'ulub' ut b'aanuhomaq re jo' chanru xb'aanu a'an, xb'aan naq xq'etq'eti rib' chiwu laa'in li Qaawa', li xsant laj Israel.

Daniel 4:26

“Xyeemank sa' laamoy u naq toj taakanaaq li xtoonal ut eb' li xxe' li che'; ut a'an naraj naxye naq taak'eemanq wi' chik aawe laa'awab'ejihom, ab'an toj taapaab' naq chixjunil li wankilal nachalk rik'in li Yos.

Éxodo 8:4

Talaje'pisk'o'q li amoch sa' aab'een, sa' xb'eeneb' laatenamit ut sa' xb'eeneb' laj k'anjel chawu»”.

Ester 6:10

Toja' naq li awab'ej kixye re laj Amán: “K'am chi junpaat li chaab'il aq'ej ut li kawaay jo' tz'aqal xaye, ut b'aanu chi jo'kan re laj Mardokeo laj Judiiy li k'ojk'o aran chire rokeb'aal li wochoch. Maakol junaq k'a'aq re ru re li xaye!”.