Daniel 4:17 - Q'eqchi Bible

¹⁷ A'an a'in li raqb'a aatin xxaqab'aak xb'aaneb' laj santil k'aak'alenel, re naq taanawmanq xb'aaneb' chixjunileb' li poyanam naq li Nimajwal Yos nataqlank sa' xb'eeneb' li x'awab'ejihom li ruuchich'och': naxk'e xwankil li naraj wi' xk'eeb'al ut naxterq'usi xloq'al li jwal kub'enaq xwankil sa' xyanqeb' chixjunil li poyanam».

Li Santil hu

¹⁷ Aꞌan aꞌin li tenebanbil saꞌ xbe̱n xbaneb li santil ángel li nequeꞌcꞌacꞌalen, re nak chixjunileb teꞌxqꞌue retal nak li nimajcual Dios nim xcuanquil saꞌ xbe̱neb li nequeꞌtaklan saꞌ ruchichꞌochꞌ. Aꞌan naqꞌuehoc xcuanquileb li ani naraj aꞌan, ut naxqꞌueheb xcuanquil li ma̱cꞌaꞌeb xcuanquil.” Joꞌcan quixye cue li ángel.

Daniel 4:17 ပူးပေါင်းရင်းမြစ်များ

Daniel 4:25

Tat-isiiq sa' xyanqeb' li poyanam ut tatwanq sa' xyanqeb' li k'iche'il xul; tattzekanq ichaj jo'eb' li wakax ut tatxt'aqresi li xchu'ke. Jo'ka'in naq tatwanq chiru wuqub' chihab', toj reetal taataw ru naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

1 Corintios 1:28

Li k'aru kub'enaq xwankil sa' xk'ab'a' li xyo'lajik ut tz'eqtaananb'il xb'aan li ruuchich'och' kisik'e'k ru xb'aan li Yos: li moko a'an ta kisik'e'k ru, re xjuk'b'al xwankil li k'a' re ru wank,

Daniel 11:21

«Sa' xna'aj a'an taa'awab'ejinq jun li winq q'axal yib'ru xna'leb' chi moko xkomoneb' li awab'ej; taa'ok chi taqlank chi maak'a'aq sa' xch'ooleb' ut taareechani li awab'ejihom sa' b'alaq'il na'leb'.

Éxodo 9:16

Ab'an xatinkanab' chi yo'yo re xk'utb'al chawu linwankil, re naq chinimaaq link'ab'a' sa' xb'een chixjunil li ruuchich'och'.

Ezequiel 25:17

Tin'eeqajunq sa' xb'eeneb' chi q'axal xiwajelaq rilb'al; k'ajo'aq linjosq'il naq tinrahob'tesiheb'. Ut aran taanawmanq naq laa'in li Qaawa'”.

Ezequiel 7:24

Laa'in tink'ameb' chaq maa'us aj tenamit sa' xb'een, re naq tole'reechani eb' li ochoch. Tinsach li k'aru neke'xq'etq'eti wi' rib' li ninqeb' xwankil ut taamuxmanq ru li xtijob'aaleb'.

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

1 Reyes 21:25

Relik chi yaal naq maajun chik kiwank jo' laj Ajab, li k'ajo' li maa'usilal kixb'aanu chiru li Qaawa', takchi'inb'il xb'aan lix Jesabel li rixaqil.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

1 Timoteo 5:21

Nintz'aama chawu sa' xk'ab'a' li Yos, sa' xk'ab'a' li Kristo Jesus ut eb' li ánjel sik'b'ileb' ru, naq taapaab' chixjunil a'in sa' tiikilal, chi ink'a' tiitooq ru anihaq aab'aan.

Isaías 6:8

Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Salmos 12:8

At Qaawa', laa'at tattenq'anq qe, laa'at tatkoloq qe chiruheb' li tenamit a'an chi junelik.

2 Crónicas 28:22

Ut us ta sutsu li xtenamit xb'aaneb' laj Asiria, laj Ajás ink'a' kixkanab' xq'etq'etinkil rib' chiru li Qaawa'.

Romanos 13:1

Chexpaab'anq chejunilex chiruheb' li wankeb' xwankil sa' qab'een, xb'aan naq maa'ani wank xwankil chi ink'a' ta k'eeb'il re xb'aan li Yos, ut eb' li wankeb' xwankil, a' li Yos kixaqab'ank reheb'.

Salmos 103:19

Li Qaawa' kixk'ojob' li xk'ojarib'aal sa' choxa, ut na'awab'ejink sa' xb'een chixjunil li choxach'och'.

Daniel 4:2

Chi sa sa' inch'ool nawaj xk'eeb'al chenaw li xninqal b'aanuhom ut sachb'ach'oolej xb'aanu we li Nimajwal Yos.

Daniel 7:25

tixmajewa li Nimajwal Yos ut tixrahob'tesiheb' li sik'b'ileb' ru xb'aan li Qaawa'. Tixyal xjalb'al li Chaq'rab' jo' ajwi' li xkutankileb' li ninq'e, ut li xtenamit li Yos te'wanq rub'el xwankil chiru wan xka chihab'.