Daniel 4:14 - Q'eqchi Bible

¹⁴ ut xye chi kaw xyaab' xkux: «T'anomaq li che', yok'omaq eb' li ruq', jilomaq li xxaq ut kutomaq chi najt eb' li ru. Elqeb' li xul sa' li xmu ut eb' li xik'anel xul sa'eb' li ruq'.

Li Santil hu

¹⁴ Ut chi cau xya̱b xcux li ángel quixye, “Yocꞌ li cheꞌ aꞌan. Yocꞌ ajcuiꞌ li rukꞌ ut isi lix xak ut tzꞌek li ru. Yolesiheb li xul li cuanqueb rubel joꞌqueb ajcuiꞌ li cuanqueb saꞌ eb li rukꞌ.

Daniel 4:14 ပူးပေါင်းရင်းမြစ်များ

San Mateo 3:10

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam.

Daniel 4:23

“Xawil ajwi' naq jun aj santil k'aak'alenel xkub'e chaq sa' choxa ut xye: «T'anomaq li che', sachomaq chixjunil, ab'an kanab'omaq li xtoonal ut li xxe', chi b'ak'b'ooq rik'in kareen ch'iich' ut q'anch'iich', sa' xyanq li pim; chit'aqresiiq xb'aan li xchu'ke, ut chiru wuqub' chihab' chiwa'aq pim sa' xyanqeb' li xul».

San Lucas 3:9

Ak wank li maal sa' xtoonaleb' li che'; ut chixjunil li che' ink'a' chaab'il li ru naxk'e, taayok'manq ut taakutmanq sa' xam”.

San Mateo 7:19

Chixjunil li che' ink'a' us li ru naxk'e, taayok'manq ut taakutmanq sa' xam.

Daniel 4:12

Q'axal ch'ina'us neke'ilok eb' li ruq' ut k'ajo'eb' li ru: aran wank tzekemq cho'q reheb' chixjunil. Sa' xmu neke'hilank chixjunileb' li k'iche'il xul ut neke'sukub'k eb' li xik'anel xul sa'eb' li ruq'; rik'ineb' li ru li che' a'an neke'tzekank chixjunileb' li wankeb' xyu'am.

Daniel 3:4

Toja' naq laj yehol esil kixye chi kaw xyaab' xkux: “Ex poyanam ut chejunilex laa'ex li xexchalk sa' jalan jalanq chi tenamit ut nekex'aatinak sa' jalan jalanq chi aatinob'aal, naqak'e chenaw a'in:

Apocalipsis 18:2

Kixjap re chi kaw xyaab' xkux: “Xt'ane'k, ak xt'ane'k li nimla tenamit Babilonia. Xkanaak cho'q xna'ajeb' li maa'us, cho'q xtz'alam chixjunileb' li tz'ajn aj musiq'ej, xtz'alameb' chixjunil li xik'anel xul tz'ajeb' ru ut tz'eqb'eetaleb'.

Apocalipsis 10:3

Toja' naq kixjap re chi kaw xyaab' xkux, jo' naxjap re li kaqkoj; ut naq kixjap re, ki'ab'iik xyaab' wuqub' chi kaaq.

Daniel 5:20

Ab'anan kixnimob'resi rib' ut q'axal kiq'etq'eto'k; jo'kan naq ki'isiik sa' xwankil ut kimaq'e'k chiru li xloq'al.

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Li xHu LAJ JOB 24:20

Ink'a' chik taak'oxlaaq xb'aan li xna' chi moko taapatz'manq li xk'ab'a'. Li ink'a' us xna'leb' taamotzo'inq ut taa'oso'q jo' naq nayok'mank jun toon li che'.

Ezequiel 31:10

«Jo'ka'in xye li Qaawa': Li che' a'an xk'iik chi jwal najt xteram ut li ru'uj xwulak toj sa' li choql; xq'etq'eto'k li xch'ool xb'aan li xnimal xteram.

Jeremías 27:5

Rik'in xnimal linwankil ut linmetz'ew kink'uub' li ruuchich'och', jo'wi' eb' li poyanam ut li xul li wankeb' chisa', ut laa'in yaal we k'aru tinb'aanu rik'in chixjunil a'an: naru tink'e sa' ruq' li ani xk'ulub'a wi' linch'ool.

Daniel 2:21

Li Qaawa' wank xwankil sa' xb'eeneb' li kutan ut naxtaqla chaq li saq'ehil ut li hab'alq'e. A'an naxaqab'ank ut na'isink reheb' li awab'ej; naxk'e xchoxahil na'leb'eb' laj k'ehol na'leb' ut naxsi li xnimal nawom reheb' li seeb'eb' xk'a'uxl.

Daniel 4:29

Jun chihab'aq chik a'an, naq yo chi b'eek li awab'ej sa' xka' k'ojar li rochoch aran Babilonia,

Daniel 5:21

Ki'isiik sa' xyanqeb' li poyanam ut kiwank jo' junaq xul; kiwank chaq sa' xyanqeb' li k'iche'il xul ut kiwa'ok pim jo'eb' li wakax. Kit'aqresiik xb'aan li xchu'ke, toj reetal kixk'e reetal naq li Nimajwal Yos a'an li nataqlank sa' xb'eeneb' li x'awab'ejihom li ruuchich'och' ut naxk'e xwankil li naraj wi' xk'eeb'al.