Daniel 4:34 - Q'eqchi Bible

³⁴ “Naq ak xnume'k li wuqub' chihab', laa'in laj Nabukodonosor xintaqsi li wilob'aal sa' choxa ut xk'ulunk wi' chik linch'ool. Toja' naq xwusilaatina li Nimajwal Yos, xinnima xloq'al ut xinterq'usi xk'ab'a' li Yo'yo junelik: li xnimal xwankil wank chi junelik ut li x'awab'ejihom taakanaaq junq'e junq'e kutan.

Li Santil hu

³⁴ —Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.

Daniel 4:34 ပူးပေါင်းရင်းမြစ်များ

Apocalipsis 4:10

eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:

Daniel 12:7

Li tiqto rik'in liin sa' xb'een li ha' kixtaqsiheb' li ruq' sa' choxa ut kiwab'i chi xyeeb'al sa' jurament sa' xk'ab'a' li Yos li wank chi junelik: «Chiru wan xka chihab', naq taaraqe'q xsachb'aleb' ru li santil tenamit, taatz'aqloq ru chixjunil a'in».

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Salmos 145:13

Laa'awab'ejihom a'an re junq'e junq'e kutan, ut laawankil wank chi junelik. Li Qaawa' a'an tiik xch'ool rik'in li naxye, q'axal chaab'il rik'in chixjunil li naxb'aanu.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Daniel 4:32

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut jo'kan tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e li wankilal re li ani naraj wi' xk'eeb'al”.

San Lucas 1:33

Taa'awab'ejinq sa' xb'een li rochoch laj Jakob chi junelik, ut li xnimal awab'ejihom ink'a' taalajq taa'oso'q.

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 4:26

“Xyeemank sa' laamoy u naq toj taakanaaq li xtoonal ut eb' li xxe' li che'; ut a'an naraj naxye naq taak'eemanq wi' chik aawe laa'awab'ejihom, ab'an toj taapaab' naq chixjunil li wankilal nachalk rik'in li Yos.

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Daniel 4:3

K'ajo' xninqal li sachb'ach'oolej naxb'aanu, q'axal numtajenaq xwankil li xb'aanuhom! Li x'awab'ejihom wank chi junelik, ut li xwankilal ink'a' taalajq taa'oso'q.

Lamentaciones 3:38

Naqak'ul li us ut li ink'a' us, xb'aan naq jo'kan naraj li Qaawa'.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Salmos 146:10

Li Qaawa' na'awab'ejink chi junelik. At Sión, wank xwankil laaYos junq'e junq'e kutan. Aleluya!

Salmos 123:1

B'ich re li taqsink. Nintaqsi li wilob'aal aawik'in, at Qaawa', laa'at li wankat sa' choxa.

Salmos 121:1

B'ich re li taqsink. Nintaqsi li wilob'aal sa' xb'eeneb' li tzuul: b'ar taachalq chaq lintenq'ankil?

Salmos 107:31

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil.

Salmos 102:24

Li Qaawa' xrisi linmetz'ew, xk'os roq linyu'am sa' xyiitoq linb'e.

Salmos 92:1

Saalm ut b'ich re li kutan sábado.

Salmos 10:16

Li Qaawa' a'an awab'ej chi junelik; eb' li maak'a'eb' xpaab'aal te'isiiq sa' xna'ajeb' chi junwaakaj.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

San Juan 5:26

Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib',

San Lucas 18:13

“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Salmos 107:22

Chexmayejaq ut chexyoxinq, yehomaq resil li xninqal xb'aanuhom chi sa sa' eech'ool!

Salmos 107:15

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil!

Salmos 107:8

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil!

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

Salmos 9:2

At Qaawa', chi anchal linch'ool twaj xnimankil laak'ab'a', tinpuktesi resil eb' li xninqal ru aab'aanuhom.

Salmos 7:17

Jo'ch'inal jo'nimal kilajxb'aanu taasutq'iiq chaq sa' xb'een, ut a' chik li xmaa'usilal taat'ane'q sa' xb'een.

Li xHu LAJ JOB 1:21

ut kixye: “Chi t'ust'u xin'elk chaq rik'in linna' ut kama'an ajwi' naq tinsutq'iiq aran. Li Qaawa' xk'ehok ut li Qaawa' xmaq'ok chiwu. Usilaatinanb'il taxaq xk'ab'a' li Qaawa'!”.

Apocalipsis 10:6

ut kixye jurament sa' xk'ab'a' li Yos, li yo'yo chi junelik q'e kutan, a' li kiyoob'tesink re li choxa ut chixjunil li wank chisa', li ruuchich'och' rochb'een chixjunil li wank chisa', li palaw rochb'een chixjunil li wank chisa'. Kixye chi jo'ka'in: “Maak'a' chik b'ayk!

Apocalipsis 4:9

Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan,

Daniel 4:2

Chi sa sa' inch'ool nawaj xk'eeb'al chenaw li xninqal b'aanuhom ut sachb'ach'oolej xb'aanu we li Nimajwal Yos.

Daniel 4:36

“Sa' ajwi' li honal a'an xk'ulunk linch'ool ut xink'ul wi' chik linloq'al, linwankil, jo' ajwi' lin'awab'ejihom. Eb' laj k'ehol inna'leb' ut eb' li ninqeb' xwankil xoline'ril, xine'xxaqab' wi' chik cho'q awab'ej ut q'axal chik xe'xk'e inwankil.

Daniel 5:18

“At awab'ej, li Nimajwal Yos kixk'e chi awab'ejink laj Nabukodonosor laayuwa'; kixk'e ajwi' xwankil ut xloq'al, re naq nawb'ilaq ut nimanb'ilaq ru xb'aaneb' chixjunil.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Jonás 1:14

Toja' naq ke'tijok chiru li Qaawa' ut ke'xye: “At Qaawa', moohaakanab' chi kamk xb'aan li winq a'in. Ut wi maak'a' xmaak, maak'e li xkamik sa' qab'een, xb'aan naq laa'at, at Qaawa', nakatraqok aatin jo' naxk'ul laach'ool”.

Deuteronomio 32:4

A'an li qaSaqoonak; tz'aqal re ru jo'nimal naxb'aanu; chixjunil li xk'uub'ahom a'an tiikilal. A'an jun Yos tiik xch'ool, li ink'a' nab'alaq'ik; a'an paab'ajel ut jwal chaab'il.

2 Samuel 22:31

“Tz'aqal re ru li Yos sa' chixjunil li xb'aanuhom, tz'aqal yaal chixjunil li raatin li Qaawa'. A'an nakolok reheb' li neke'xq'axtesi rib' sa' ruq'.

1 Crónicas 29:10

Chirix chik a'an laj David kixloq'oni li Qaawa' chiruheb' chixjunil li wankeb' sa' li nimla ch'utam ut kixye: “Osob'tesinb'ilat taxaq chi junelik, at Qaawa', xYos li qayuwa' Israel!

1 Crónicas 29:13

Jo'kan naq, at qaYos, anaqwan nokooyoxink chawu ut naqaterq'usi laaloq'laj k'ab'a'.

Salmos 66:7

Na'awab'ejink chi junelik rik'in xnimal xwankil; li rilob'aal wank sa' xb'eeneb' li tenamit re naq eb' laj q'etol aatin ink'a' te'xq'etq'eti rib' chiwach.

Salmos 111:7

Chixjunil li naxb'aanu, a'an chaab'il ut tz'aqal yaal; paab'ajel chixjunileb' li xchaq'rab':

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Daniel 9:14

Jo'kan naq li Qaawa' kixk'uub' chi junxilaj li rahilal a'in ut anaqwan xtaqla chaq sa' qab'een, xb'aan naq tiik xch'ool li Qaawa' li qaYos ut laa'o ink'a' xqaj rab'inkil li xyaab' xkux.